IḶUAIAN 3:7 - Alkitab Singog In Mongondow Masa In Tanaa

⁷ Bo ki Tuhan noguman, “Inontong-Kudon in roriga in umat-Ku kon Mesir, bo dinongog-Ku domandon in mosia mopoigum sin poḷúat nongkon pinononggataan kon i monia. Ain bidon kinotaauan-Ku in roriga monia.

IḶUAIAN 3:7 ပူးပေါင်းရင်းမြစ်များ

KINOBAḺIAN 16:11

Diádon moonggot bo iko in mopononggadí in adí ḷoḷaki tobatú; tangoiaidon in sia ki Ismael, sin dinongogdon i Tuhan in ombaḷmu.

KINOBAḺIAN 18:21

Tuamai Akuoi in mayá intua sin moindoi mongo totuu ande diá in bayongan inta pinonapud monia inta kinodongogan-Ku tua.”

KINOBAḺIAN 21:17

Ki Allah in nokodongog kon ombaḷ i Ismael, bo malaekat i Allah in noguman kon i Hagar nongkon ḷangit, kainia, “Onu in mokorobonoḷ kon dodobmu, Hagar? Dikadon moondok. Dinongogdon i Allah in ombaḷ i adímu.

KINOBAḺIAN 29:32

Ki Lea in sidiadon bo nopononggadídon in adí ḷoḷaki tobatú. Gumannea, “Ki Tuhan ain noindoi kon rorigaku, bo tanaa ki buḷoiku in motabidon kon inakó.” Bo sinangoianneadon in adí tatua ki Ruben.

KINOBAḺIAN 31:12

Malaekat tatua noguman bui, ‘Indoiai, komintan bembé koḷakian inta koyogot mobuḷoi tatua batangannea noloreng, notudi-tudik bo nobaḷang. Sinuod-Kubí inaidan intua kon inimu sin ain inontongku in bayongan inta inaidan i Laban kon inimu.

KINOBAḺIAN 31:42

Aka kuma bo akuoi diá iḷukadan i Allah in mogoguyangku, ki Allah inta sinumba i Abraham bo i Ishak, dá tantú akuoi ain bidon pinotabámu minayá takin diá nodia kon onu bo onu. Táe ki Allah ain noindoi kon rorigaku bo oaidan inta ain inaidanku, bo kogobíi Sia ain nobogoi in kaputusan-Nea.”

SAMUEL 2 22:28

Intau inta moompá in dodia posaḷamaton-Mu; táe intau inta mokaḷakuang potungkudon-Mu.

DATU MITA 2 13:4

Bo ki Yoahas in nosambayang kon i Tuhan, bo inindongogan i Tuhan in sambayang tatua, sin ki Tuhan in nokoontong kon moromúdon totok in pinonondorot i datu in Siria kon intau in Israel.

DATU MITA 2 20:5

buipa bayá kon i Hizkia, datu in umat i Tuhan, bo potaau in koyow tanaa, “Akuoi, ki Tuhan, Allah inta sinumba i Daud mogoguyangmu, ain nokodongog kon sambayangmu bo nokoontongdon kon ḷuámu. Undaman-Kudon in iko; toumá in iko in mayádon kon Baḷoi-Ku.

NEHEMIA 9:9

Inindoian-Mu in roriga in mogoguyang nami kon tungkuḷ intua; Inindongogan-Mu in ombaḷnea kon Mesir bo kon Dagat in Teberau.

MAZMUR 106:44

Táe ki Tuhan in nokidongog kon karak monia, Sia in nonaridi kon susa monia.

MAZMUR 12:6

Guman i Tuhan, “Intau nobiag nobogá doroton bo intau mororiga mogamui. Dá tanaa doman Akuoi in namangoi mobogoi in kobiagan moodom inta kinoibog monia.”

MAZMUR 142:3

Kon tayowon-Nea akuoi nogamui; pinotaauku in bayongan susaku kon i-Nia.

MAZMUR 145:19

Sia in mopoḷungangabí in gina in intau inta motoguondok; Indongogan-Neabí in kuani monia bo moposaḷamat kon i monia.

MAZMUR 22:24

Dayowdon in sia, ei intau mita inta mopirisaya! Pomuliadon in Sia, bayongan bui i Yakub! Tonsiupdon kon i-Nia, bayongan in buí in Israel!

MAZMUR 34:4

Poḷantudon in ki Tuhan takinku, igai moyotakin mopomulia kon tangoi-Nea.

MAZMUR 34:6

Intau dinorot nongamang kon i-Nia bo mopia in gina, diábí in dodoyonan monia kon mooyá.

MAZMUR 35:22

Táe Iko, Tuhan, ain nokoontong kon tua; dikabí kaasí tongá kibio-biómai, o Tuhan, dikabí mokopoyayú kon inakó.

MAZMUR 9:14

Indoiaidon kaasí, musung mopororiga kon inakó; kotabipa kaasí in akuoi o Tuhan, popoḷaguipa in akuoi nongkon popatoi,

IḶUAIAN 1:11

Dá intau mita in Mesir nomiḻídon kon intau mita nobaḻí toimata kon intau mita Israel sin moposaged kon kobobiag monia takin momakisa totok kon i monia mogaid. Mosia in pinakisa moposindog kon i datu in kotá mita Pitom bo Raamses sin baḻíon tampat potagúan kon barang mita.

IḶUAIAN 1:8

Noiduduimai kon tua datu mobagu tobatú inta diá nonotaau kon i Yusup in nomarenta kon Mesir.

IḶUAIAN 22:23

Aka moiko momia kon moraat kon i monia, yo Akuoi, ki Tuhan in mokidongog kon i monia aka mosia mokuani mokituḷung kon i-Nakó.

IḶUAIAN 33:13

Aka natua, dá potaaudon kon inakó onu in tomayá-Mu, Tuhan, sinbá akuoi in motaau mogaid kon oaidan-Mu bo umuran moposanang kon gina-Mu. Torop domandon kon bangusa tanaa ain piniḻí-Mu nobaḻí kapunyaan-Mu.”

IḶUAIAN 5:10

Moḷoḷukad mita in bangusa Mesir bo mandor mita Israel tatua iḻumuai bo noguman kon intau mita Israel, “Datu in nomarenta sinbá moiko in diádon ogoian in wawa.

IḶUAIAN 5:6

Singgaipa doman tatua moḷoḷukad mita in bangusa Mesir bo mandor mita intau Israel nokouḻí kon parenta nongkon i datu,

YESAYA 63:9

Sia tontaní in kinoantugan in roriga monia. Ki Tuhan in diábí nopotabá in totabá andeka duta; Siabí tontaní inta nopoḷuat kon i monia popisí in tabi bo totabi-Nea. Sia in umuranbí momiag kon i monia nongkon tungkuḷpabímai.

PINOGIAPAN 20:16

bo kami nokuani kon i Tuhan mokituḷung. Inindongogan i Tuhan in kuani nami tatua bo poḷat nopotabá in malaekat tobatú. Malaekat tatua nodia kon i nami iḻumuai nongkon butá in Mesir. Tanaa kami kon Kadesdon, tobatú kotá inta noyosigad in butá inta kon bonu in kawasa i Tuangku.

OUMAN IN RASUL MITA 7:34

Inontong-Kudon bo umuran-Kudon sinaridimai in roriga in umat-Ku kon Mesir. Dinongog-Kudon in amui monia, dá moponag in Akuoi bo mopoḷuat kon i monia. Tanaa, koḻigai! Potabá-Kudon bui in iko mayá in Mesir.’

IBRANI 4:15

Imang Moḷoben naton tua in deemanbí imang inta diá umuran kotaki-takin mokorasa kon yoyiga mita naton. Sia ain sinoba kon bayongan yagi-yagi ná doman kita naa; táe diá in Sia nogaid kon dosa!

SAMUEL 1 9:16

“Ikoḷom doḷo-doḷom degá orasmai nanaa, Akuoi in mopotabádon mangoi kon intau tobatú nongkon suku Benyamin mamangoi kon inimu. Duídon in sia takin upacara popotoguḷuan in ḷana sin baḻíon datu kon umat-Ku Israel. Sia in moposaḷamat kon umat-Ku nongkon intau in Pilistin. Akuoi in nokoontongdon kon roriga in umat-Ku bo nokodongogdon kon ombaḷ monia mokituḷung.”