IḶUAIAN 30:3 - Alkitab Singog In Mongondow Masa In Tanaa

³ Dotá in ḻimonikannea, poḷat doman in sínea opat bo tungoinea mita musti oḻitan in buḷawan taakan bo pinakéan in bongkow buḷawan in ḻibunea.

IḶUAIAN 30:3 ပူးပေါင်းရင်းမြစ်များ

DATU MITA IMITÁNEA 6:20

Yuang tatua kobanatnea, kooḷadnea bo koḷantudnea in notongkai, tumongo siow nometer. Mezbah kon tayowon in Yuang Totok in Motusi tatua pinomia nongkon kayu ḷokuyú in Libanon. Kon ngara tumuot in yuang tatua pinopobandai in rante buḷawan. Bayongan bonu in Baḷoi i Tuhan tatua noitakin doman in Yuang Totok in Motusi bo mezbahnea inaipan in buḷawan taakan.

DATU MITA IMITÁNEA 7:48

Ki Datu Salomo in nokimia doman in touḷut mita ibanea nongkon buḷawan sin pakéon kon Baḷoi Tuhan. Naa in pakakat mita inta pinomianea tatua: Mezbah Meja pogukatan kon roti inta posumba kon i Allah Sioḷ totuduan in togá mopuḷú inta inukat kon tayowon in Yuang Totok Motusi, ḻima in kon dotá in toḷatan bo ḻima in kon dotá in utuan Bungang mita Togá mita Totupit mita Galas mita Pakakat pomomiong kon togá Palo mita Pindan mita pogukatan kon dupa Pindan mita inta pogukatan kon baga in tuḷú Engsel mita inta pakéon kon Yuang Inta Totok in Motusi bo ḷoḻingkop mita dotá in ḷuai in Baḷoi Tuhan.

IḶUAIAN 25:11

Aipai in buḷawan taakan kon dotá in bonu bo ḷuainea bo pomiaai domandon kon bongkownea nongkon buḷawan.

IḶUAIAN 25:24

Oḻitaidon in buḷawan taakan bo pakéai in bongkow tobatú buḷawan inta poḻibu.

IḶUAIAN 30:2

Pomia intua kotonggopaton; kobanat bo kooḷadnea tumpaḷa togogopat nopuḷú bo ḻima nosenti, bo koḷantudnea in siow nopuḷú nosenti. Kon sikunea opat pomiaaidon kon tungoi mita inta tobatúon in mezbah tatua.

IḶUAIAN 30:4

Pomia kon ḻingkit doyowa kon ḻimonag in bongkow kon sínea doyowa sin pogopod kon kayu pobobuḻigan kon mezbah tatua.

WAHYU 8:3

Tobatú malaekat ibanea inta nodia kon pototubáan kon kamania inta pinomia nongkon buḷawan, namangoi bo sinimindog kon tayowon meja pogogukatan kon sosumba. Sia inogoian in kamania nobayong sin potakin kon sambayang mita in bayongan umat i Allah bo posumba doman kon meja pototuduan kon sosumba inta kon tayowon tampat pomomarentaan.