IḶUAIAN 3:6 - Alkitab Singog In Mongondow Masa In Tanaa

⁶ Akuoi naa ki Allah in mogoguyangmu, ki Allah i Abraham, i Ishak bo i Yakub.” Dá ki Musa in nogoḻingoi kon pogotnea, sin moondok in sia moindoi kon i Allah.

IḶUAIAN 3:6 ပူးပေါင်းရင်းမြစ်များ

KINOBAḺIAN 12:1

Ki Tuhan noguman kon i Abram, “Taḷaaidon in butámu, ginaḷummu bo baḷoi i amámu, bo bayádon kon butá inta bain tundúon-Ku kon inimu.

KINOBAḺIAN 12:7

Ki Tuhan nokipogontong kon i Abram bo noguman kon inia, “Tanaa in butá inta ogoi-Ku kon buímu.” Bo ki Abram noposindog in tobatú mezbah kon tua sin posumbaan kon i Tuhan inta ain nokipogontong kon inia.

KINOBAḺIAN 17:3

Bo dinumokódon in ki Abram, bo ki Allah in noguman kon inia,

KINOBAḺIAN 24:12

Bo bobantung tatua in nosambayang, “Tuhan, ki Allah i tuangku Abraham, tuḷungaidon sinbá onu in pinoki aid kon inakó kodapotankudon in singgai naa; kotabipa in ki tuangku ki Abraham.

KINOBAḺIAN 26:24

Kon doḷom tua ki Tuhan nokipogontong kon inia bo noguman, “Akuoibí naa in ki Allah i amámu ki Abraham. Dika moondok; Akuoi in mogoḻiung kon inimu. Barakatan-Ku in iko bo ogoian-Ku iko in buí inta mobarong podudui in dandi-Ku kon bobantung-Ku ki Abraham.”

KINOBAḺIAN 28:13

Bo kon diugneamai sinimindogdon in ki Tuhan bo noguman, “Akuoi naa in ki Tuhan, Allah inta sinumba i Abraham bo i Ishak. Akuoi in mobogoi kon inimu bo kon buímu in butá tampat inta pinosiuganmu tanaa.

KINOBAḺIAN 28:17

Sia inagíandon in ondok bo noguman, “Totokbí in mokoondok in tampat tanaa! Pastibí kon tanaa in baḷoi i Allah, ngara in soroga.”

KINOBAḺIAN 31:42

Aka kuma bo akuoi diá iḷukadan i Allah in mogoguyangku, ki Allah inta sinumba i Abraham bo i Ishak, dá tantú akuoi ain bidon pinotabámu minayá takin diá nodia kon onu bo onu. Táe ki Allah ain noindoi kon rorigaku bo oaidan inta ain inaidanku, bo kogobíi Sia ain nobogoi in kaputusan-Nea.”

KINOBAḺIAN 32:9

Onda intua ki Yakub in nosambayang, “O Allah, inta sinumba i akiku ki Abraham, bo i amáku ki Ishak, indongogaipa in akuoi! Ki Tuhan ain nopotabá kon inakó mobui kon butáku bo kon ginaḷumku. Bo ki Tuhan nodandi kon monompia kon inakó.

DATU MITA IMITÁNEA 18:36

Naonda in orasdon moposumba in kuruban ḷoḷabungnea, ki Nabi Elia in dinimiug kon mezbah tatua bo nosambayang, “Oo Tuhan, Allah inta sinumba i Abraham, i Ishak bo i Yakub, poniatadon in tanaa mako kon Ikobí in Allah kon Israel, bo akuoi naa in mogogundoi-Mu. Poniatadon doman kon bayongan inta pinomiaku naa in parenta-Mubí.

DATU MITA IMITÁNEA 19:13

Naonda in kinodongogan i Elia in singog tatua, inoḻingoiannea in jubah in pogotnea, bo iḻumuai bo sinimindog kon bibig in angob tatua. Dá kinodongogandon in tosingogon noguman, “Elia, onu in aidanmu kon naa?”

NEHEMIA 9:9

Inindoian-Mu in roriga in mogoguyang nami kon tungkuḷ intua; Inindongogan-Mu in ombaḷnea kon Mesir bo kon Dagat in Teberau.

ESTER 3:4

bo pomuḷoi in singgai mosia in momakisa kon inia sinbá dumuduidon kon parenta tatua, táe sia in doíbí mokidongog. Gumannea, “Akuoi in intau in Yahudi; akuoi in diábí motaau in tumungkud kon tayowon in intau.” Bo mosia nopotaau intua kon i Haman sin mosia in moibog monotaau mongo onu in popoaid i Haman kon i Mordekhai.

MAZMUR 132:2

Dikabí kaasí koḻiongan in sumbanea kon ini-Mu Tuhan, bo dandinea kon ini-Mu Inta Totok in moropot, Allah i Yakub.

IḶUAIAN 15:2

Ki Tuhan mototuḷungku inta moropot; Sia inta ain noposaḷamat kon inakó. Sia in ki Allahku, dayowonku in Sia, ki Allah sosumbaan in mogoguyangku, poḷantudonku in Sia.

IḶUAIAN 29:45

Akuoi in mogutun kon yua-yuak in intau Israel, bo mobaḻí ki Allah monia.

IḶUAIAN 3:16

Bayá bo sipundon komintan in itoi mita Israel. Potaaudon kon i monia kon Akuoi, ki Tuhan, Allah in mogoguyang monia, Allah i Abraham, i Ishak bo i Yakub, aindon nokipogontong kon inimu. Potaau kon i monia kon Akuoi ain namangoi kon i monia bo ain nokoontong kon naonda in pinogogaid in bangusa Mesir kon i monia.

IḶUAIAN 33:20

Pogot-Ku in diábí poontong-Ku kon inimu, sin diábí motaau intau in mokoontong kon i-Nakó, bo umuran mobiag.

IḶUAIAN 4:5

Guman i Tuhan, “Aidaidon in natua sinbá intau mita Israel mopirisaya kon Akuoi, ki Tuhan, Allah in mogoguyang monia, ki Allah i Abraham, i Ishak bo Yakub, aindon nokipogontong kon inimu.”

YEREMIA 24:7

Akuoi in mobogoibí kon i monia in ibog sinbá momangaḻe kon Akuoibí in Tuhan. Dá mosia in mobaḻídon umat-Ku, bo Akuoi in mobaḻí Allah monia, popisí in mosia mobuidon mangoi kon i-Nakó takin ḻimbatú in gina.

YEREMIA 31:33

Naa in dodandian mobagu inta bain pomiaan-Ku takin umat in Israel: Hukum-Ku mita in tagúon-Ku kon bonu in gina monia, bo paison-Ku kon gina monia. Akuoi in mobaḻí Allah monia, bo mosia in mobaḻí umat-Ku.

YEREMIA 32:38

Mosia in mobaḻí umat-Ku bo Akuoi in mobaḻí Allah monia.

YEHEZKIEL 11:20

Dá mosia in dumuduidon kon atorang-Ku mita bo mosatia in dumudui kon bayongan in parenta-Ku. Mosia in mobaḻí umat-Ku bo Akuoi in mobaḻí ki Allah monia.

ZAKHARIA 8:8

bo modia bui kon i monia nongkon pomukaan bo nongkon toyopan, dá mosia in mogutun kon Yerusalem bui. Mosia in mobaḻí umat-Ku bo Akuoi in ki Allah monia. Akuoi in momarenta kon i monia takin satia bo moadil.”

MATIUS 17:6

Nokodongog kon tua nongoitungkud in murí-Nea mita, bo totokdon inangoian in ondok in mosia.

MATIUS 22:32

‘Akuoi in ki Allah i Abraham, ki Allah i Ishak bo ki Allah i Yakub.’ Sia deemanbí ki Allah in intau minatoi, táe ki Allah in intau nobiag!”

MARKUS 12:26

Bo soaḷ intau minatoi mobiag bui, degá diápa kinobacaan monimu kon bonu in buk i Musa soaḷ díat inta nodokot tua? Kon bonu in tontagá mita tatua pinais kon ki Allah in noguman kon i Musa, ‘Akuoibí naa in ki Allah i Abraham, i Ishak bo i Yakub.’

LUKAS 20:37

Ki Musa tontaní aindon noguman kon intau minatoi in totu-totuubí kon biagon bui. Tua in pinaisnea kon Buk Motusi inta nongonguman kon onu in inontongnea kon yua-yuak in díat. Kon tua in ki Tuhan sinangoinea, ‘Ki Allah i Abraham, i Ishak bo i Yakub.’

LUKAS 5:8

Nokoontongmai kon natua in ki Simon inta dinonoi ki Petrus, sinumungkud in Sia kon tayowonmai i Yesus bo noguman, “Taḷaaidon in akuoi naa Tuhan! Sin akuoi naa intaubí baradosa!”

OUMAN IN RASUL MITA 7:32

‘Akuoi naa in ki Allah in mogoguyangmu; Akuoi naa in ki Allah i Abraham, i Ishak bo i Yakub.’ Ki Musa in inumurot bo totok in inagían ondok dá diádon in sia nokobaḻí inimindoi bui kon dokot inta iḷumuai kon yua-yuak in díat tatua.

OUMAN IN RASUL MITA 7:34

Inontong-Kudon bo umuran-Kudon sinaridimai in roriga in umat-Ku kon Mesir. Dinongog-Kudon in amui monia, dá moponag in Akuoi bo mopoḷuat kon i monia. Tanaa, koḻigai! Potabá-Kudon bui in iko mayá in Mesir.’

ULANGAN 6:3

Tuamai indongogaidon utat mita, pokosatiadon in mogaid kon tua, sinbá mopia in kobiagan monimu bo mobaḻí bangusa inta moḷoben kon butá inta nooyúon bo inta mopia, ná inta pinodandi i Tuhan Allah in mogoguyang naton.

IBRANI 11:16

Táe noniata magí inta kinotanoban monia tua in tobatúbí butá inta totok mopia, tuata in butá inta kon soroga. Manangka intua diábí mooyá in ki Allah tangoion ki Allah monia, sin pinosadiaan bidon i Allah in mosia kon tobatú kotá.

IBRANI 12:21

Inta inontong in intau mita Israel tua in mokoondok totok dapot in ki Musa nosingog nanaa: “Moondok bo mouyot in akuoi!”

WAHYU 1:17

Naonda in akuoi nokoontong kon i-Nia, akuoi noitungkud kon tayowon-Nea naonda bo intau minatoi. Táe ḻima-Nea koḷanan in noyapu kon inakó bo poḷat noguman kon inakó, “Dika moondok! Akuoi naa in ki Inta Totok Muna-munamai bo ki Inta Pangabisan.

HAKIM MITA 13:22

Bo ki Manoah in noguman kon i buḷoinea, “Matoidon in kita sin kita in nokoontongdon kon i Allah!”