IḶUAIAN 39:30 - Alkitab Singog In Mongondow Masa In Tanaa

³⁰ Pinomiaan doman kon ḷambá nongkon buḷawan totokea, nobaḻí tomponuot kon mosia aindon sinondí sin mogundoi kon i Tuhan. Kon ḷambá tatua inukirdon in tosingogon tanaa “Sinondí mogundoi kon i Tuhan”

IḶUAIAN 39:30 ပူးပေါင်းရင်းမြစ်များ

IḶUAIAN 26:36

Pomiaaidon kon toḻipoi inta pakéon kon ḷoḻingkop in Ḷoḷaigan, pomia nongkon kaeng moaḷus inta sinuji takin kaeng wol nobidu, nokamumu bo nopura, iḷambáan in borénea mita.

IḶUAIAN 39:29

bo baan nongkon kaeng linen moaḷus, wol nobidu, nokamumu bo nopura, bo pinosujian doman kon ḷambánea, ná inta pinarenta i Tuhan kon i Musa.

IḶUAIAN 39:31

Ḷambá tatua pinokompit kon suruban inta kon dotá in munanea, pinodudui kon parenta i Tuhan kon i Musa.

ZAKHARIA 14:20

Kon singgai tatua lonceng mita kon ḷambung in kabaḷo in kurigondon in tosingogon mita “Sinondídon kon i Tuhan” Pansi mita kon Baḷoi i Tuhan in horomaton naonda bo palo mita in sosumba kon tayowon in mezbah.

KORINTUS 1 1:30

Sin lantaranbí ki Allah, dá notobatúdon in moiko i Kristus. Bo lantaran doman kita nopirisayadon kon i Kristus dá kita in nonotaaudon kon bayongan in yagi-yagi. Siabí doman tua in nopoyotutui, nomiḻí bo notobut kon bayongan oaid naton inta diá mopia.

KORINTUS 2 5:21

Sin Sia inta nodarit kon bayongan in oaid inta diá mopia, pinaké domandon i Allah mobaba kon bayongan in dosa naton, sinbá kita in buidon mobiag motompia takin i Allah sin notobatúdon i Kristus.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

IBRANI 1:3

Sia doman naa in moponiata in kamuliaan i Allah inta diá in poḻiuan tua. Bo noniatadon totok kon i-Nia in rupa i Allah tontaní. Singog-Nea inta mokawasa totok tua in pinaké-Nea moḷukad kon dunia naa. Bo naonda in sinobut-Neadon in dosa mita in intau, iḻimitúdon in Sia kon ḷoḻitúan pomomarentaan kon soroga moyotakin i Allah Pongawasa inta totok in moḷantud.

IBRANI 7:26

Dá ki Yesusbí tua in Imang Moḷoben inta paraḷuon naton. Sia tua in nodaritbí kon bayongan in yagi-yagi, diábí in taḷá andeka dosa onukadon kon i-Nia. Sia in pinotondí nongkon intau mita inta dinosa, bo dinia pinoonik in tampat inta moḷantu-ḷantud nongkon ḷangit.

WAHYU 5:10

Binaḻí-Mudon in mosia tobatú dodatuan inta nobaḻí imang mita, sinbá mosia in mogaid kon oaidan i Allah naton, bo momarenta kon dunia naa.”