IḶUAIAN 32:2 - Alkitab Singog In Mongondow Masa In Tanaa

² Bo ki Harun in noguman kon i monia, “Gamádon in nganti-nganting buḷawan inta pinaké i buḷoi bo i adí mita monimu, bo diádon mangoi kon inakó.”

IḶUAIAN 32:2 ပူးပေါင်းရင်းမြစ်များ

KINOBAḺIAN 24:22

Naonda in unta nonginumdon dapot in nooropdon totok, bobantung i Abraham in nogamádon kon ḷambá mita buḷawan inta nongo mahaḷ, bodongka pinopopakénea kon ngiung in mongodeaga tatua. Bo kon poguḻingkitannea pinopoḷutudannea doman ḻingkit in buḷawan togapang.

KINOBAḺIAN 24:47

Onda intua akuoi in noḻibó, ‘Ki ine in ki amámu?’ Bo sia in notubag, ‘Ki amáku ki Betuel, ki adí i Nahor bo i Milka.’ Bo pinopopakéankudon in ḷambá buḷawan kon ngiungnea bo iḷutudanku domandon in ḻingkit kon ḻimanea.

IḶUAIAN 20:23

Dika mogaid kon i monimu in patong mita saḷaka ande buḷawan sin sumbáan monimu ponoḻindua kon i-Nakó.

IḶUAIAN 32:3

Dá mosia in noḷongkutdon kon nganti-nganting buḷawan monia bodongka dinia kon i Harun.

IḶUAIAN 35:22

Ki inekabí in moibog, pinomayá ḷoḷaki ande bobay, mamangoi modia kon tomot ḷambá, nganti-nganting, sising, boboḷ bo bayongan yagi-yagi ḷambá buḷawan sin makusud poposumba kon i Tuhan.

AMSAL 25:12

Toboḷow in intau moarip kon i intau inta moibog mokidongog, in naonda bo sising buḷawan andeka ḷambá madiow.

YESAYA 3:19

ḻingkit, cadar,

YESAYA 30:22

Patong mita in berhalamu inta inoḻitan in saḷaka bo buḷawan in ḷumbúonbí monimu naonda bo apat, poḷat moguman, “Bayádon nongkon tayowonku!”

YEHEZKIEL 16:17

Nongkon ḷambá buḷawan bo saḷaka inta inogoi-Ku kon inimu, pinomiamu patong mita ḷoḷaki, bo nonuaḻing in iko takin patong mita tatua.

HOSEA 2:8

Ki inámu diábí kon dodai in onda in akuonnea kon Akuoibí in nobogoi kon inia in gandum, anggur, ḷana zaitun, bo bayongan in buḷawan, saḷaka inta pinakénea nosumba kon Baal tatua.