IḶUAIAN 32:13 - Alkitab Singog In Mongondow Masa In Tanaa

¹³ Toropdon in ata-Mu mita inta ki Abraham, ki Ishak bo ki Yakub. Toropdon bui kon Iko ain nodandi takin nongibot kon mobogoi kon i monia in buí inta mobarong totok naonda bo tundi kon ḷangit, ná doman tua bayongan butá inta pinodandi-Mu tua in mobaḻí kapunyaan in buí monia mononoi.”

IḶUAIAN 32:13 ပူးပေါင်းရင်းမြစ်များ

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

KINOBAḺIAN 12:7

Ki Tuhan nokipogontong kon i Abram bo noguman kon inia, “Tanaa in butá inta ogoi-Ku kon buímu.” Bo ki Abram noposindog in tobatú mezbah kon tua sin posumbaan kon i Tuhan inta ain nokipogontong kon inia.

KINOBAḺIAN 15:18

Kon dodai doman tuata ki Tuhan nogaid kon dodandian takin i Abram. Guman i Tuhan, “Akuoi in modandi kon ogoi-Ku kon buímu in bayongan butá tanaa, pinangkoi kon sigad in butá in Mesir modapot kon Ongkag in Eprat,

KINOBAḺIAN 15:5

Ki Tuhan in nodia kon i Abram iḻumuai bodongka noguman kon inia, “Ḷangagka kon ḷangit, bo tungkuḷaika iyap in tundi mita; yo buímu in kobayongnea naonda bo tundi mita tatua.”

KINOBAḺIAN 15:7

Onda intua ki Tuhan bui noguman kon inia, “Akuoi naa in ki Tuhan, inta ain nodia kon inimu iḻumuai nongkon butá in Ur kon Babilonia, sin mobogoi in butá tanaa kon inimu mobaḻí kapunyaanmu.”

KINOBAḺIAN 17:8

Akuoi in mobogoibí kon inimu bo kon buímu in butá tanaa, inta pinogutunanmu tanaa mako saḷaku intau ango-angoi. Bayongan butá in Kanaan in mobaḻíbí kapunyaan mononoi i adí bo i ompumu bo Akuoi in mobaḻí ki Allah monia.”

KINOBAḺIAN 22:16

“Ki Tuhan noguman: Akuoi mongibot podoyon kon tangoi-Ku tontaní, sin iko ain nogaid kon soaḷ tanaa bo diábí nogindoí in moposumba kon i adímu tuḷong tua kon i-Nakó,

KINOBAḺIAN 22:17

Akuoi mobogoi in barakat kobarongon totok kon inimu bo baḻíon-Ku in buímu moantó naonda bo tundi kon ḷangit bo ná kobayong in bungayon kon bingkí in dagat. Ki adí bo ki ompumu in monaḷowdon kon musung mita monia.

KINOBAḺIAN 24:7

Ki Tuhan, Allah inta nongawasa kon ḷangit, aindon nodia kon inakó nongkon baḷoi i amáku bo nongkon butá in ginaḷumku, bo Sia ain nongibot kon inakó kon Sia in mobogoibí in butá tanaa kon buíku. Sia in mopotabábí doman in malaekat-Nea sin motuḷung kon inimu, sinbá iko in mokouḻí kon bobay tobatú kon tua sin baḻíon buḷoi i adíku.

KINOBAḺIAN 48:16

Sia tuata in malaekat inta ain nomilat kon inakó nongkon bayongan bodito. Poigumon mako ki Allah tatua in momarakat kon adí mita tanaa. Poigumon mako umuran mobiag in tangoiku bo tangoi i Abraham bo i Ishak sin adí mita tanaa! Poigumon mako mosia in mononggadí mononggompu, bo momuí mobarong kon dunia naa.”

IḶUAIAN 13:11

Ki Musa in noguman kon bangusa Israel, “Ki Tuhan in mogatod kon i monimu kon butá in Kanaan inta pinodandi-Nea takin nongibot kon inimu bo kon mogoguyangmu. Naonda in butá tatua mobaḻí kapunyaanmu,

IḶUAIAN 13:5

Takin nongibot ki Tuhan nodandi kon mogoguyangmu kon Sia in moposarakan in butá in bangusa Kanaan, Het, Amori, Hewi bo Yebus. Naonda in ki Tuhan modia kon i monimu mayá in butá inta mopia totok bo noḷumbá tua, pomuḷoi in taong kon bonu in buḷan Abib, moiko in musti mogaid kon upacara tanaa.

IḶUAIAN 33:1

Bo ki Tuhan in noguman kon i Musa, “Taḷaaidon in tampat tanaa bo bayádon poyotakin in bangusa inta diniamu nongkon Mesir tatua mopobayá in butá inta pinodandi-Ku kon i Abraham, kon i Ishak bo kon i Yakub bo kon buí monia.

IMAMAT 26:42

yo toropon-Kudon in dodandian-Ku takin i Yakub, i Ishak bo i Abraham. Toimbaguon-Kudon in dodandian-Ku sin mobogoi in butá tatua kon bangusa-Ku.

ULANGAN 1:10

ki Tuhan Allahmu nopobaḻídon kon i monimu nobarong totok naonda bo tundi mita kon ḷangit.

ULANGAN 7:8

Táe ki Tuhan nomiḻí kon i monimu sin motabi in Sia kon i monimu bo mogintompod kon dandi inta pinomia-Nea takin mogoguyangmu. Tuamai in noposaḷamat in Sia kon i monimu takin kawasa inta moḷoben bo nopoḷuat kon i monimu nongkon kawasa i datu in Mesir.

ULANGAN 9:27

Toropbí in bobantungmu mita ki Abraham, ki Ishak bo ki Yakub, bo dikadon indoianmai in dodia motontogat in gina, raat bo dosa in bangusa tanaa.

IBRANI 6:13

Sin wakutu in ki Allah nodandi kon i Abraham, nongibot in Sia kon totu-totuubí mobaḻí in onu in pinodandi-Nea tatua. Bo lantaran diábí in moḷantu-ḷantud nongkon i-Nia, dá nongibot in Sia pinodoyon kon tangoi-Nea tontaní.