IḶUAIAN 3:21 - Alkitab Singog In Mongondow Masa In Tanaa

²¹ Baḻíon-Ku intau Mesir mopia in gina kon i monimu, dá aka moiko mobuatdon, moiko in diábí mayá takin kaḷo-kaḷoi.

IḶUAIAN 3:21 ပူးပေါင်းရင်းမြစ်များ

KINOBAḺIAN 15:14

Táe bangusa inta mononggata kon buímu tua in hukumon-Ku bo kon tungkuḷ in buímu monaḷámai kon butá tatua, mosia in modia kon kapunyaan moantó.

KINOBAḺIAN 39:21

Táe ki Tuhan notuḷung kon i Yusup bo umuran motabi kon inia, dapot in itoi in ponjara motabi kon inia.

DATU MITA IMITÁNEA 8:50

Ampungaidon in bayongan dosa bo aid monia inta moraat kon ini-Mu, bo baḻídon in musung mita monia mopoaid in mopia kon i monia.

NEHEMIA 1:11

Indongogaipa in sambayangku bo sambayang in bayongan mogogundoi-Mu mita ibanea, inta moibog mohoromat kon ini-Mu. Tuḷungaipa sinbá kon singgai in naa mogogundoi-Mu in mokouḻídon kon totabi nongkon i datu.” Kon dodai intua akuoi in mopoposadia in oinumon i datu.

MAZMUR 105:37

Onda intua bangusa in Israel inatod-Nea iḻumuai, mosia in nodia kon buḷawan bo saḷaka; komintan nosehat bo noropot.

MAZMUR 106:46

Binaḻí-Nea in mosia kinotabi in bayongan in intau inta nodakop kon i monia.

IḶUAIAN 11:2

Tuamai pongongumandon takin bangusa Israel; potabádon in mosia moigum kon ḷambá mita buḷawan bo saḷaka nongkon topodiugmai monia.”

IḶUAIAN 11:3

Binaḻídon i Tuhan in intau mita in Mesir mopia in gina kon intau Israel. Bo ki Musa nobaḻí intau inta totok in kinobangkaḷ in pogawai mita bo rayat in Mesir.

IḶUAIAN 12:35

Inaidan doman monia onu inta pinoguman i Musa, mosia noigum kon ḷambá buḷawan bo saḷaka takin pakeang mita kon intau in Mesir.

IḶUAIAN 12:36

Binaḻídon i Tuhan in intau mita in Mesir mopia in gina kon intau Israel, dá mosia nobogoi kon onu inta pinoigum monia. Pinongin natua intau Israel nodia kon kaoyúonan intau in Mesir iḻumuai nongkon butá tatua.

AMSAL 16:7

Aka iko mokosanang kon gina i Tuhan, musungmu mita in baḻíon-Neabí yobayat.

OUMAN IN RASUL MITA 7:10

bo pinilatan i Allah in sia kon bayongan roriga bo inogoian in totabi bo pandoi wakutu in minayá kon tayowon i Piraun datu intau in Mesir tua, sahingga in binaḻí i Piraun gubernur kon butá in Mesir bo nongawasa kon bonu in komaḻig i Piraun.

ULANGAN 15:13

Ata inta pinoḷuatdon tatua diábí motaau in pomayá mako mayá takin diá kodia-dia in onu bo onu.