IḶUAIAN 30:6 - Alkitab Singog In Mongondow Masa In Tanaa

⁶ Poukatdon in mezbah tatua kon dotá in ḷuai in toḻipoi inta kon tayowon in Poti Dodandian, kon tampat poyodungkuḷan-Ku takinmu.

IḶUAIAN 30:6 ပူးပေါင်းရင်းမြစ်များ

TAWARIKH 1 23:13

Ki Amram in ki amá i Harun bo i Musa. (Ki Harun bo buínea mononoi in sinantúdon monompia kon pakakat mita in ibada, motubá kon dupa kon i Tuhan, mogundoi kon i Tuhan bo momarakat kon rayat podoyon kon tangoi Tuhan.

TAWARIKH 1 28:11

Nopaḷut mako kon tua ki Daud in noposarakadon kon i Salomo in tomayá mogaid kon Baḷoi Tuhan, gudangnea mita, bayongan in gopotnea, bo yuang Inta Totok in Motusi, tampat pongongampungan kon dosa.

IḶUAIAN 30:36

Tosilai in dupa tatua musti dodokon korumomokon. Diadon intua kon Ḷoḷaigan-Ku bo potabudon intua kon tayowon in Poti Dodandian. Dupa tatua in musti baḻíon barang motusi inta tongá tondíon kon i-Nakó. Dika momia kon dupa inta pakéon monimu potongkai in ná pomomia kon dupa tatua.

IḶUAIAN 30:5

Tombuḻigan tatua musti pomiaan nongkon kayu akasia bo oḻitan in buḷawan.

IḶUAIAN 30:7

Pomuḷoi in doḷo-doḷom kon dodai in ki Harun mamangoi sin moposadia in togá, musti in sia motubá kon dupa mobondu kon tudu in mezbah tatua.

IḶUAIAN 40:26

Mezbah buḷawan inukatneadon kon bonu in Ḷoḷaigan, kon tayowon in kaeng,

IḶUAIAN 40:3

Diadon potuot in Poti Dodandian inta pinobonuan kon Parenta Mopuḷú bo popokoḷobdon in kaeng koḷobnea kon munanea.

IḶUAIAN 40:5

Ukatdon in mezbah buḷawan pototubáan kon dupa kon tayowon in Poti Dodandian, bo popobambédon in toḻipoi kon ḷoḻingkop in Ḷoḷaigan.

IMAMAT 16:13

Dupa tatua musti tubáannea kon tayowon in Poti Dodandian, sahingga poyoknea moikoḷubung kon taḷob in poti tatua bo diádon ontongon i Harun, sin aka ontongonnea, yo matoi in sia.

PINOGIAPAN 17:4

Diadon in tungkud mita tatua kon Ḷoḷaigan-Ku, bo ukat kon tayowon in Poti Dodandian, kon tampat inta biasamai poyodungkuḷan-Ku takin imonimu.

MATIUS 27:51

Bo indoiainmai, gorden in Baḷoi Allah nobisik nosilai doyowa nongkon ḻimonikannea nodapot in ḻimonagannea. Bo dinandúan bo buḷud mita in batu nongobotak.

IBRANI 4:16

Tuamai, koḻigai in kita dika moondo-ondok in mayá kon tayowon i Allah inta nomarenta takin pia in gina. Motabibí in ki Allah kon i naton bo ogoian-Neabí in barakat, sahingga motarimabí in kita kon totuḷung-Nea aka kon wakutuneadon.