IḶUAIAN 39:5 - Alkitab Singog In Mongondow Masa In Tanaa

⁵ Baan inta ginaboḷ kino aḷus musti pomiaan nongkon touḷut inta motongkai bo popodagum kon epod tatua dá motobatúdon ná podudui kon inta ain pinarenta i Tuhan kon i Musa.

IḶUAIAN 39:5 ပူးပေါင်းရင်းမြစ်များ

IḶUAIAN 25:4

kaeng momahaḷ bo inta totok in moaḷus, kaeng inta nongkon bubuḷ in domba inta nobidu, nokamumu bo nopura, kaeng nongkon bubuḷ in bembé,

IḶUAIAN 28:8

Baan inta sinuji moaḷus nongkon touḷut inta notongkai musti popodagum kon ḷambung epod tatua sinbá motobatú.

IḶUAIAN 29:5

Ḷutudaidon in pakeang imang in ki Harun: kameja, ḷambung epod, jubah inta moioḻingoi kon ḷambung epod, oḻingoi in dodob bo baan.

IḶUAIAN 39:4

Nopaḷut mako kon tua pinomiaan doman kon doyowa in tali obaga inta nobaḻí tontogot in epod inta pinopodagum kon sínea.

IḶUAIAN 39:6

Mosia nogatá kon batu delima bodongka pinopobonu monia kon bongkow buḷawan. Kinurig monia kinopira in tangoi adí mita i Yakub inta mopuḷú bodoyowá kon batu tatua.

YESAYA 11:5

Sia in mogaid pongin moadil bo motoindudui kon bayongan yagi-yagi.

IMAMAT 8:7

Nopaḷut mako kon tua pinoḷutudneadon in ḷambung imang kon i Harun: kameja, togot in ogotan bo jubah. Epod doman inta pinopobogot kon ogotannea takin togotnea inta nongkon kaeng moaḷus.

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

KORINTUS 1 11:23

Sin onu inta ain sinundúku kon i monimu, yo nongkon i Tuhanbí intua komintan: kon doḷom tua, wakutu in ki Yesus, Tuhan naton motoyongdon posarakan, Sia in nogamá kon roti,

WAHYU 1:13

Kon yua-yuak in sioḷ mita pototuduan kon togá tatua, inontongku in naonda bo intau. Sia in nogi jubah moḷanggó noidapot in sioḷ. Kon dodob-Nea oyúon in oḻingoi in dodob inta pinomia nongkon buḷawan.