IḶUAIAN 33:3 - Alkitab Singog In Mongondow Masa In Tanaa

³ Moiko in mayá kon butá inta mopia bo motoḷubú. Táe Akuoi in diábí dumudui kon i monimu, sinbá diá in moiko yopúon-Ku kon yuak in daḷan, sin moiko nion in bangusa inta motogat in gina.”

IḶUAIAN 33:3 ပူးပေါင်းရင်းမြစ်များ

DATU MITA 2 17:14

Táe Israel bo Yohuda in doíbí mokidongog. Motogat in gina in mosia naonda bo mogoguyang monia inta diá mopirisaya kon i Tuhan, Allah monia.

MAZMUR 78:8

sinbá mosia diá naonda bo mogoguyang monia inta moibog momarontak bo monaḷámai; bui inta noḻiai in pirisayanea, bo diá motoḷutui kon i Allah.

IḶUAIAN 13:5

Takin nongibot ki Tuhan nodandi kon mogoguyangmu kon Sia in moposarakan in butá in bangusa Kanaan, Het, Amori, Hewi bo Yebus. Naonda in ki Tuhan modia kon i monimu mayá in butá inta mopia totok bo noḷumbá tua, pomuḷoi in taong kon bonu in buḷan Abib, moiko in musti mogaid kon upacara tanaa.

IḶUAIAN 23:21

Indoiai bo duduiai in sia. Dika ḷumoḷatú kon inia sin totabá-Ku in sia, bo diábí in sia mongampung kon aidmu inta moitaḷá.

IḶUAIAN 3:17

Bo sinantú-Kudon kon mosia in diaan-Kudon ḷumuai nongkon Mesir, tampat inta pinononggataan kon i monia, bo mogatod kon i monia mayá in butá tobatú inta nooyúon bo mopia totok, butá in bangusa Kanaan, bangusa Het, Amori, Peris, Hewi bo Yebus.

IḶUAIAN 3:8

Tuamai moponag in Akuoi sin mayá mopoḷuat kon i monia nongkon kawasa intau in Mesir bo modia kon i monia ḷumuai nongkon butá tatua mopobayá in butá tobatú inta moḷuas. Butánea nooyúon bo mopia totok, tanaa mako pinogutunan in bangusa Kanaan, bangusa in Het, Amori, Peris, Hewi bo Yebus.

IḶUAIAN 32:14

Dá ki Tuhan nomaḷuidon kon niat-Nea tatua bo diádon pinopoantugan-Nea in bangusa tatua in bodito ná inta tomayá-Nea.

IḶUAIAN 34:9

Gumannea, “Tuhan, aka totu-totuu kon ibog-Mu in akuoi, akuoi mopoigum, moibogdon ki Tuhan moyotakin nami. Bangusa tatua totuu kon motogat in gina, táe ampungaipa in raat bo dosa nami bo tarimadon kami mobaḻí umat-Mu tontaní.”

YESAYA 48:4

Kinotaauan-Ku kon iko in motogat in gina, motontogat in uḷu naonda bo pamandot.

YEREMIA 11:5

Aka mosia mogaid kon bayongan intua, Akuoi in mogintompodbí kon dandi-Ku kon mogoguyang monia kon butá inta mopia bo nooyúon, inta tanaa inutunan monia tua, in ogoi-Ku kon i monia.” Akuoi in notubag, “Mopia, Tuhan.”

YEHEZKIEL 20:6

Kon dodai intua Akuoi in mongibot kon modia kon i monia ḷumuai nongkon Mesir bo mayá in butá inta piniḻí-Ku ogoi kon i monia. Butá tatua in nooyúon bo noḷumbá, butá inta totok in mopia kon sinangkub in dunia.

IMAMAT 20:24

Butá inta nooyúon bo mopia tatua aindon pinodandi-Ku kon i monimu, dá ogoi-Kubí intua mobaḻí kapunyaanmu. Akuoi in ki Tuhan Allahmu inta nopotondí kon i monimu nongkon bangusa mita ibanea.

YUNUS 3:10

Inontong i Allah in aid monia; inontong-Nea kon mosia in nonaḷámaidon kon dodia monia inta moraat. Dá binaḷuian-Neadon in tomayá-Nea, bo diádon nobaḻí nohukum kon i monia.

YUNUS 3:4

Ki Yunus in sinumuot kon kotá tatua bo naonda in minayá nouput in singgai tatua, nomangkoidon in sia nopoyaput in koyow, kainia, “Opatpa nopuḷú nosinggai, bo morimumud in Niniwe!”

PINOGIAPAN 13:27

Guman monia kon i Musa, “Ain sinaridi nami in butá tatua bo inontongdon nami kon butá tatua in nooyúon bo mopia totok, bo naa in topiḻik bungai in pinomuḷa nongkon tua.

PINOGIAPAN 14:12

Putúan-Ku in mosia takin mopouma in takit inta dumodakit. Táe iko in baḻíon-Ku guyanga ḷoḷaki nongkon bangusa tobatú inta moḷobe-ḷoben bo moropo-ropot nongkon i monia!”

PINOGIAPAN 14:8

Aka kinoibog i Tuhan in kita, dá diaan-Neabí in kita mayá intua bo ogoi-Nea kon i naton in butá inta nooyúon bo inta mopia totok tatua.

PINOGIAPAN 16:13

Eta diápa tugat in pinogoiníanmu kon inami iḻumuai nongkon butá in Mesir inta mopia tatua sin moḻimod kon inami kon padang gurun tanaa? Yo mustipa doman iko momarenta kon inami?

PINOGIAPAN 16:21

“Undokdon in moiko nongkon intau mita tanion; Yopúon-Kudon in mosia nion tanaa doman mako.”

PINOGIAPAN 16:45

“Pokoyayúdon kon intau mita tanion. Yopúon-Kudon in mosia nion kon tampat doman tanion!” Taya dua tua dinumokó bo nosumba,

OUMAN IN RASUL MITA 7:51

Nádomai tua in kinototogat in gina monimu nion. Totokbí in mororiga didikon kon bá motoindudui kon i Allah! Diábí indongogan monimu in singog i Allah! Moiko nion in naonda bo mogoguyang mita monimu; umuran diá mokidongog kon Roho i Allah.

ULANGAN 4:24

sin ki Tuhan Allahmu naonda bo tuḷú inta mokopokak. Sia in doíbí potongkaion in onukadon.

SAMUEL 1 2:30

Akuoi, ki Tuhan Allah in Israel, koḻipod ain nodandi, kon motoḷuadímu bo bui inanakanmu in mogundoi kon i-Nakó mobaḻí imang mononoi. Táe tanaa in kinodoí-Kudon intua! Sin ki inta mohoromat kon i-Nakó in horomaton-Kubí táe inta mopoonagmai kon i-Nakó, in pokoonag-Kubí doman.