IḶUAIAN 30:1 - Alkitab Singog In Mongondow Masa In Tanaa

¹ Ki Tuhan noguman bui kon i Musa, “Pomiadon kon mezbah tobatú pototubáan kon dupa inta pomiaan nongkon kayu akasia.

IḶUAIAN 30:1 ပူးပေါင်းရင်းမြစ်များ

DATU MITA IMITÁNEA 6:20

Yuang tatua kobanatnea, kooḷadnea bo koḷantudnea in notongkai, tumongo siow nometer. Mezbah kon tayowon in Yuang Totok in Motusi tatua pinomia nongkon kayu ḷokuyú in Libanon. Kon ngara tumuot in yuang tatua pinopobandai in rante buḷawan. Bayongan bonu in Baḷoi i Tuhan tatua noitakin doman in Yuang Totok in Motusi bo mezbahnea inaipan in buḷawan taakan.

DATU MITA IMITÁNEA 7:48

Ki Datu Salomo in nokimia doman in touḷut mita ibanea nongkon buḷawan sin pakéon kon Baḷoi Tuhan. Naa in pakakat mita inta pinomianea tatua: Mezbah Meja pogukatan kon roti inta posumba kon i Allah Sioḷ totuduan in togá mopuḷú inta inukat kon tayowon in Yuang Totok Motusi, ḻima in kon dotá in toḷatan bo ḻima in kon dotá in utuan Bungang mita Togá mita Totupit mita Galas mita Pakakat pomomiong kon togá Palo mita Pindan mita pogukatan kon dupa Pindan mita inta pogukatan kon baga in tuḷú Engsel mita inta pakéon kon Yuang Inta Totok in Motusi bo ḷoḻingkop mita dotá in ḷuai in Baḷoi Tuhan.

TAWARIKH 1 28:18

soaḷ kobayong in buḷawan totokan inta pomiaan mezbah pototubáan kon dupa bo aidan kereta inta potuduan kon patong mita in kerub takin koḻikip nobuká kon tudu in Poti Dodandian i Tuhan.

TAWARIKH 1 6:49

Ki Harun bo buínea in mototubá kon dupa, moposumba in kuruban payongon kon tudu in mezbah, mopobayá in bayongan upacara kon Yuang Totok motusi, bo moposumba in kuruban potobut kon dosa in umat in Israel. Tua komintan in inaidan monia pinodudui kon topotundú mita inta inogoi i Musa mogogundoi i Allah.

TAWARIKH 2 26:16

Naonda in ki Datu Uzia noropot, nobaḻídon in sia mododia, bo tua in nokopopisí kon kinorimumudannea. Iḻimimpat in sia kon parenta i Tuhan Allahnea sin sinumuot kon Baḷoi Tuhan sin motubá kon dupa kon tudu in mezbah in dupa.

IḶUAIAN 30:10

Komintan in totaong ki Harun musti mogaid kon upacara pondaritan kon mezbah takin mopopisik kon tungoi opat in dugú in biag inta pinokuruban sin pongampungan kon dosa. Tua in musti pomiaan pomuḷoi in taong dapot kon adí bo ompu. Mezbah tatua musti motusi komintan bo tongábí kon i-Nakó.”

IḶUAIAN 30:2

Pomia intua kotonggopaton; kobanat bo kooḷadnea tumpaḷa togogopat nopuḷú bo ḻima nosenti, bo koḷantudnea in siow nopuḷú nosenti. Kon sikunea opat pomiaaidon kon tungoi mita inta tobatúon in mezbah tatua.

IḶUAIAN 31:8

inta meja bo touḷutnea, sioḷ in totuduan togá inta nongkon buḷawan totokea takin touḷutnea, mezbah pototubáan kon dupa,

IḶUAIAN 35:15

mezbah pototubáan kon dupa takin kayu tombuḻigannea, ḷana pakéon kon upacara, dupa inta mobondu; toḻipoi inta pakéon kon ḷoḻingkop in Ḷoḷaigan,

IḶUAIAN 39:38

mezbah nongkon buḷawan, ḷana inta pakéon kon upacara, dupa mobondu, toḻipoi in ḷoḻingkop in Ḷoḷaigan,

IḶUAIAN 40:5

Ukatdon in mezbah buḷawan pototubáan kon dupa kon tayowon in Poti Dodandian, bo popobambédon in toḻipoi kon ḷoḻingkop in Ḷoḷaigan.

YEHEZKIEL 41:22

Koḷantudnea in tometer bo tobotak bo kooḷadnea in tometer. Sikunea mita, taḷognea bo dindingnea in pinomia nongkon kayu. Ḷoḷaki tatua in noguman kon inakó, “Naa in meja inta kon tayowon in koangoian i Tuhan.”

IMAMAT 4:18

Tongosilai doman in dugú tatua musti poḻepo kon tungoi mita inta kon siku in mezbah pototubáan kon dupa kon bonu in Ḷoḷaigan, bo kiagatnea in musti popobutak kon datoḷan in mezbah tampat in kuruban tubáan inta kon tayowon ngara in Ḷoḷaigan.

IMAMAT 4:7

Tongosilai nongkon dugú tatua musti poḻepo kon tungoi mita inta kon siku mita in mezbah in dupa mobondu kon bonu in Ḷoḷaigan, bo kiagatnea kon tua in musti popobutak kon taḷog in mezbah in kuruban tubáan inta kon tayowon in ḷoḻingkop in Ḷoḷaigan.

PINOGIAPAN 3:31

Mosia pinoki ḷukadan in Poti Dodandian, meja, sioḷ in totuduan in togá, mezbah mita, pakakat mita inta pakéon in imang kon Yuang Motusi, bo toḷipoi inta nopotondí in Yuang Motusi. Mosiadon tua in kitogi totaau kon bayongan oaidan inta noyotogot in pakakat mita tatua.

PINOGIAPAN 4:11

Mopaḷut mako kon tua musti tondaton monia in kaeng nobidu tobatú kon tudu in mezbah inta nongkon buḷawan tatua, bo koḷoban bui in kuḻit moaḷus tobatú, bodongka ḷutudan in kayu tombuḻigan kon mezbah tatua.

IBRANI 9:4

Kon bonu in yuang tatua oyúon in tobatú meja pototubáan kon sosumba, meja inta pinomia nongkon buḷawan. Oyúon doman in poti Dodandian inta komintan inoḻitan in buḷawan. Kon bonu in poti tatua oyúon in kuyon buḷawan inta binonuan in manna, tungkud i Harun inta ain nomoḻimping, bo batu doyowa inta pinomaisan kon parenta i Allah inta mopuḷú.

WAHYU 8:3

Tobatú malaekat ibanea inta nodia kon pototubáan kon kamania inta pinomia nongkon buḷawan, namangoi bo sinimindog kon tayowon meja pogogukatan kon sosumba. Sia inogoian in kamania nobayong sin potakin kon sambayang mita in bayongan umat i Allah bo posumba doman kon meja pototuduan kon sosumba inta kon tayowon tampat pomomarentaan.