IḶUAIAN 3:12 - Alkitab Singog In Mongondow Masa In Tanaa

¹² Ki Allah in notubag, “Akuoi in motuḷungbí kon inimu. Bo aka bangusa tatua diaanmudon ḷumuai nongkon Mesir, yo moiko in mosumbadon kon i-Nakó kon buḷud tanaa. Tuadon in mobaḻí tanda kon Akuoibí in nopotabá kon inimu.”

IḶUAIAN 3:12 ပူးပေါင်းရင်းမြစ်များ

KINOBAḺIAN 15:1

Nopaḷut mako kon tua, ki Abram nokoontong kon oontongon bo nokodongog kon i Tuhan noguman kon inia, “Dika moondok, Abram, ḷukadan-Kubí in iko nongkon bodito, bo moḷoben totok tondan in pinogaidanmu in ogoi-Ku kon inimu.”

KINOBAḺIAN 15:8

Táe ki Abram in noḻibó, “O, Tuhan Inta Totok in Moḷantud, naondabí in kototaauku kon butá tatua in mobaḻí kapunyaanku?”

KINOBAḺIAN 26:3

Akuoi in moḷukadbí bo momarakat kon inimu. Komintan butá tanaa in ogoi-Kubí kon inimu bo kon buímu. Intompodan-Kubí in dandi-Ku inta ain pinoguman-Ku kon i Abraham ki amámu.

KINOBAḺIAN 31:3

Bo ki Tuhan in noguman kon i Yakub, “Pobuidon kon butá i amámu bo kon i utat bo ginaḷummu. Akuoi in koyota-yotakinmubí.”

DATU MITA 2 19:29

Ki Yesaya in nokidia doman in koyow tanaa kon i Hizkia, “Naadon in mobaḻí tomponuot kon inimu. Taong tanaa bo taong moiduduimai intau in mokaanbí kon gandum inta nobiag tontaní. Táe mopaḷut mako kon tua mosia in motaaudon momuḷa kon gandum bo anggur bo poḷat mokaan kon bungai in boyónea.

TAWARIKH 1 9:20

Ki Pinehas adí i Eleazar – igumon mako ḷukadan i Tuhan in sia! – nokoimontan in nobaḻí tongguḷu monia.

MAZMUR 86:17

Ogoiaidon in akuoi in tomponuot in kopopia-Mu, o Tuhan, sinbá intau inta mondoí kon inakó angoian in oyá, aka mosia in mokoontong kon ini-Mu motuḷung bo moḻipoi kon inakó.

IḶUAIAN 18:5

Ki Yitro namangoi noyotakin i buḷoi Musa bo ki adínea doyowa minayá in padang gurun kon tampat pinonḷoḷaigan i Musa kon diug in buḷud motusi.

IḶUAIAN 3:1

Kon dodai intua ki Musa noḷukadmai kon domba bo bembé mita i Yitro, ki nunutonnea, inta imang kon butá in Midian. Kon dodai in sia koyogot nodia kon bobiagon mita tatua minayá kon ḻimako in padang gurun, nodapotdon in sia kon Buḷud in Sinai, buḷud inta motusi.

IḶUAIAN 3:13

Ki Musa in notubag, “Táe aka akuoi mayá mokipodungkuḷ kon intau mita Israel bo moguman kon i monia: ‘Ki Allah in mogoguyangmu nopotabádon kon inakó namangoi kon i monimu,’ yo tantú mosia in moḻibóbí, ‘Ki ine in tangoinea?’ Yo onu in potubagku kon i monia?”

IḶUAIAN 33:14

Ki Tuhan noguman, “Moiko in ḷukadan-Ku sinbá mokouḻí kon butá inta pinodandi-Ku.”

IḶUAIAN 4:12

Tanaa mako, bayádon, Akuoi in motuḷung kon inimu mosingog bo motundú kon onu inta musti pogumanmu.”

IḶUAIAN 4:15

Pongongumandon takinnea bo potaaudon kon inia onu inta musti singogonnea. Akuoi in motuḷungbí kon i namunda bo motundú kon onu in musti singogon bo aidan.

IḶUAIAN 8:27

Kami in mustibí mayá in padang gurun inta toḷu nosinggai kon bayáan in koyayúnea sin mayá moposumba in kuruban kon i Tuhan Allah nami, ná inta ain pinarenta-Nea kon inami.”

YESAYA 37:30

Ki Yesaya in nokidia doman in koyow tanaa kon i Hizkia, “Naa in inta mobaḻí tomponuot kon inimu. Taong tanaa bo taong moiduduimai intau in mokaanbí kon gandum inta mobiag tontaní. Táe mopaḷut mako kon tua mosia in motaaudon momuḷa kon gandum bo anggur bo poḷat mokaan kon bungainea.

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 43:2

Aka iko ḷumoḷan kon tubig yo takinan-Ku in iko, iko in diábí moḷomot kon bonu in rorigamu mita. Aka mongin tuḷú, diábí in iko mopokak, totungkuḷ mita inta mobogat in diábí mokobodito kon inimu.

YESAYA 7:14

Tanaa, ki Tuhan tontaní in mobogoi in tomponuot kon inimu: Mongodeaga tobatú inta sidia in mopononggadíbí in ḷoḷaki tobatú inta sinangoiannea Imanuel.

YEREMIA 1:8

Dika moondok kon i monia, sin Akuoi in moyotakinmu bo moḷukad kon inimu. Akuoi ki Tuhan ain nosingog!”

PINOGIAPAN 16:28

Bo ki Musa noguman, “Tanaa in kotaauandon monimu kon ki Tuhan ain nopotabá kon inakó sin mogaid kon tanaa komintan bo tua in deemanbí ibogku tontaní.

PINOGIAPAN 23:21

Kon i Yakub diábí kinoontongan in moraat; kon Israel diábí doman kinoontongan in mororiga. Ki Tuhan, Allah monia, kotaki-takin monia. Mosia norogiow: Siabí in Datu!

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

MARKUS 16:20

Dá murí-Nea mita minayá nopotaa-taau mako in habar nongkon i Allah. Bo mosia in sinakinan i Tuhan kon bonu in binaya-bayáan mako monia. Tua pinoniata i Tuhan kon oaid mita inta mokoherang kon totuubí in pinotaau monia tua.] [

OUMAN IN RASUL MITA 11:21

Kawasa i Tuhan umuran kotaki-takin monia, sahingga in nobayongdon in intau in nopirisaya bo moposarakan in kobiagannea kon i Tuhan.

OUMAN IN RASUL MITA 7:7

Táe intau inta mononggata tatua in tokohukumonbí. Tua in siningog i Allah. Tongá mopaḷut mako kon tua, mosia in poḷuaion-Ku kon tua bo mosumba kon i-Nakó kon tampat tanaa.’

SURAT I PAULUS KON JAMAAT RUM 8:31

Onu in motaau naton singogon kon soaḷ mita tatua? Aka ki Allah bo noyotakin naton yo ki ine in mokoḷawang kon i naton?

ULANGAN 31:23

Onda intua ki Tuhan noguman kon i Yosua, adí i Nun, kai-Nia, “Korigon in gina bo kobarani in iko, Yosua! Iko in modia kon bangusa Israel tumuot kon butá inta pinodandi-Ku kon i monia, bo akuoi in motuḷung kon i monia.”

IBRANI 13:5

Aka mobiag yo dikabí kawasaan in ibog kon doit, táe kosanangbí in momaké kon onu inta nouḻímu sin ki Allah nogumandon nanaa, “Akuoi in diábí mopomayá mako andeka monaḷámai kon inimu.”

YOSUA 1:5

Tobatúmai in intau diábí in mokotaḷow kon inimu, Yosua, kinoouputbí in kinobiaganmu. Sin umuran-Kubí takinan in iko ná ki Musa koḻipod. Diábí in Akuoi monaḷámai kon inimu.

HAKIM MITA 6:12

Malaekat i Tuhan tatua nokipogontong kon inia bo poḷat noguman, “Ei, tayowmobiag inta motorindog! Ki Tuhan kotaki-takinmu!”

HAKIM MITA 6:16

“Mokomampubí in iko!” guman i Tuhan, “sin Akuoibí in motuḷung kon inimu. Mogampangmubí in monaḷow kon intau mita in Midian, tongábí naonda bo nonayow in iko kon intau tobatú.”

HAKIM MITA 6:17

Tubag i Gideon, “Aka akuoi totu-totuu kinoibog i Tuhan, yo tungkuḷaika ogoiai in tobatú tomponuot kon totuubí kon ki Tuhandon tontaní in nobogoi in parenta tatua kon inakó.

HAKIM MITA 6:21

Onda intua malaekat i Tuhan nopotundú in tungkud inta kokada-kadainea nodapot in popodnea tatua noiḻiai kon ponoyá bo roti tatua. Dinumokot in batu tatua bo nodaitdon nopokak in ponoyá bo roti tatua. Onda intua malaekat tatua diádon inontong.

HAKIM MITA 7:11

Kodongoganmubí in onu in yosingogon in musung, bo tua in mokopomukádon kon baranimu monubu.” Bo minayádon in ki Gideon takin ki Pura, kon pinosigadan in pinononḷoḷaigan in musung.

SAMUEL 1 14:10

Táe aka pokiangoian monia in kita kon i monia, dá mayá intua in kita, sin tuadon in nobaḻí tomponuot kon mosia in inogoidon i Tuhan kon inaton.”