IḶUAIAN 32:10 - Alkitab Singog In Mongondow Masa In Tanaa

¹⁰ Donaai monungkuḷ moḷamboi kon i-Nakó. Tumorú in Akuoi kon i monia bo yopúon-Ku in mosia. Táe iko takin buímu in baḻíon-Ku bangusa moḷoben tobatú.”

IḶUAIAN 32:10 ပူးပေါင်းရင်းမြစ်များ

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

MAZMUR 106:23

Dá niaton i Allah yopúon in umat-Nea, táe inimaḷowan i Musa, intau inta piniḻí-Nea. Ki Musa in nobaḻí tonsigad kon i monia, dá noonow in torú i Allah.

IḶUAIAN 22:24

Tumorú in Akuoi bo moḻimod kon i monimu kon bonu in parang, modapot in ki buḷoi monimu mita mobaḻídon dongka boba-bobay, bo ki adí monimu in mobaḻídon diá ko amá.

IḶUAIAN 32:11

Ki Musa nopoigum tabi kon i Tuhan Allahnea, kainia, “Tuhan, nongonu sin musti-Mubí aidan kon i monia in natua? Ikodon tontaní inta noposaḷamat kon i monia nongkon Mesir takin kawasa bo ropot-Mu inta moḷoben?

IḶUAIAN 32:19

Naonda in ki Musa nodiugdon kon ḷoḷaigan tatua, inontongnea in patong sapi buḷawan tatua bo intau mita motayokmai kon tua, dá sinumorúdon totok in sia. Kon tuapa doman, kon sioḷmai in buḷud tatua, pinogonag i Musa in batu inta kodia-dianea tatua dá norimu-rimumud.

IḶUAIAN 33:3

Moiko in mayá kon butá inta mopia bo motoḷubú. Táe Akuoi in diábí dumudui kon i monimu, sinbá diá in moiko yopúon-Ku kon yuak in daḷan, sin moiko nion in bangusa inta motogat in gina.”

YEREMIA 11:14

Tuamai, Yeremia, dikadon sambayanganmu in mosia andeka mopoigum kon i-Nakó motuḷung kon i monia! Aka mosia kon bonu in roriga bo mopoigum in totuḷung kon i-Nakó, doíbí in Akuoi mokidongogmai kon i monia.”

YEREMIA 14:11

Ki Tuhan in noguman kon inakó, “Dika mopoigum sinbá Akuoi in motuḷung kon intau mita tatua.

YEREMIA 15:1

Ki Tuhan in noguman kon inakó, “Diá bidon in Akuoi motabi kon bangusa tanaa, umpakabí ki Musa bo ki Samuel in simindog kon naa mopoigum in totabi-Ku kon i monia. Potabádon mayá in bangusa tanaa, doídon in Akuoi moindoi kon i monia!

YEREMIA 7:16

Ki Tuhan in noguman, “Yeremia, dika sambayanganmu in intau mita tanaa. Dika mokituḷung andeka sambayanganmu in mosia, dika mondodak kon i-Nakó, sin Akuoi in doíbí mokidongog kon oigum tatua.

YEHEZKIEL 20:13

Táe kon rawang in bungaion doman tatua noḷawang in mosia kon i-Nakó. Mosia in iḻimimpat kon parenta-Ku mita, bo nondoí kon hukum-Ku mita inta nopodandi kon intau mita inta umuran dumudui kon tua in mobiagbí. Mosia in totokbí in noporaa-raatmai kon singgai in Sabat. Tuamai, kon rawang in bungaion tatua nosadiadon in Akuoi mopoḷuai in torú-Ku kon i monia bo moyopú kon i monia.

PINOGIAPAN 14:12

Putúan-Ku in mosia takin mopouma in takit inta dumodakit. Táe iko in baḻíon-Ku guyanga ḷoḷaki nongkon bangusa tobatú inta moḷobe-ḷoben bo moropo-ropot nongkon i monia!”

PINOGIAPAN 16:21

“Undokdon in moiko nongkon intau mita tanion; Yopúon-Kudon in mosia nion tanaa doman mako.”

PINOGIAPAN 16:22

Táe ki Musa bo ki Harun dinumokó nosumba bo noguman, “O Allah, Ikobí in nobogoi in kobiagan kon bayongan inta nobiag. Aka tongá tobatú in intau in binaradosa, yo degá Iko in tumorú domandon kon bayongan umat?”

ULANGAN 9:14

Dika monungkuḷ moḷamboi kon i-Nakó. Yopúon-Kudon in mosia modapot in mosia diádon kotoropan bui. Táe iko in baḻíon-Kudon amá in tobatú bangusa inta moḷobe-ḷoben bo moropo-ropot nongkon i monia.’

ULANGAN 9:19

Akuoi moondok kon torú i Tuhan inta modoko-dokot kon i monimu dá ibogon-Nea in moiko yopúondon, táe kon naa ki Tuhan buipa doman noibog nokidongog kon oigumku.

YAKOBUS 5:16

Tuamai moiko in musti mosi akuan kon taḷá bo mosi sambayangan, sinbá undaman in moiko. Sambayang in intau inta dinumudui kon ibog i Allah, moḷoben in kawasanea.