IḶUAIAN 3:8 - Alkitab Singog In Mongondow Masa In Tanaa

⁸ Tuamai moponag in Akuoi sin mayá mopoḷuat kon i monia nongkon kawasa intau in Mesir bo modia kon i monia ḷumuai nongkon butá tatua mopobayá in butá tobatú inta moḷuas. Butánea nooyúon bo mopia totok, tanaa mako pinogutunan in bangusa Kanaan, bangusa in Het, Amori, Peris, Hewi bo Yebus.

IḶUAIAN 3:8 ပူးပေါင်းရင်းမြစ်များ

KINOBAḺIAN 11:5

Dá ki Tuhan namangoidon sin moindoi kon kotá bo ḷangkeang inta pinosindog in intau.

KINOBAḺIAN 11:7

Maníka kita in momangoi bo mopotombauk in bahasa monia sinbá diádon mosia mosimangaḻean kon singog in tobatú bo tobatú.”

KINOBAḺIAN 15:13

Ki Tuhan noguman kon inia, “Pokotorop, buímu in mobaḻí intau ango-angoi kon butá intau; mosia in mobaḻí ata kon tua bo tonggataan kon bonu in opat nogatut notaong in koonggotnea.

KINOBAḺIAN 15:14

Táe bangusa inta mononggata kon buímu tua in hukumon-Ku bo kon tungkuḷ in buímu monaḷámai kon butá tatua, mosia in modia kon kapunyaan moantó.

KINOBAḺIAN 18:21

Tuamai Akuoi in mayá intua sin moindoi mongo totuu ande diá in bayongan inta pinonapud monia inta kinodongogan-Ku tua.”

KINOBAḺIAN 43:11

Dá ki amá monia in noguman, “Aka totuu kon natuabí, dá podiadon kon boyó inta totok in mopira kon butá naton naa, bonudon kon karong monimu baḻíon tombuinag kon i gubernur tatua: Taḷong, biluk, pododungú mita, bungai in boyaau bo bungai in badam.

KINOBAḺIAN 46:4

Takinan-Ku iko mayá in Mesir, bo bui modia mangoi kon buímu mobui mangoi kon butá tanaa. Bo ki Yusup in mogompigbí kon inimu aka wakutumudon.”

KINOBAḺIAN 50:24

Gumannea kon i utatnea mita, “Wakutuku matoi nodiugdon, táe ki Allah pastibí kon umuranbí moḷukad kon i monimu bo modia kon i monimu ḷumuai nongkon butá tanaa, bo mayá in butá inta ain pinodandi-Nea takin nongibot kon i Abraham, kon i Ishak bo kon i Yakub.”

TAWARIKH 1 1:15

Hewi, Arki, Sini,

NEHEMIA 9:8

Nouḻí-Mu in sia umuran mosatia kon ini-Mu bo motoindudui. Bo inaidan-Mu takinnea in dodandian inta moroton. Butá in Kanaan, Het bo Amori, butá in Peris, Yebus bo Girgasi, tua komintan in ogoi-Mu kon inia; mobaḻí pogogutunan in bayongan buínea. Noiduduimai inintompodan-Mu in dandi tatua kon inia, sin Iko in moadil bo mosatia.

MAZMUR 12:5

inta moguman, “Kami in mongawasa takin dilá nami! Onukabí motaaubí singogon nami, bo diábí in mokoḷamboi!”

MAZMUR 12:6

Guman i Tuhan, “Intau nobiag nobogá doroton bo intau mororiga mogamui. Dá tanaa doman Akuoi in namangoi mobogoi in kobiagan moodom inta kinoibog monia.”

MAZMUR 34:8

Malaekat i Tuhan in moḷukad kon intau inta mopirisaya, bo mopoḷuat kon i monia nongkon anib.

MAZMUR 91:15

Aka sia bo mokuani kon i-Nakó, Tubagan-Kubí. Kon tungkuḷ in koantugan in susa, tuḷungan-Kubí in sia; sia in popaḷuputon-Kubí bo ogoian-Ku in kahoromatan.

IḶUAIAN 12:41

Kon singgai imbuit in taong 430 tua, bayongan umat i Tuhan nonaḷámaidon kon butá in Mesir.

IḶUAIAN 12:51

Kon singgai tatua ki Tuhan nodia kon bayongan umat Israel iḻumuai nongkon Mesir.

IḶUAIAN 13:5

Takin nongibot ki Tuhan nodandi kon mogoguyangmu kon Sia in moposarakan in butá in bangusa Kanaan, Het, Amori, Hewi bo Yebus. Naonda in ki Tuhan modia kon i monimu mayá in butá inta mopia totok bo noḷumbá tua, pomuḷoi in taong kon bonu in buḷan Abib, moiko in musti mogaid kon upacara tanaa.

IḶUAIAN 3:17

Bo sinantú-Kudon kon mosia in diaan-Kudon ḷumuai nongkon Mesir, tampat inta pinononggataan kon i monia, bo mogatod kon i monia mayá in butá tobatú inta nooyúon bo mopia totok, butá in bangusa Kanaan, bangusa Het, Amori, Peris, Hewi bo Yebus.

IḶUAIAN 34:11

Duduiaidon in hukum mita inta inogoi-Ku kon inimu singgai naa. Akuoi in moguntundon kon bangusa Amori, Kanaan, Het, Peris, Hewi bo Yebus kon dodai in moiko mayá moparang.

IḶUAIAN 5:23

Pinangkoi akuoi namangoi kon tayowon i datu bo nosingog pinodoyon kon tangoi-Mu, yo ki datu totokdon in momogutú kon bangusa tanaa. Bo Iko tongá doman kibio-biómai, diábí motuḷung kon i monia.”

YESAYA 36:17

modapot in moiko pampingonku kon ḻipú tobatú inta notombatangan in ḻipúmu tontaní. Kon tua oyúon in gobá in anggur inta mopomungai in anggur kon inimu, bo gobá in gandum inta mobogoi in topong baḻíon kaanonmu.

YESAYA 64:1

Berakdon in ḷangit bo poponagdon, o Tuhan, baḻídon in buḷud mita modandú kon tayowon-Mu,

YEREMIA 11:5

Aka mosia mogaid kon bayongan intua, Akuoi in mogintompodbí kon dandi-Ku kon mogoguyang monia kon butá inta mopia bo nooyúon, inta tanaa inutunan monia tua, in ogoi-Ku kon i monia.” Akuoi in notubag, “Mopia, Tuhan.”

YEREMIA 2:7

Mayá in butá inta mopia inatod-Ku in mosia sin mokaan kon bungai mita in pinomuḷa bo bayongan in inta mopia kon tua. Táe kon tua butá-Ku in pinonajisdon monia bo kapunyaan-Ku in binaḻí monia mokorongó.

YEREMIA 32:22

Butá inta mopia bo motobai naa inogoi-Mu kon i monia ná inta ain pinodandi-Mu kon mogoguyang monia.

YEHEZKIEL 20:6

Kon dodai intua Akuoi in mongibot kon modia kon i monia ḷumuai nongkon Mesir bo mayá in butá inta piniḻí-Ku ogoi kon i monia. Butá tatua in nooyúon bo noḷumbá, butá inta totok in mopia kon sinangkub in dunia.

IMAMAT 20:24

Butá inta nooyúon bo mopia tatua aindon pinodandi-Ku kon i monimu, dá ogoi-Kubí intua mobaḻí kapunyaanmu. Akuoi in ki Tuhan Allahmu inta nopotondí kon i monimu nongkon bangusa mita ibanea.

AMOS 2:10

Moiko in dinia-Kudon iḻumuai nongkon Mesir, bo dinia-Ku nongin rawang in bungaion opat nopuḷú notaong in koonggotnea. Butá in intau in Amori ain inogoi-Ku kon inimu nobaḻí butámu tontaní.

PINOGIAPAN 13:18

Taridiaidon mongo naonda in kaadaan butá tatua, indoiai mongo nobarong andeka noyakag in intau nogutun kon tua, moropot mongo noyangkó.

PINOGIAPAN 13:19

Taridiaidon doman mongo mopia andeka diá in butá tatua, bo indoiai doman mongo intau mita kon tua nogutun kon ḻipú mita inta diá dininding andeka kon bonu in kotá mita inta iḻibu dininding in tondok.

PINOGIAPAN 13:27

Guman monia kon i Musa, “Ain sinaridi nami in butá tatua bo inontongdon nami kon butá tatua in nooyúon bo mopia totok, bo naa in topiḻik bungai in pinomuḷa nongkon tua.

YOHANES 3:13

Diábí in tobatúmai intau inta nokoimontandon namonik in soroga, koḻikudbí in Sia inta ain noponag kon dunia naa, Sia tuata in ki Adí Intau.

YOHANES 6:38

Sin Akuoi in namangoi nongkon soroga deemanbí mamangoi mogaid kon onu inta kinoibog-Ku tontaní, táe mogaidbí kon inta kinoibog-Nea inta nopotabá kon i-Nakó.

ULANGAN 1:25

Noiduduimai kon tua mosia nobuidon mangoi kon i naton kodia-dia in bungai in ayop inta ginamá monia kon tua bo nopotaau kon butá inta ogoi i Tuhan Allah naton tua in totokbí in mopia.

ULANGAN 1:7

Tanaa kokaidon in ḷoḷaiganmu bo bayádon kon buḷud in intau Amori bo kon bayongan in butá inta kon diugneamai, tuata in Ḷopá in Yordan, butá inta notombuḷud bo inta nooyuk, butá inta kon dotá in toḷatan bo pintad in Dagat Toyuak. Bayádon ḻitúai in butá in Kanaan bo Buḷud in Libanon modapot kon ongkag moḷoben in Eprat.

ULANGAN 27:3

Paisdon kon batu mita tatua in bayongan tosingogon nongkon hukum mita tanaa. Aka moiko tumuotdon kon butá inta nooyúon bo mopia inta pinodandi i Tuhan, Allah in mogoguyangmu kon inimu,

ULANGAN 28:11

Moiko in ogoianbí in adí mobayong. Bobiagonmu in mobaḻíbí mobayong bo bungai in boyó kon butámu in mobarongbí totok kon butá inta pinodandi i Tuhan kon mogoguyangmu kon ogoi kon inimu.

ULANGAN 6:3

Tuamai indongogaidon utat mita, pokosatiadon in mogaid kon tua, sinbá mopia in kobiagan monimu bo mobaḻí bangusa inta moḷoben kon butá inta nooyúon bo inta mopia, ná inta pinodandi i Tuhan Allah in mogoguyang naton.

ULANGAN 7:1

“Ki Tuhan Allahmu in modiabí kon i monimu mayá in butá inta bain pogutunan monimu, bo mobayongbí in bangusa inta poguntunon-Nea nongkon tua. Koonto-ontongmubí in Sia moguntun kon pitu in bangusa inta moḷobe-ḷoben bo moropo-ropot nongkon i monimu, tuata in intau mita in Het, Girgasi, Amori, Kanaan, Peris, Hewi bo Yebus.

YOSUA 9:1

Habar kinountungan in Israel noihabardon magí-mako noidapot kon bayongan in datu inta kon dotá in toyopan kon Ongkag in Yordan – kon buḷud, kon sipangkoion in buḷud, bo kon rata inta kinoouput in pintad in Dagat Toyuak nodapot in kinoyoyayú in Buḷud in Libanon kon dotá in Utuan; tuata in datu mita in Het, Amori, Kanaan, Peris, Hewi, bo Yebus.

YOSUA 9:7

Táe intau mita in Israel noguman, “Onubí in mangaḻenea kami momia kon dodandian takin i monimu? Degá bo moiko nion in tongábí nogutun kon nodiugmai mita kon naa!”