IḶUAIAN 32:20 - Alkitab Singog In Mongondow Masa In Tanaa

²⁰ Onda intua ginamáneadon in patong sapi inta pinomia in intau mita Israel tatua, bo iḷoḷangnea bui poḷat dinodok kinorimok ná ḷobud, bodongka binaukan in tubig. Onda intua pinoki inumneadon kon intau mita Israel.

IḶUAIAN 32:20 ပူးပေါင်းရင်းမြစ်များ

DATU MITA IMITÁNEA 15:13

Ki baainea, ki Maakha in pinogogainea nongkon ḷoḻitúannea nobaḻí iná in datu sin sia in nomiadon kon patong berhala inta moraat sin mosumba kon i Asyera, dewi inta mokoḷumbá. Inumpag i Asa in berhala tatua bo poḷat sinubá kon Ḷopá in Kidron.

DATU MITA 2 23:15

Sia in nomoguyaat doman kon tampat pososumbaan kon Betel inta pinosindog i Datu Yerobeam adí i Nebat – datu inta ain nokopopisí kon intau in Israel nogaid kon dosa. Bo ki Yosia in noḷosi kon mezbah kon tampat pososumbaan tatua, bo sinubánea takin patong i Dewi Asyera inta kon tua.

DATU MITA 2 23:6

Patong mita i Dewi Asyera pinoḷuainea nongkon bonu Baḷoi Tuhan, bo dinia kon ḷuai in kotá kon Ḷopá in Kidron. Kon tua patong tatua sinubá, bo buingnea in dinodok kino rumomok, bo ḷobudnea in pinorarit kon tudu in poḷoḷobongan kon intau mita.

TAWARIKH 2 34:4

Patong mita bo berhala mita tatua in irimumud in intau mita i Yosia bo rimumudnea in pinonabudnea kon tudu in pinoḷobongan kon intau mita inta noposumba in kuruban kon berhala mita tatua. Mezbah mita i Baal bo mezbah mita in dupa inta kon tua in inumpag monia.

IḶUAIAN 32:21

Sia in noguman kon i Harun, “Onudon in inaidan monia kon inimu nodapot in pinomayámudon mako in mosia nogaid kon dosa moḷoben tatua?”

AMSAL 1:31

Tuamai, korasaanbí monimu in bungai in aidmu mita bo tomayámu mita inta moraat.

AMSAL 14:14

Intau moraat in motarimabí doman kon bungai in aidnea moraat, intau mopia in motarimabí doman kon bungai in aidnea mopia.

ULANGAN 7:25

Tubádon in patong mita berhala inta sinumba monia. Dika mongibog kon saḷaka ande buḷawan inta kopake-paké monia bo dika mogamá sin pakéonmu tontaní. Aka moiko ḻimimpat kon parenta tatua matoi in moiko, sin ki Tuhan Allahmu in doíbí in mokoontong kon posumbaan kon patong berhala.

ULANGAN 7:5

Tuamai, umpagdon in mezbah mita in bangusa mita tatua, rimumudon in oigi mita batu inta inanggap monia mokaramat, pupuḷdon in lambang mita i Asyera, bo tubádon in patong mita berhala inta sinumba monia.

ULANGAN 9:21

Patong sapi inta pinomiamu, pinogambatku kon bonu in tuḷú. Bo irimumudku bo dinodok nodapot in noyimok totok naonda bo ḷobud, bo ḷobud tatua pinogambatku kon bonu in tapá inta noiḻig nongkon buḷud tatua.