IḶUAIAN 3:18 - Alkitab Singog In Mongondow Masa In Tanaa

¹⁸ Umat-Ku in mokidongogbí kon tosingogonmu mita. Moiduduimai kon tua iko moyotakin in itoi mita Israel musti mayá tumayow kon i datu in Mesir bo moguman kon inia: ‘Tuhan, ki Allah intau Ibrani aindon namangoi nokipogontong kon inami. Tanaa ogoiaidon in wakutu kami mayá inta koyayúnea in toḷu nosinggai in bayáan mopobayá in padang gurun sin moposumba in kuruban kon i Tuhan, ki Allah nami.’ ”

IḶUAIAN 3:18 ပူးပေါင်းရင်းမြစ်များ

KINOBAḺIAN 12:1

Ki Tuhan noguman kon i Abram, “Taḷaaidon in butámu, ginaḷummu bo baḷoi i amámu, bo bayádon kon butá inta bain tundúon-Ku kon inimu.

KINOBAḺIAN 14:13

Táe intau tobatú inta nokoḷagui minayá nopotaau in bayongan inta nobaḻí tatua kon i Abram, intau Ibrani tatua. Ki Abram in nogutun kon diug in pangkoi mita in kayu karamat tampat pososumbaan kapunyaan i Mamre, intau in Amori. Ki Mamre bo ki utatnea mita, inta ki Eskol bo ki Aner in yobayat mita i Abram inta notobatúnea doman.

KINOBAḺIAN 15:1

Nopaḷut mako kon tua, ki Abram nokoontong kon oontongon bo nokodongog kon i Tuhan noguman kon inia, “Dika moondok, Abram, ḷukadan-Kubí in iko nongkon bodito, bo moḷoben totok tondan in pinogaidanmu in ogoi-Ku kon inimu.”

KINOBAḺIAN 17:1

Kon tungkuḷ in ki Abram umur siow nopuḷú bo siow notaong, ki Tuhan nokipogontong kon inia bo poḷat noguman, “Akuoi in ki Allah Inta Totok in Mokawasa. Kobiagdon kon tayowon-Ku takin kodu-kodudui kon onu inta kinoibog-Ku.

KINOBAḺIAN 48:3

Ki Yakub in noguman kon i Yusup, “Ki Allah Inta Totok in mokawasa ain nokipogontong kon inakó kon Lus, kon butá in Kanaan, bo ain nomarakat kon inakó.”

TAWARIKH 2 30:12

Kon Yohuda ki Allah in nogaid doman bo noponobatú kon gina in rayat sinbá totu-totuu motoindudui kon ibog i Allah pongin dumudui kon parenta i datu bo in pogawainea mita.

MAZMUR 110:3

Kon singgai iko mamangoi takin kawasa, kon buḷud inta motusi, rayatmu in mayá takin ibog tontaní. Naonda bo oḷú doḷo-doḷom, tayowmobiag mita mamangoi kon inimu.

IḶUAIAN 10:3

Dá ki Musa bo ki Harun minayá nokipodungkuḷ kon i datu bo noguman kon inia, “Ki Tuhan, Allah in bangusa Ibrani, noguman, ‘Dapot in toonu iko doí tumungkud kon i-Nakó? Pomayádon mako in umat-Ku mayá, sinbá mosia in motaau mayá moibada kon i-Nakó.

IḶUAIAN 17:5

Guman i Tuhan kon i Musa, “Oinídon in tongonumai itoi intau Israel bo bayádon poyotakin monia umuna kon bangusa tatua. Dia doman in tungkud inta pinakému pinomobak kon Ongkag in Nil.

IḶUAIAN 19:1

Nopaḷut mako kon tua bangusa Israel nonaḷámai kon Rapidim, bo kon tanggal tobatú buḷan nogintoḷu naonda in mosia nonaḷámai kon Mesir, nodapotdon in mosia kon padang gurun Sinai. Mosia in nononḷoḷaigan kon sioḷmai in Buḷud Sinai,

IḶUAIAN 25:22

Kon tampat tatua Akuoi moyodungkuḷmu, bo nongkon ḻimonik in taḷobnea, kon sigad in kerub doyowa tatua, Akuoi mobogoi in hukum-Ku mita kon inimu bo potaaumudon kon bangusa Israel.”

IḶUAIAN 3:12

Ki Allah in notubag, “Akuoi in motuḷungbí kon inimu. Bo aka bangusa tatua diaanmudon ḷumuai nongkon Mesir, yo moiko in mosumbadon kon i-Nakó kon buḷud tanaa. Tuadon in mobaḻí tanda kon Akuoibí in nopotabá kon inimu.”

IḶUAIAN 3:16

Bayá bo sipundon komintan in itoi mita Israel. Potaaudon kon i monia kon Akuoi, ki Tuhan, Allah in mogoguyang monia, Allah i Abraham, i Ishak bo i Yakub, aindon nokipogontong kon inimu. Potaau kon i monia kon Akuoi ain namangoi kon i monia bo ain nokoontong kon naonda in pinogogaid in bangusa Mesir kon i monia.

IḶUAIAN 30:36

Tosilai in dupa tatua musti dodokon korumomokon. Diadon intua kon Ḷoḷaigan-Ku bo potabudon intua kon tayowon in Poti Dodandian. Dupa tatua in musti baḻíon barang motusi inta tongá tondíon kon i-Nakó. Dika momia kon dupa inta pakéon monimu potongkai in ná pomomia kon dupa tatua.

IḶUAIAN 30:6

Poukatdon in mezbah tatua kon dotá in ḷuai in toḻipoi inta kon tayowon in Poti Dodandian, kon tampat poyodungkuḷan-Ku takinmu.

IḶUAIAN 4:1

Bo ki Musa in noguman bui kon i Tuhan, “Táe naonda aka kuma bo intau mita in Israel doí mopirisaya bo diá doman mopandungmai kon tosingogonku mita? Onu in aidanku aka kuma bo mosia in moguman kon ki Tuhan in diábí nokipogontong kon inakó?”

IḶUAIAN 4:23

bo iko ain pinarentaan-Ku sinbá mobogoi kon i adí-Ku tatua mayá sinbá sia in motaaudon mosumba kon i-Nakó, táe diá inogoimu. Tanaa in Akuoi moḻimodon kon i adímu inta guya-guyang.’ ”

IḶUAIAN 4:24

Kon tampat tobatú pinonḷoḷaigan kon bonu in binayáan tatua, ki Tuhan namangoi kon i Musa sin moḻimod kon inia.

IḶUAIAN 4:31

Dá nopirisayadon in mosia, bo naonda in dinongog monia kon ki Tuhan ain noḷongow kon bangusa Israel bo noindoidon kon bayongan roriga monia, mosia in sinumungkud bo nosumba.

IḶUAIAN 5:1

Onda intua ki Musa bo ki Harun minayá kon tayowon i datu in Mesir bo noguman, “Nanaa in parenta i Tuhan, ki Allah Israel, ‘Ogoiaidon in kasampatan bangusa-Ku mayá sinbá mosia in motaau moibada kon i-Nakó kon padang gurun.’ ”

IḶUAIAN 5:3

Ki Musa bo ki Harun in noguman, “Ki Allah intau Ibrani ain nokipogontong kon inami. Ogoiaipa in kasampatan in kami mayá in padang gurun inta koyayúnea in toḷu nosinggai in bayáan sinbá motaau moposumba in kuruban kon i Tuhan, ki Allah nami. Aka kami diá mogaid kon tua, yo kami in ḻimodon-Nea in takit ande parang.”

IḶUAIAN 7:16

Pogumandon kon i datu tatua: Ki Tuhan, ki Allah intau Ibrani, nopotabá kon inakó sin mopotaau kon i Tuangku sinbá ogoimudon umat-Nea mayá mosumba kon i-Nia kon padang gurun. Táe umaain tanaa ki Tuangku doí mokidongog.

IḶUAIAN 8:1

Bo ki Tuhan noguman kon i Musa, “Bayádon kon tayowon i datu bo potaaudon kon inia in koyow-Ku tanaa: ‘Ogoidon in umat-Ku tua mayá sin moibada kon i-Nakó.

IḶUAIAN 8:20

Ki Tuhan noguman kon i Musa, “Bayádon in ikoḷom doḷo-doḷom mododop totok mokipodungkuḷ kon i datu kon dodai in sia moponag kon ongkag, bo potaaudon kon inia in tosingogon-Ku tanaa: ‘Ogoidon in umat-Ku mayá moibada kon i-Nakó.

IḶUAIAN 8:23

Pomiaan-Kubí moyoposi kon sigad in umat-Ku takin rayatmu. Onu inta mokoherang tatua mobaḻídon ikoḷom.’ ”

IḶUAIAN 9:1

Ki Tuhan noguman kon i Musa, “Bayádon pokipodungkuḷai in ki datu, bo pogumandon kon inia kon ki Tuhan, Allah intau Ibrani, noguman: ‘Pomayádon mako in umat-Ku mayá sinbá mosia motaau mosumba kon i-Nakó.

IḶUAIAN 9:13

Ki Tuhan noguman kon i Musa, “Ikoḷom doḷo-doḷompa totok iko bayádon pokipodungkuḷ kon i datu, bo potaaudon kon inia kon ki Tuhan, Allah intau Ibrani noguman: ‘Pomayápa mako in umat-Ku mayá sinbá mosia motaau moibada kon i-Nakó.

YESAYA 64:5

Iko in motomu kon intau inta motuḻid in gina bo inta nobiag podudui in ibog-Mu iko in sinumorú kon inami, táe kami in tantúbí nogaid kon dosa totuu kon nongkon dungkuḷpabímai kami in kotaḷá.

YEREMIA 2:2

nopotaau in koyow tanaa kon bayongan in intau kon Yerusalem, “Ei Israel, kinotoropan-Ku kon iko in totok in motoindudui kon tungkuḷ in iko noguodpa; totuu moḷoben in tabimu kon tungkuḷ in kita bagupa notonibuḷoi. Minayá in padang gurun in Akuoi dinuduianmu nongin butá inta diá sinompinomuḷaan.

YEREMIA 2:6

Akuoi in diádon pinandungmai; Akuoi, inta ain nokapit kon i monia kon daḷan, bo nodia kon i monia iḻumuai nongkon Mesir sinumaḻib kon rawang in bungaion, tampat inta diá in mobobiag inta nobayong in pobeukan, bo inta noingkag bo mokoanib doman – tampat inta diá inutunan bo diá bayáanmai!

YEREMIA 26:5

Moiko in musti doman mokidongog kon onu inta pinoguman in mogogundoi-Ku mita, in nabi mita inta umuran potabá-Ku mamangoi kon inimu. Táe moiko in doí mokidongog kon i monia.

PINOGIAPAN 17:4

Diadon in tungkud mita tatua kon Ḷoḷaigan-Ku, bo ukat kon tayowon in Poti Dodandian, kon tampat inta biasamai poyodungkuḷan-Ku takin imonimu.

YOSUA 1:17

Kami in mokopotoinduduibí kon inimu, ná doman kami umuran nokopotoindudui kon i Musa. Poigumon mako ki Tuhan Allahmu umuran kotaki-takinmu ná doman pinononakin-Nea kon i Musa!