IḶUAIAN 37:9 - Alkitab Singog In Mongondow Masa In Tanaa

⁹ bo pinomia pinoyogintayow, takin koḻikip inta sinongká noioḻingoi kon taḷob in poti tatua.

IḶUAIAN 37:9 ပူးပေါင်းရင်းမြစ်များ

KINOBAḺIAN 28:12

Onda intua sia sinumogoindop kon sia in nokoontong kon tukad tobatú inta nongkon butá dapot in ḷangit bo malaekat mita moponik moponag kon tukad tatua.

KINOBAḺIAN 3:24

Onda intua, kon dotá in pomukaan kon taman tatua kon tayowon ngara tumuot, sinampat i Tuhan Allah in kerub mita, bo kedang tobatú modokot inta moburow monangkaḻibu magí mako, sin moḷukad kon daḷan mopobayá in pangkoi inta mobogoi in kobiagan tua. Natua inaidan i Allah dá diá tobatúmai intau in motaau tumuot bo dimiug kon pangkoi in kayu tatua.

DATU MITA IMITÁNEA 6:27

Patong doyowa tatua in inukat pinoyodiug kon bonu in Yuang Totok Motusi dá koḻikip tumongo batu in patong tatua noiḻiai kon dinding, bo koḻikipnea ibanea in noyoḻiai kon yua-yuak in yuang tatua.

IḶUAIAN 25:20

bo poyogintayowon takin koḻikip inta mosongká kon ḻimonik in poti tatua.

IḶUAIAN 37:10

Ki Bezaleel nomia kon meja nongkon kayu akasia, inta kobanatnea waḷu nopuḷú bo waḷu nosenti, kooḷadnea onom nopuḷú bo onom nosenti.

IḶUAIAN 37:8

tumongo batu in kon posipopod in taḷobnea tatua. Kerub doyowa tatua sinobatú takin taḷobnea

YESAYA 6:2

Koḻibu-Neamai sinimindog in mahaḷuk mita inta noyongkit naonda bo tuḷú, kon batúannea onom in koḻikipnea. Koḻikip doyowa nongoḷob kon pogot, doyowa doman in nongoḷob kon awaknea, bo koḻikip inta doyowa in pinaké iḷumayug.

YOHANES 1:51

Ki Yesus noguman doman, “Totuu, popirisayadon! Iko mokoontongbí kon ḷangit mobukat bo malaekat mita i Allah moponik-moponag mamangoi kon i Adí Intau.”

KORINTUS 2 3:18

Tongá tanaa mako, pogot naton naa in diá bidon kinokoḷubungan, bo moposindar bidon in bayag i Tuhan Yesus. Tuamai tantú baḷuian ná Sia in kita; koonggot-koonggot, yo kobayag-kobayag domandon in kita. Bayag tatua in nongkon Roho, bo Roho tatua in ki Tuhanbí.

EPESUS 3:10

Makusud i Allah tua in bá tanaa mako jamaat-Nea, mopotaau in bayongan yagi-yagi soaḷ kabijaksanaan i Allah kon pomarenta mita bo kon bayongan inta nongawasa kon soroga.

PILIPI 3:8

Deemanbí tongá kon soaḷ mita tatua; táe kon bayongan doman in rupa-rupa inanggapkudon diá in mangaḻenea. Sin naonda in akuoi nonotaaudon kon i Kristus Yesus, yo kinorasaanku kon tuabí in mopia-pia nongkon bayongan in rupa-rupa. Lantaran ki Kristus, dá bayongan in rupa-rupa sinaḷaankudon sin tua komintan diábí in mangaḻenea, bo bá mouḻíkudon in ki Kristus,

TIMOTIUS 1 3:16

Diábí tobatúmai in motaau momayow, kon moḷobenbí totok in onu inta noibunipa kon agama naton naa: Sia namangoi in dunia naa sinumon rupa intau, bo inakubí in Roho i Allah, bo inontong in malaekat mita. Habarnea pinowayadon kon sigad in bayongan bangusa, bo Sia in pinirisaya in bayongan intau kon dunia naa poḷat sinintak namonik in soroga.

IBRANI 1:14

Aka natua, onubí in malaekat mita tatua? Mosia tua in rohobí mita inta mobantung kon i Allah, inta pinotabá i Allah mamangoi motuḷung kon intau mita inta bain motarima kon kasaḷamatan.

PETRUS 1 1:12

Ki Allah ain noguman kon nabi mita tatua, kon onu in pinomia monia tatua, deemanbí inaidan monia sin kopontingan monia tontaní, táe kopontinganbí monimu, tua in soaḷ mita inta tanaa mako ain dinongog monimu notarang nongkon intau mita inta nopoyaput in Habar Mopia soaḷ ki Yesus Kristus. Mosia in nopoyaput intua komintan kon i monimu takin kawasa in Roho i Allah inta pinotabá-Nea mangoi nongkon soroga. Bo umpakabí malaekat mita yo moibogbí doman totok monotaau kon habar inta pinoyaput monia tua.