IḶUAIAN 32:12 - Alkitab Singog In Mongondow Masa In Tanaa

¹² Aka yopúon-Mu in mosia, yo intau in Mesir in mogumandon kon Iko in nodia kon i monia iḻumuai nongkon Mesir sin ḻimodon in kon buḷud bo yopúondon komintan. Donaai kaasí aidan in natua, o Tuhan, baḷuaidon in niat-Mu bo donaaidon popoantugan in bodito in bangusa tatua.

IḶUAIAN 32:12 ပူးပေါင်းရင်းမြစ်များ

KINOBAḺIAN 6:6

Nomanasaḷdon in Sia nomia kon i monia bo nonampat kon i monia kon dunia naa. Totok nomanasaḷ in Sia,

DATU MITA IMITÁNEA 8:51

Mosia in umat-Mubí tontaní inta ain dinia-Mu iḻumuai nongkon Mesir butá inta pinononggataan kon i monia.

EZRA 10:14

Ogoidon in itoi nami in mogutun kon Yerusalem bo mogimpaḷut kon soaḷ tatua. Bo kon batúan in intau kon kotá mita nami, inta kobuḷoi nongkon bobay in bangusa ibanea, in mustibí mamangoi podudui in wakutu inta ain sinantú, moyotakin in itoi mita bo hakim mita in kotánea-kotánea. Tua in aidan sinbá ki Tuhan Allah in diádon tumorú bui kon i naton popisí in pelekara tatua.”

MAZMUR 106:45

Popisí in mosia dá kinotoropan-Nea in dandi-Nea bo nonotabidon kon i monia popisí in tabi-Nea inta moḷoben.

MAZMUR 74:18

Toropdon naonda in pinononingkuḻe in musung kon ini-Mu, o Tuhan, bangusa inta diá nonotaau kon ini-Mu nohojat kon tangoi-Mu.

MAZMUR 78:38

Táe ki Allah in notabi bo nongampung kon umat-Nea, bo diábí noyopú kon i monia. Nopobui-buimai Sia in nomondam kon torú-Nea, bo diá noponiata in yaat in gina-Nea.

MAZMUR 85:3

Inampungan-Mudon in dosa mita in umat-Mu; imaapan-Mudon in bayongan in taḷánea.

MAZMUR 90:13

O Tuhan, modapot in toonu Iko in tumorú? Pobuidon bo kotabipa in mogogundoi-Mu mita.

IḶUAIAN 32:14

Dá ki Tuhan nomaḷuidon kon niat-Nea tatua bo diádon pinopoantugan-Nea in bangusa tatua in bodito ná inta tomayá-Nea.

IḶUAIAN 33:13

Aka natua, dá potaaudon kon inakó onu in tomayá-Mu, Tuhan, sinbá akuoi in motaau mogaid kon oaidan-Mu bo umuran moposanang kon gina-Mu. Torop domandon kon bangusa tanaa ain piniḻí-Mu nobaḻí kapunyaan-Mu.”

YESAYA 64:7

Diá in nosambayang kon ini-Mu, andeka nopoigum in totuḷung-Mu, sin Iko in nogadop kon inami, bo nopomayá mako kon inami in iyopú in dosa nami.

YESAYA 64:8

Táe Iko, o Tuhan, in ki Amá nami, kami in butá ḷamentong, bo Iko in nomia kon inami; kami komintan in aidbí in ḻima-Mu.

YEREMIA 28:16

Tuamai in ki Tuhan tontaní in noguman kon iko in yopúon-Neabí nongkon dunia naa. Taong tanaa doman matoi in iko, sin iko in nopotabádon kon bangusa tanaa noḷawang kon i Tuhan.”

YEHEZKIEL 20:14

Táe diábí inaidan-Ku intua popisí in moḷukad kon tangoi-Ku, sinbá tangoi-Ku diá singkuḻeon in bangusa mita inta nokoontong kon i-Nakó nodia kon Israel iḻumuai nongkon Mesir.

YEHEZKIEL 20:22

Táe Akuoi in diábí nogaid kon tua sinbá tangoi-Ku in diá singkuḻeon in bangusa mita inta nokoontong kon i-Nakó nodia kon Israel iḻumuai nongkon Mesir.

YEHEZKIEL 20:9

Táe diábí inaidan-Ku intua, sinbá tangoi-Ku in diá singkuḻeon in bangusa mita inta kon pinogutunan monia. Sin kon tayowon in bangusa mita tatua, Akuoi in nopotaaudon kon bangusa Israel in diaan-Kudon ḷumuai nongkon Mesir.

YOËL 2:17

Potabádon in imang mita inta nogundoi kon i Tuhan, mongombaḷ kon sigad in mezbah bo dangkuḷonnea kon muna, sindaḷan moguman, “Kotabipa kaasí in umat-Mu, o Tuhan; dika pomayá mako in kapunyaan-Mu tongososingkuḻe mako,” dá bangusa mita ibanea monigid poḷat moguman, “Kon onda in ki Allah monia?”

AMOS 7:3

Ki Tuhan in nomaḷui kon tomayá-Nea bo noguman, “Inta inontongmu tua in diábí mobaḻí.”

AMOS 7:6

Ki Tuhan in nomaḷui kon tomayá-Nea bui bo noguman, “Naa doman in diábí mobaḻí.”

YUNUS 3:9

Degá bo baḷuianbí i Allah in niat-Nea bo diádon tumorú dá kita in diádon moyopú!”

ZAKHARIA 8:14

Ki Tuhan Inta Totok in mokawasa in noguman, “Kon dodai in mogoguyangmu nokopopisí kon i-Nakó sinumorú, sinantú-Kudon kon hukumon in mosia kobogaton. Diábí binaḷuian-Ku in tosingogon-Ku tatua, táe pinobayá-Kubí.

PINOGIAPAN 14:19

Tanaa, Tuhan, popisí in moḷoben totok in tabi-Mu bo Iko mosatia kon onu inta ain pinodandi-Mu, dá poigumonku, ampungaidon in dosa in intau mita tanaa ná Iko ain nongampung kon i monia pinangkoipamai mosia nonaḷámai kon butá in Mesir.”

PINOGIAPAN 16:21

“Undokdon in moiko nongkon intau mita tanion; Yopúon-Kudon in mosia nion tanaa doman mako.”

ULANGAN 13:17

Barang mita inta mokokatuḷa tatua in diábí motaau tagúon monimu sin pakéon tontaní, táe mustibí ḷoḷangon komintan. Dá torú i Tuhan Mopiong domandon bo poontong-Neadon kon i monimu in tabi-Nea. Motabidon in Sia kon inimu bo baḻíon-Neadon in moiko bangusa inta moḷoben ná inta pinodandi-Nea kon mogoguyangmu,

ULANGAN 32:36

Ki Tuhan in moposaḷamat kon umat-Nea bo motabidon kon mogogundoi-Nea mita, aka ontongon-Nea in mosia diádon kodaya bo kinodaitandon in ropot.

ULANGAN 9:28

Aka umat-Mu yopúon-Mu doman, dá intau mita in Mesir in mosingogbí kon Iko in diábí mokosanggup in modia kon bangusa-Mu mayá in butá inta pinodandi-Mu kon i monia, bo Iko nodia kon i monia mayá in padang gurun sin ḻimodon, sin moyaat in gina-Mu kon i monia.

YOSUA 7:26

Nopaḷut mako kon tua binumbunandon monia in tampat tatua in batu inta mobarong totok bo dapot in tanaa oyúonpa doman intua. Tuamai in tampat tatua in sinangoianpa Ḷopá in Roriga. Dá noobotdon in torú i Tuhan.

YOSUA 7:9

Intau in Kanaan bo bayongan intau ibanea kon butá tanaa in mokodongogdon kon tua. Ḻibutandon monia bo ḻimodon in kami komintan! Yo onu in pomiaan-Mu sinbá tangoi-Mu in umuran horomaton?”

SAMUEL 1 12:22

Ki Tuhan ain nongibot, kon Sia in diábí monaḷámai kon i monimu sin Sia ain nonantú kon umat-Nea tontaní.