IḶUAIAN 32:1 - Alkitab Singog In Mongondow Masa In Tanaa

¹ Kon tungkuḷ in noonggotdon in pinogoḷatan mako in bangusa Israel kon i Musa mosiḻig nongkon buḷud tatua, sin dodai intua sia umuranpabí kon tudu in buḷud tatua, dá mosia in namangoi kon i Harun bo noguman, “Diádon kinotaauan naton mongo onu in nobaḻí kon i Musa, intau inta ain nodia kon i naton iḻumuai nongkon Mesir; dá pomiaaidon in kami kon ilah inta modia kon inami.”

IḶUAIAN 32:1 ပူးပေါင်းရင်းမြစ်များ

KINOBAḺIAN 19:14

Bo minayádon in ki Lot nokipodungkuḷ kon tayowmobiag doyowa inta nongantangdon kon i adínea doyowa, bo poḷat noguman, “Koḻikatdon ḷuai nongkon kotá tanaa, sin yompatondon i Tuhan.” Táe kai monia kamai tongábí mobobaḻitumbuyan in ki Lot.

KINOBAḺIAN 21:26

Ki Abimelek in noguman, “Diábí kinotaauanku mongo ki ine in nogaid kon soaḷ tatua. Diápabí dodai onda iko noguman, bo naadon in kon dungkuḷ totok akuoi nokodongog kon soaḷ tatua.”

KINOBAḺIAN 39:8

Doí in ki Yusup bo sia in noguman kon i buḷoi Potipar, “Ampung, Nyora, ki tuang Potipar ain nopopirisaya in bayongan kapunyaannea kon inakó. Sia diá in bidon paraḷu momikir kon onuka in kon baḷoi tanaa.

KINOBAḺIAN 44:15

Dá nosingogdon in ki Yusup, “Onu in pinomia monimu tanion? Diábí kinotaauan monimu degá kon intau ná akuoi naa monotaaubí kon oaidmu inta moraat takin sinotaauku?”

KINOBAḺIAN 44:4

Diápa in mosia noyayú nongkon kotá tatua, ki Yusup nogumandon kon bobantungnea koina, “Ḷagidon batuk in intau mita tatua. Aka kobatukandon, pogumandon kon i monia, ‘Nongonu sin aid mopia tuḻíanbí monimu in moraat?

MAZMUR 106:19

Kon Buḷud in Sinai mosia in nomia kon ki adí in sapi nongkon buḷawan, bo nosumba kon patong inta pinomia monia tatua.

IḶUAIAN 13:21

Aka singgai, ki Tuhan mayá umuna kon i monia takin mokipogontong naonda bo oigi goḷom bo aka doḷom sia mayá kon muna monia kon bonu in oigi tuḷú sin motundú kon daḷan bayáan monia. Natua in nobaḻí dá mosia notaau in minayá singgai bo doḷom.

IḶUAIAN 14:11

Guman monia kon i Musa, “Eta degá diá in poḷobongan kon Mesir, dá diniamu mangoi kon naa in kami sinbá matoi kon tampat tanaa? Indoiaika bungai in oaidanmu tatua!

IḶUAIAN 16:3

Guman monia, “Maníka bo kami minatoidon iḻimod i Tuhan kon Mesir. Kon tua in kami moikaa-kaanbí doman kon ponoyá bo roti dapot in mobotug. Táe moiko ain nodia kon inami namangoi in naa sinbá kami komintan matoi in gogoy.”

IḶUAIAN 20:23

Dika mogaid kon i monimu in patong mita saḷaka ande buḷawan sin sumbáan monimu ponoḻindua kon i-Nakó.

IḶUAIAN 24:12

Noiduduimai kon tua ki Tuhan noguman kon i Musa, “Angoidon kon i-Nakó kon tudu in buḷud. Kon tua ogoi-Ku kon inimu in batu doyowa inta pinomaisan-Ku kon bayongan hukum-Ku. Bayongan hukum tatua ogoi-Ku sin baḻíon totundú kon bangusa-Ku tatua.”

IḶUAIAN 24:18

Bo ki Musa notakodon nodapot in sia sinumuotdon kon bonu in goḷom tatua. Opat nopuḷú nosinggai bo opat nopuḷú nogobii ki Musa nogutun kon tua.

IḶUAIAN 32:11

Ki Musa nopoigum tabi kon i Tuhan Allahnea, kainia, “Tuhan, nongonu sin musti-Mubí aidan kon i monia in natua? Ikodon tontaní inta noposaḷamat kon i monia nongkon Mesir takin kawasa bo ropot-Mu inta moḷoben?

IḶUAIAN 32:22

Tubag i Harun, “Dikapa tumorú kon inakó; kinotaauanmudon tontaní naonda in kinobobarani intau mita tanaa momia kon inta moraat.

IḶUAIAN 32:23

Mosia in noguman kon inakó, ‘Diádon kinotaauan naton mongo onu in nobaḻí kon i Musa, intau inta ain nodia kon i naton iḻumuai nongkon Mesir; dá pomiaaidon in kami ilah tobatú inta mobaḻí itoi kon inami.’

IḶUAIAN 32:7

Dá ki Tuhan noguman kon i Musa, “Ḷagidon posiḻig, sin bangusa inta diniamu iḻumuai nongkon butá in Mesir nomiadon kon inta moraat.

IḶUAIAN 33:3

Moiko in mayá kon butá inta mopia bo motoḷubú. Táe Akuoi in diábí dumudui kon i monimu, sinbá diá in moiko yopúon-Ku kon yuak in daḷan, sin moiko nion in bangusa inta motogat in gina.”

YEHEZKIEL 20:8

Táe mosia in noḷawang kon i-Nakó bo doí nokidongog kon i-Nakó. Mosia in doíbí noḷumbú kon patong mita inta mokorongó tatua bo diá doman moibog in mogogai in mosumba kon berhala mita in Mesir. Kon tungkuḷ in mosia kon tuapa, Akuoi in nosadiadon kon mopoḷuai in torú-Ku kon i monia.

HOSEA 12:13

Ki Yakub mogoguyang naton noḷagui minayá in Mesopotamia, bo bá mokouḻí kon buḷoi, sia in nogaid saḷaku ata kon intau kon tua bo noḷukad kon domba mita in intau tatua.

MIKHA 6:4

Moiko in dinia-Kudon iḻumuai nongkon Mesir, bo pinoḷuat-Kudon nongkon pinononggataan; Akuoi in nopotabádon kon i Musa, kon i Harun, bo kon i Miryam sin modia kon i monimu.

PINOGIAPAN 14:22

tongá kon sigad in intau mita tanaa diádon tobatúmai in mosia in mobiagpa bo motaau tumuot kon butá inta pinodandi-Ku kon mogoguyang monia. Sin mosia in diá motoindudui kon i-Nakó, bo umuran monungkuḷ kon i-Nakó. Bokaka mosia ain nokoontong kon sindar nongkon i-Nakó, bo inta mokoherang mita inta pinomia-Ku kon Mesir bo kon padang gurun.

MATIUS 24:43

Tongá bá kotaauan monimu in nanaa: Aka kitogi baḷoi bo mokotaau kon toonu in mononakow mamangoi, tantú moḷukadbí in sia, sin diábí pomayánea mako in baḷoinea tua in bongkaron.

MATIUS 24:48

Tongá aka simpaḷ moraat, inta mosingog kon bonu in ginanea nanaa,

OUMAN IN RASUL MITA 17:29

Dá lantaran kita bo ki adíbí mita i Allah, dá diábí motaau anggapon naton kon ki Allah tua in ná bí onda bo patong inta inaidan nongkon buḷawan andeka inaidan nongkon saḷaka andeka ná batu inta inaidan pinodudui in kopopandoi intau.

OUMAN IN RASUL MITA 19:26

Bo tanaa aindon inontong bo dinongog monimu tontaní onu in inaidan i Paulus. Sia in noguman kon dewa mita inta pinomia intau in deemanbí totu-totuu dewa. Bo nobayongdon totok intau in nopirisaya kon onu in pinogumannea tatua, deeman tongá kon Epesus naa, táe gogiódon bo komintan in Asia naa.

OUMAN IN RASUL MITA 7:40

Mosia in noguman kon i Harun nanaa, ‘Pogaidaipa kon dewa mita inta motaau duduianmai nami. Sin diádon kotaauan nami mongo onudon in nobaḻí kon i Musa inta nodia kon inami iḷumuai nongkon Mesir!’

ULANGAN 31:8

Ki Tuhan tontaní in mokapit bo motuḷung kon inimu. Diábí pokuyangon-Nea in ginamu bo diábí doman taḷaan-Nea in iko, tuamai dikadon moondok ande mogagawang.”

ULANGAN 9:1

“Indongogai Utat mita! Singgai naa moiko ḷumoḷandon kon Ongkag in Yordan sin mayá ḻimitú kon butá in bangusa mita inta moḷobe-ḷoben bo moropo-ropot nongkon i monimu. Kotá mita monia mongoḷoben bo dininding nodapot in ḷangit.

ULANGAN 9:9

Akuoi notakod kon buḷud tatua sin motarima kon batu dodandian inta pinomia i Tuhan takin i monimu. Opat nopuḷú nosinggai bo opat nopuḷú nogobii in koonggotnea akuoi nogutun kon buḷud tatua takin diá nopongaa-ngaan ande diá noponginu-nginum.

YOSUA 7:13

Pobangondon in tanaa, Yosua! Potusidon in umat in Israel bo potabádon in mosia mosadia tumayow kon i-Nakó. Parentaaidon in mosia mosadia in ikoḷom, sin Akuoi ki Tuhan Allah in Israel in mopotaau in naa kon i monia: ‘Ei intau mita in Israel! Barang mita inta ain pinoki payong-Ku kon i monimu, oyúonpa in kon i monimu. Aka diápa ḷumbúon monimu in barang mita tatua, yo diábí in moiko mokotongkod kon musung!’

PETRUS 2 3:4

Mosia in mosingog nanaa: “Dongogonmai ki Tuhan in nodandi mamangoi! Yo ondabí in nion! Nodaitdon minatoi in mogoguyang naton táe bayongan in yagi-yagi umuranpabí ná kaadaan tungkuḷ intua, wakutu in dunia naa bagupa inaidan!”