IḶUAIAN 32:5 - Alkitab Singog In Mongondow Masa In Tanaa

⁵ Bo ki Harun noposindog in mezbah tobatú kon tayowon sapi buḷawan tatua bo poḷat nopotaau, “Ikoḷom oyúon in rame sin mohoromat kon i Tuhan.”

IḶUAIAN 32:5 ပူးပေါင်းရင်းမြစ်များ

DATU MITA IMITÁNEA 21:9

Naa in bonu in surat tatua, “Pobaḷúdon kon bá mopuasapa in rayat bo pokiposipunaidon in mosia! Kon pinoyodungkuḷan tatua ogoiaidon in ki Nabot in ḷoḻitúan in intau moḷoben.

DATU MITA 2 10:20

Ki Yehu in nomarenta nanaa: “Tantúdon in singgai tobatú sin posumbaan kon i Baal!” Dá sinantúdon in intau in singgai tatua

DATU MITA 2 16:11

Dá ki Uria in noposindogdon in mezbah tobatú pinodudui kon sonto bo ukuran inta sinarimanea tatua, bo iniḷapatan kon dodai in diápa nobui in ki Ahas.

IḶUAIAN 10:9

Tubag i Musa, “Kami komintan, pinomayá inta nobagupa ande inta noguyangdon. Kami in modia kon adí mita nami, bayongan in sapi, domba, bo bembé nami, sin musti in kami mogaid kon bobutungan moḷoben tobatú sin mohoromat kon i Tuhan.”

IḶUAIAN 12:14

Singgai tatua musti toropon monimu mobaḻí singgai moḷoben kon i Tuhan. Bo singgai tatua musti umuran toropon monimu poḷat baḻíon monimu singgai moḷoben muḷoi in taong.”

IḶUAIAN 17:15

Bo ki Musa noposindog in mezbah tobatú bo sinangoiannea “Ki Tuhan in Banderaku.”

IḶUAIAN 32:4

Ginamá i Harun in nganti-nganting mita tatua, bodongka sinubánea nodapot in noḷoḷang bo binonunea kon pastaka tobatú bo pinomia patong sapi tobatú. Intau mita tatua noguman, “Ei Israel, naadon in ilah naton inta nodia kon i naton iḻumuai nongkon Mesir!”

IḶUAIAN 32:6

Nopoikoḷomai kon singgai doḷo-doḷompa totok, intau mita Israel nodia kon tongonumai in biag sin baḻíon kuruban inta tubáan, bo tongonumai doman in biag inta mobaḻí kuruban dodamean. Mosia iḻimitú nongaan bo nonginum, bo sinimindog noposanang in gina.

HOSEA 8:11

Kobayong-kobayong in mezbah posindogon in intau in Israel sin pomopat kon dosa, yo kodugang-kodugang domandon in tampat monia pogaidan kon dosa!

HOSEA 8:14

Intau in Israel noposindog in komaḻig mita, táe mosia in nokoḻiong kon i Inta nomaḻí kon i monia. Intau in Yohuda nodugang kon kobayong in kotá mita inta dininding, táe Akuoi in mopoonagbí in tuḷú sin momagong kon bayongan in komaḻig bo kotá mita monia.”

IMAMAT 23:2

in atorang mita kon singgai moḷoben in agama, inta musti potaau mobaḻí singgai moḷoben poibadaan.

IMAMAT 23:21

Kon singgai tatua moiko musti momia kon poyodungkuḷan sin moibada bo diábí motaau in mogaid kon oaidan inta mobogat. Atorang tatua musti duduian in buímu dapot in adí bo ompu, kon ondakabí in pogutunan monia.

IMAMAT 23:37

Tuata in singgai mita moḷoben in agama inta ain sinantú i Tuhan bo inta musti potaau monimu. Kon singgai moḷoben mita tatua moiko musti mohoromat kon i Tuhan takin momia kon poyodungkuḷan sin moibada bo moposumba in kuruban kaanon, kuruban tubáan, kuruban oḷudon, kuruban mahaḷuk bo kuruban tubig in anggur, kobayongnea in ná doman inta paraḷu pakéon pomuḷoi in singgai.

IMAMAT 23:4

Naa in singgai mita moḷoben inta ain sinantú i Tuhan bo inta musti potaau kon wakutu inta ain sinantú.

KORINTUS 1 5:8

Manangka intua, koḻigai in kita morame takin momaké in roti inta diá koragi, tuata in roti inta pinodoyon kon gina motuḻid bo inta kinopopia in gina i Allah. Dika in kita momaké in ragi inta nokoyongandon, ragi inta diádon nopia bo ain noromú.

SAMUEL 1 14:35

Bo ki Saul noposindog in mezbah kon i Tuhan; tuata in mezbah inta dungkuḷ totok pinosindognea.