IḶUAIAN 31:2 - Alkitab Singog In Mongondow Masa In Tanaa

² “Piniḻí-Kudon in ki Bezaleel adí i Uri, ompu i Hur nongkon suku i Yohuda,

IḶUAIAN 31:2 ပူးပေါင်းရင်းမြစ်များ

TAWARIKH 2 1:5

Mezbah bitú inta pinomia i Bezaleel ki adí i Uri, ki ompu i Hur, in kon Gibeon doman kon tayowon in Ḷoḷaigan i Tuhan. Ki Datu Salomo bo bayongan in rayat in noibada kon i Tuhan kon tua.

IḶUAIAN 17:10

Inaidan i Yosua onu inta pinoki aid i Musa kon inia. Sia in minayá bo noparang takin intau in Amalek, yo ki Musa, ki Harun bo ki Hur notakod kon buḷud nodapot kon tudunea totok.

IḶUAIAN 33:12

Kon singgai tobatú ki Musa noguman kon i Tuhan, “Tuhan, Iko nopotabádon kon inakó modia kon bangusa tanaa mayá in butá inta pinodandi-Mu. Táe diábí pinoguman-Mu mongo ki ine in potabá-Mu motuḷung kon inakó. Tuhan, Iko noguman kon kinotaauan-Mu bo kinoibog-Mu in akuoi.

IḶUAIAN 33:17

Guman i Tuhan kon i Musa, “Onu in pinoigummu tatua duduian-Ku, sin kinotaauan-Ku in Iko bo kinoibog-Ku doman in iko.”

IḶUAIAN 35:30

Onda intua ki Musa in noguman kon intau in Israel, “Ki Tuhan ain nomiḻí kon i Bezaleel ki adí i Uri, ki ompu i Hur, nongkon suku in Yohuda

IḶUAIAN 36:1

Ki Bezaleel, ki Aholiab, bo bayongan mogogimok inta nokouḻí kon pandoi bo koahlian nongkon i Tuhan, nonotaau kon bayongan inta toko pakéon kon Ḷoḷaigan i Tuhan. Mosia in musti momia kon bayongan yagi-yagi ná inta ain pinarenta i Tuhan.”

IḶUAIAN 37:1

Ki Bezaleel in nomia kon Poti Dodandian nongkon kayu akasia, kobanatnea in mogatut bo mopuḷú nosenti, kooḷad bo koḷantudnea in togogonom nopuḷú bo onom nosenti.

IḶUAIAN 38:22

Ki Bezaleel adí i Uri, ompu i Hur inta nongkon suku in Yohuda, nomia kon bayongan inta pinoki aid i Tuhan.

IḶUAIAN 38:23

Bobantungnea in ki Aholiab adí i Ahisamakh nongkon suku Dan, sia naa in mongongurig, mononomayá bo mogogaboḷ kon kaeng linen moaḷus, wol nobidu, nokamumu bo nopura.

YOHANES 3:27

Ki Yohanes in notubag, “Diábí in tobatúmai intau in mokouḻí kon onu bo onu sin pakéonnea tontaní, aka deeman ki Allah in nobogoi kon inia.