IḶUAIAN 32:22 - Alkitab Singog In Mongondow Masa In Tanaa

²² Tubag i Harun, “Dikapa tumorú kon inakó; kinotaauanmudon tontaní naonda in kinobobarani intau mita tanaa momia kon inta moraat.

IḶUAIAN 32:22 ပူးပေါင်းရင်းမြစ်များ

KINOBAḺIAN 44:18

Ki Yohuda in minayá dinimiug kon i Yusup bo noguman, “Maap, Tuangku, ogoipa in bobantungmu naa mosingog bui takin i Tuangku. Dika tumorú kon inakó inta tongá bobantung naa; Ki Tuang nádon ki datu in Mesir tontaní.

MAZMUR 36:4

Tosingogonnea mita in moraat bo nopuḻing in tompobaḻik, sia in diá bidon mogaid kon inta mopia bo mobijaksana.

IḶUAIAN 14:11

Guman monia kon i Musa, “Eta degá diá in poḷobongan kon Mesir, dá diniamu mangoi kon naa in kami sinbá matoi kon tampat tanaa? Indoiaika bungai in oaidanmu tatua!

IḶUAIAN 15:24

Dá intau mita tatua in nongunsingogdon kon i Musa bo noḻibó, “Onu in inumon naton?”

IḶUAIAN 16:20

Táe tongonumai kon sigad monia tua diá mopandungmai kon tosingogon i Musa tatua. Mosia in notagú doman kon tosilai nongkon kaanon tatua. Nopoikoḷomai kon singgai inindoianmai kaanon tatua inuḷodon bo nobongkog domandon; dá ki Musa in sinumorú kon i monia.

IḶUAIAN 16:28

Bo ki Tuhan noguman kon i Musa, “Dapotpa in toonu moiko doí mokidongog kon parenta-Ku mita?

IḶUAIAN 32:1

Kon tungkuḷ in noonggotdon in pinogoḷatan mako in bangusa Israel kon i Musa mosiḻig nongkon buḷud tatua, sin dodai intua sia umuranpabí kon tudu in buḷud tatua, dá mosia in namangoi kon i Harun bo noguman, “Diádon kinotaauan naton mongo onu in nobaḻí kon i Musa, intau inta ain nodia kon i naton iḻumuai nongkon Mesir; dá pomiaaidon in kami kon ilah inta modia kon inami.”

IḶUAIAN 32:21

Sia in noguman kon i Harun, “Onudon in inaidan monia kon inimu nodapot in pinomayámudon mako in mosia nogaid kon dosa moḷoben tatua?”

AMSAL 4:16

Intau moraat in diábí mokosiug aka diápa mogaid kon inta diá mopia. Mosia in diábí tomposiug aka diápa mokopobodito kon intau ibanea.

ULANGAN 31:27

Kinotaauankubí kon mosia tua in totok motogat in gina bo moibog momarontak. Kon wakutu in akuoi nobiagpa mosia nomarontak kon i Tuhan; yo bambíkabí aka akuoi matoidon!

ULANGAN 9:24

Pinangkoipamai kon kinotaauanku in moiko, moiko umuran moḷawang kon i Tuhan.

ULANGAN 9:7

Toropbí naonda in pinogogaid monimu nodapot in ki Tuhan Allahmu sinumorú kon padang gurun. Pinangkoi kon moiko nonaḷámai kon Mesir nodapot in moiko nodapot in naa, moiko ain noḷawang kon i Tuhan.

SAMUEL 1 15:15

Tubag i Saul, “Biag mita tatua in inagowbí mita nongkon intau in Amalek. Domba bo sapi inta totok in mongoḷomumu ain ginamá in rayat sin pinosumba nobaḻí kuruban kon i Tuhan Allahmu. Táe kiagatnea in aindon iyopú nami komintan.”

SAMUEL 1 15:21

Táe intauku mita in diábí noḻimod kon bayongan in bobiagon; mosia ain nomiḻí kon domba bo sapi inta totok in mongopia nongkon onu inta inagow tatua sin pinosumba monia kon Gilgal nobaḻí kuruban kon i Tuhan Allahmu.”

SAMUEL 1 15:24

Nokodongogmai kon natua, ki Saul nongaku kon i Samuel, kainia, “Totuubí uḻe kon akuoi ain binaradosa. Akuoi ain iḻimimpat kon parenta i Tuhan bo diádon dinumudui kon totundú i Amá. Akuoi in moondok kon intauku dá dinuduiankudon onu in pinoigum monia.