IḶUAIAN 33:7 - Alkitab Singog In Mongondow Masa In Tanaa

⁷ Pomuḷoi mako, aka bangusa Israel mononḷoḷaigan, ki Musa mogamá kon Ḷoḷaigan bo posindogonnea koḻin yayúon nongkon ḷoḷaigan mita monia. Ḷoḷaigan tatua sinangoian Ḷoḷaigan i Tuhan, bo ki ine in moibog moigum kon tonggina i Tuhan, mayá intua.

IḶUAIAN 33:7 ပူးပေါင်းရင်းမြစ်များ

YESAYA 59:2

Popisí in aidmubí inta moraat dá doí in Sia mokidongog kon tungkuḷ in moiko nosambayang kon i-Nia. Dosamubí mita inta nopotondí kon i monimu nongkon i Allah.

AMSAL 15:29

Ki Tuhan in mokidongogbí aka intau mopia mosambayang, táe Sia in doíbí mopandungmai kon intau moromú.

SAMUEL 2 21:1

Kon tungkuḷ in ki Daud nomarenta, nobaḻídon in malarat moḷoben inta nobaḻí kon bonu in toḷu notaong nouput. Bo nopoigum in ki Daud in topotundú kon i Tuhan soaḷ tatua, bo ki Tuhan in noguman, “Malarat tatua in popisíbí in taḷá i Saul bo motoḷuadínea, mosia in noḻimodon kon intau mita in Gibeon.”

ULANGAN 4:29

Bo moiko in motayakdon kon i Tuhan Allahmu, bo aka moiko motayak kon i-Nia takin ginamu totu-totuu, yo mouḻímubí in Sia.

HOSEA 9:12

Táe umpaka oyúon in adí mita inta pononggadí bo biniag, mosia in gamáan-Kubí; diábí tobatúmai in intau in pomayá-Ku mako mobiag. Moboditodon in moiko, ei bangusa in Israel, aka taḷaan-Ku in moiko!”

MAZMUR 35:22

Táe Iko, Tuhan, ain nokoontong kon tua; dikabí kaasí tongá kibio-biómai, o Tuhan, dikabí mokopoyayú kon inakó.

MAZMUR 27:8

Iko in noguman, “Angoidon posumba kon i-Nakó.” Sinubagan-Ku, “Akuoi in ḷagidon mamangoi, o Tuhan;

MAZMUR 10:1

Nongonu sin iko in noyayúbí, o Tuhan bo mogadop kon tungkuḷ in kami mororiga?

IBRANI 8:2

Sia nopobayá in oaidan-Nea saḷaku Imang Moḷoben kon Tampat inta totok in Motusi kon bonu in Ḷoḷaigan i Tuhan. Ḷoḷaigan inta pinosindog i Tuhan tontaní, deemanbí intau in noposindog.

IḶUAIAN 18:7

dá iḷumuaidon in sia nonontomu kon i monia. Sia in sinumungkud kon tayowon i Yitro bo poḷat nongayok kon inia. Nosiḻibóandon in mosia mongo nosehat, bo sinumuot domandon in mosia kon ḷoḷaigan i Musa.

IḶUAIAN 18:12

Onda intua ki Yitro nodia kon tongonumai in kuruban sinubá bo kuruban inta iratá nobaḻí sosumba kon i Allah. Ki Harun bo bayongan itoi in bangusa Israel namangoi bo nongaan noyotakin i Yitro kon bonu in kawasa i Allah.

IḶUAIAN 33:8

Aka ki Musa mayá in Ḷoḷaigan tatua, yo intau mita Israel simindog kon tayowon ngara in ḷoḷaigan monia bo moḻiḻímai kon i Musa dapot in sia tumuot.