IḶUAIAN 38:21 - Alkitab Singog In Mongondow Masa In Tanaa

²¹ Naa in bayongan in logam inta pinaké kon bonu in Ḷoḷaigan i Tuhan, tampat pinotagúan kon batu inta pinomaisan kon Parenta i Allah inta mopuḷú. Tua komintan sinokopais pinodudui kon parenta i Musa bo pinipid in intau mita in Lewi inta nogaid takin kotaki-takin i Itamar ki adí i Imang Harun.

IḶUAIAN 38:21 ပူးပေါင်းရင်းမြစ်များ

TAWARIKH 1 6:3

Ki Amram in kogadí kon adí ḷoḷaki doyowa, inta ki Harun bo ki Musa, bo adí bobay tobatú inta ki Miryam. Ki Harun in kogadí kon ḷoḷaki opat: ki Nadab, ki Abihu, ki Eleazar bo ki Itamar.

TAWARIKH 2 24:6

Tuamai nogoiní in sia kon i Imang Yoyada, itoi monia, bo noguman, “Ki Musa mogogundoi i Tuhan in nopotabádon kon rayat moguboḻi kon pajak sin ponompia kon Ḷoḷaigan i Tuhan, dá tanaa in nongonu sin intau mita in Lewi tatua in diábí dodakan i Amá mosipun kon pajak nongkon rayat kon Yohuda bo Yerusalem?” (

AYUB 11:4

Podudui in raianmu tosingogonmu mita tatua in diábí noitaḷá; aka kon raianmu iko in nodaritbí kon tayowon i Allah.

AYUB 22:23

Pobuidon mangoi kon i Tuhan takin ompá in gina koraatan kon baḷoimu in gogaiaidon.

AYUB 26:1

Táe ki Ayub in noguman, “Totuu mopia in pototuḷungmu kon inakó intau inta moyangkó bo mororigadon!

MAZMUR 15:1

Mazmur i Daud. Tuhan, ki ine in motaau mogutun kon Ḷoḷaigan-Mu bo umutun kon tombuḷud-Mu inta motusi.

IḶUAIAN 25:16

Bo batu doyowa inta pinomaisan kon parenta mita inta bain ogoi-Ku kon inimu bonudon kon poti tatua.

IḶUAIAN 26:33

Bo popobambédon in kaeng tatua kon ḻimonag in pipidan kokaud kon atop in Ḷoḷaigan. Kon tumi musti popoukat in Poti Dodandian inta pinobonuan kon batu inta pinomaisan kon hukum i Tuhan. Kaeng tatua nonigad kon Yuang Motusi nongkon Yuang Totok Motusi.

IḶUAIAN 38:20

táe oigi mita in Ḷoḷaigan bo tondoknea pinomia nongkon porunggu.

IḶUAIAN 38:22

Ki Bezaleel adí i Uri, ompu i Hur inta nongkon suku in Yohuda, nomia kon bayongan inta pinoki aid i Tuhan.

IḶUAIAN 40:3

Diadon potuot in Poti Dodandian inta pinobonuan kon Parenta Mopuḷú bo popokoḷobdon in kaeng koḷobnea kon munanea.

IḶUAIAN 6:23

Ki Korah kogadí kon adí ḷoḷaki toḷu: ki Asir, ki Elkana bo ki Abiasap. Mosia tua in mogoguyang nai Korah.

PINOGIAPAN 1:50

Potabádon in mosia tua monoinut kon Ḷoḷaigan-Ku takin bayongan touḷutnea. Oaidan monia tua in momotaan kon Ḷoḷaigan-Ku takin bayongan touḷutnea poḷat monoinut. Mosia in musti mononḷoḷaigan kon ḻibunea.

PINOGIAPAN 1:53

Táe intau in Lewi musti mogaid kon ḷoḷaigan monia poḻibu kon Ḷoḷaigan-Ku. Musti ḷukadan monia sinbá diá in dimiug kon tua, sinbá Akuoi in diá tumorú bo mohukum kon umat Israel.”

PINOGIAPAN 10:11

Kon taong nogindua naonda in bangusa Israel nonaḷámai kon Mesir, kon singgai doyowa nopuḷú buḷan nogindua, namonikdon in goḷom nongkon ḻimonik in Ḷoḷaigan i Tuhan.

PINOGIAPAN 18:2

Ginaḷummu mita, suku Lewi, musti potakinmu doman mobaḻí bobantung kon pogaidanmu bo pogaidan i adímu mita.

PINOGIAPAN 24:5

Totuu diá in bogitnea in ḷoḷaiganmu mita ei Yakub, bo tampat mita pinogogaianmu, ei Israel!

PINOGIAPAN 9:15

Kon singgai in Ḷoḷaigan i Tuhan pinosindog, noikoḷobdon mangoi in goḷom kon Ḷoḷaigan tatua. Kon tungkuḷ in doḷom dapot in doḷo-doḷom goḷom tatua koontongan ná tuḷú.

MATIUS 17:4

Dá ki Petrus in noguman kon i Yesus, nanaa: “Tuhan, mopira totok in kita in kon tampat tanaa. Aka kuma bo moibog in ki Tuhan, yo akuoi in moposindog in ḷoḷaigan toḷu, tobatú in aidanku kon i Tuhan, tobatú in kon i Musa, bo tobatú doman in kon i Elia.”

OUMAN IN RASUL MITA 7:44

Ḷoḷaigan tampat i Allah angoian pokipodungkuḷan kon intau in kon mogoguyang naton kon padang gurun. Ḷoḷaigan tatua in pinomia i Musa podudui in parenta i Allah bo pinodudui in gambar inta pinoontong i Allah muna kon inia.

KORINTUS 2 5:1

Sin kinotaauanbí nami kon aka baḷoi – makusudnea awak naton – inta pinogutunan naton kon dunia naa bo rumbunon, yo posadiaanbí i Allah in kita kon baḷoi inta kon soroga. Tampat inta pinomia i Allah tontaní bo inta diá mogogu-goguyaat.

IBRANI 8:2

Sia nopobayá in oaidan-Nea saḷaku Imang Moḷoben kon Tampat inta totok in Motusi kon bonu in Ḷoḷaigan i Tuhan. Ḷoḷaigan inta pinosindog i Tuhan tontaní, deemanbí intau in noposindog.

IBRANI 9:11

Táe ki Kristus ain namangoi saḷaku Imang Moḷoben nongkon soaḷ mita mopia inta aindon oyúon. Sia in sinumuotdon bo ain nopobayá in oaidan-Nea saḷaku Imang Moḷoben kon bonu in ḷoḷaigan moḷoben bo inta totok in nosompurna. Ḷoḷaigan tatua in deemanbí pinomia in intau; mangaḻenea in deemanbí nongkon dunia inta tongá doman pinomia naa.

PETRUS 2 1:13

Kon dodai in akuoi mobiagpa, nobaḻíbí kowajibanku in moponorop intua kon i monimu.

WAHYU 11:19

Dá nobukatdon in Baḷoi Allah kon soroga, bo kinoontongandon in Poti Dodandian kon bonunea. Bo nongilatdon moyo-moyodudui bo gonugur in gotup inta modowawá mako, takin doman ḻinug bo uyan eis inta totok morogot.

WAHYU 15:5

Onda intua inontongku in Baḷoi Tuhan kon soroga nobukat, bo ḷoḷaigan i Tuhan in kon bonunea.

WAHYU 21:3

Bo akuoi in nokodongog kon baḷú moropot nongkon tampat pomomarentaan tatua, noguman: “Indoiai! Tanaa mako tampat pogogutunan i Allah kon yua-yuakdon in intau! Sia in mobiagdon takin i monia, bo mosia in mobaḻídon umat-Nea. Bo ki Allah in mogutundon kon sigad monia bo mobaḻídon ki Allah monia.