IḶUAIAN 38:24 - Alkitab Singog In Mongondow Masa In Tanaa

²⁴ Buḷawan inta pinosumba kon i Tuhan sin pogaid kon Ḷoḷaigan Motusi, kobogatnea komintan in 1.000 nokilo, sinimbang podudui in simbangan inta pinaké kon Ḷoḷaigan i Tuhan.

IḶUAIAN 38:24 ပူးပေါင်းရင်းမြစ်များ

IḶUAIAN 25:2

“Potabádon intau Israel modia kon sosumba kon i-Nakó. Ki ine in mokotorop, musti in sia modia kon sosumba

IḶUAIAN 29:24

Pokikadaidon in bayongan kaanon mita tatua kon i Harun bo kon i adínea mita bo pokidiadon kon i monia mamangoi kon i-Nakó mobaḻí sosumba inta pinotamad.

IḶUAIAN 30:24

Tua komintan simbangon podudui in simbangan inta pinaké kon Ḷoḷaigan-Ku. Dugangai doman in opat noliter ḷana zaitun,

IḶUAIAN 35:22

Ki inekabí in moibog, pinomayá ḷoḷaki ande bobay, mamangoi modia kon tomot ḷambá, nganti-nganting, sising, boboḷ bo bayongan yagi-yagi ḷambá buḷawan sin makusud poposumba kon i Tuhan.

IMAMAT 27:25

Boḻinea komintan musti tantúon podudui in boḻi inta sinantú kon Ḷoḷaigan i Tuhan.

IMAMAT 27:3

podudui in boḻinea inta sinantú kon Ḷoḷaigan i Tuhan: – kon ḻimonik in umur onom nopuḷú notaong: aka ḷoḷaki mopuḷú bo ḻima in doit saḷaka bobay mopuḷú in doit saḷaka – kon sigad in umur doyowa nopuḷú notaong dapot in onom nopuḷú notaong: ḷoḷaki: ḻima nopuḷú in doit saḷaka bobay: toḷu nopuḷú in doit saḷaka – kon sigad in umur ḻima notaong dapot in doyowa nopuḷú notaong: ḷoḷaki: doyowa nopuḷú in doit saḷaka bobay: mopuḷú in doit saḷaka – umur ḻima notaong bo namonag: ḷoḷaki: ḻima in doit saḷaka bobay: toḷu in doit saḷaka

IMAMAT 5:15

Aka intau tobatú takin diá sinumuod bo ain noiḷaut in nogaid kon dosa sin nokoḻiong nobogoi in sosumbanea mita inta ain sinantú ogoi kon i Tuhan, dá intau tatua in musti modia kon kuruban mobaḻí toḻiu in karugian. Kuruban tatua musti domba tobatú ande bembé koḷakian inta totok in mopia, bo iapon podudui kon boḻinea inta sinantú kon Ḷoḷaigan i Tuhan.

HAGAI 2:8

Bayongan in buḷawan bo saḷaka kon dunia naa in Akuoibí in kitogi.

PINOGIAPAN 18:16

Adí mita musti tobuton kon dodai in mosia umurdon tobuḷan. Boḻinea inta ain sinantú kon tua in ḻima in doit saḷaka, podudui in boḻi inta pinaké kon Ḷoḷaigan-Ku.

PINOGIAPAN 3:47

Batúan in adí tobuton monimu in doit saḷaka ḻima podudui in boḻinea inta sinantú kon Ḷoḷaigan-Ku;