IḶUAIAN 32:30 - Alkitab Singog In Mongondow Masa In Tanaa

³⁰ Nopoikoḷomai kon singgai ki Musa noguman kon bangusa tatua, “Moiko ain nogaid kon dosa moḷoben. Táe tanaa akuoi in motakod bui kon buḷud tatua sin mayá tumayow kon i Tuhan; igumon mako akuoi mokouḻí kon totabi bo ampungandon in taḷá monimu.”

IḶUAIAN 32:30 ပူးပေါင်းရင်းမြစ်များ

SAMUEL 2 12:9

Nongonu sin iko in diábí noindoimai kon parenta-Ku mita? Nongonu sin inaidanmubí in moraat ná tatua? Ki Uria in pinoki ḻimodmubí kon bonu in parang; pinomayámudon mako in sia iḻimod in intau in Amon, bo ginamámu in ki buḷoinea!

SAMUEL 2 16:12

Degá bo umuranbí indoian mako i Tuhan in roriga tanaa bo momarakat kon inakó nobaḻí toḻiu in odi-odi tatua.”

DATU MITA 2 17:21

Onda intua ki Tuhan in nopoyotondídon kon Israel bo Yohuda, intau in Israel in noduídon kon i Yerobeam ki adí i Nebat nobaḻí datu monia. Ki Yerobeam in nodia kon i monia nonaḷámai kon i Tuhan bo nogaid kon dosa mita inta moḷoben.

MAZMUR 99:6

Ki Musa bo ki Harun noitakin doman in imang-Nea mita, ki Samuel in intau tobatú inta nosambayang kon i-Nia. Mosia in nokuani kon i Tuhan, bo sinubagan-Nea.

IḶUAIAN 32:29

Ki Musa in noguman kon suku in Lewi, “Singgai in naa moiko ain nopotondí in awak monimu mobaḻí imang inta nogaid kon oaidan i Tuhan takin noḻimod kon adí mita bo kon i utat mita monimu, dá ki Tuhan nobogoi in barakat-Nea kon inimu.”

AMOS 5:15

Kodoídon in inta moraat, kotabidon inta mopia, bo posindogdon in inta moadil. Dika-dika bo ki Tuhan in motabidon kon intau mita inta kiagatneapa nongkon bangusa in Israel.

YUNUS 3:9

Degá bo baḷuianbí i Allah in niat-Nea bo diádon tumorú dá kita in diádon moyopú!”

PINOGIAPAN 16:47

Pinomia i Harun onu inta pinoguman i Musa. Sia noribatuk minayá in yua-yuak in umat inta noyosipun bo nomangkoidon kinotugatan in yampoi. Dá ki Harun notubá kon dupa kon baga in tuḷú, bo nomia kon upacara pinotobutan kon dosa in umat.

PINOGIAPAN 25:13

Sia bo buínea in tantúon-Kudon umuran mobaḻí imang, sin sia aindon noramuji totok noguntu kon kahoromatan-Ku, ki Allahnea, bo ain doman nomia kon pondamean kon dosa in intau Israel.”

LUKAS 15:18

Yo maníka bo mobui in akuoi kon i papaku, bo moguman kon inia nanaa: Papa, akuoi naa ain nomia kon taḷá kon i Tuhan bo kon i papa.

LUKAS 7:47

Poguman-Kudon kon inimu, tabinea inta moḷoben tatua noponiata kon taḷánea inta noantó aindon inampungan! Intau inta tongá inampungan topiḻik in taḷánea, tabinea in tongá doman topiḻik.”

SURAT I PAULUS KON JAMAAT RUM 9:3

sin moiko in intau mita tobangusaku. Bo popisí in moiko dá morelabí in akuoi in kutukon i Allah bo poyoguaton nongkon i Kristus.

GALATIA 3:13

Táe ki Kristus ain nomilat kon i naton nongkon kutukan in hukum i Musa tatua. Sia nopomayádon mako in awak-Nea tontaní kinutuk sinbá kita in mopilat kon kutukan. Sin kon Buk Motusi ain pinais, “Kinutukdon in intau inta minatoi binambé kon kayu pinoyotaḻempang.”

TIMOTIUS 2 2:25

Sia in musti mokopoḷukó kon bahasa aka motundú kon intau mita inta moibog momaḷawang; bo tantú mopoigum mako bá ogoian i Allah in kasampatan in intau mita tatua sinbá mogogaidon in mogaid kon dosa bo monotaaudon kon totundú inta noitutui.

YAKOBUS 5:16

Tuamai moiko in musti mosi akuan kon taḷá bo mosi sambayangan, sinbá undaman in moiko. Sambayang in intau inta dinumudui kon ibog i Allah, moḷoben in kawasanea.

SAMUEL 1 12:17

Akuoi in mokuani kon i Tuhan, bo umpaka tanaa sempo in poninggai, ki Tuhan in mopoangoibí in gotup bo uyan saḷaku tubag kon sambayangku. Bain tua bo kotaauandon monimu kon totuubí moḷoben in dosamu kon i Tuhan sin noigum kon datu tobatú.”

SAMUEL 1 12:19

Bo nogumandon in mosia kon i Samuel, “Tuḷungaipa, Amá, posambayangaipa in kami kon i Tuhan Allahmu, sinbá diá in kami matoi. Tanaa in kinotaauandon nami kon koḻikud in dosa nami koḻipod, kami in dinosadon bui sin kami ain noigum kon datu tobatú.”

SAMUEL 1 12:20

Ki Samuel in notubag domandon, “Dika moondok, umpakabí moiko ain nomia kon inta moraat tatua táe dikadon monoḻikud kon i Tuhan, táe umurandon pogundoi kon i-Nia takin ḻimbatú in ginamu.

SAMUEL 1 12:23

Soaḷ akuoi, poigumon mako akuoi in diá modapot in mogaid kon dosa kon i Tuhan sin diádon nosambayang kon kopontingan monimu. Táe akuoi in umuranbí motundú kon inimu kon soaḷ mita inta mopia bo inta noitutui.

SAMUEL 1 2:17

Natuata in kobobaradosa i adí i Eli doyowa tatua kon tayowon i Tuhan, popisí in mosia mopoonagmai kon sosumba kuruban kon i Tuhan.