IḶUAIAN 28:9 - Alkitab Singog In Mongondow Masa In Tanaa

^9-12 Pogamá kon batu delima doyowa. Potayakdon kon intau inta mopandoi monontaḷ kon buḷawan sin popokurig in pais in tangoi i adí mita i Yakub inta mopuḷú bodoyowá kon batu podudui in umur monia, togogonom in kon batu tobatú. Bo batu permata doyowa tatua musti bongkowon in buḷawan bo poukat kon tontogot in obaga in ḷambung epod mobaḻí tanda tompoingat kon suku Israel inta mopuḷú bodoyowá. Natuata in pinododia i Harun kon tangoi monia inta ain pinopokurig kon batu inta kon obaganea, sinbá Akuoi ki Tuhan, umuran mokotorop kon i monia.

IḶUAIAN 28:9 ပူးပေါင်းရင်းမြစ်များ

KINOBAḺIAN 2:12

Kon tua oyúon in buḷawan inta mopia bo taḷong mobondu inta mosaged mouḻí kon tampat ibanea takin doman batu mita permata.

TAWARIKH 1 29:2

Bahan mita pakéon kon baḷoi tatua takin pakakatnea mita in sinadiakudon muna onda inta kinomampuanku sinadia. Akuoi in noposadiadon in buḷawan, saḷaka, bitú uatoi, kayu, batu mita koboḻi bo batu mita permata, batu mita inta noyagi-yagimai in batangannea sin mobaḻí ḷambá mita bo nobayong totok in batu pualam.

TAWARIKH 2 2:7

Tuamai, poigumonku in ki Tuang mopotabá mamangoi kon inami in intau tobatú inta mopandoi mongurig bo motaau momia kon ḷambá nongkon buḷawan, saḷaka, bitú, uatoi bo mopandoi doman momia kon didit nobidu, nokasumba bo nopura. Sia in mogaidon moyotakin in mogogimok mita kon Yohuda bo kon Yerusalem inta ain piniḻí i amáku ki Daud.

AYUB 28:16

Buḷawan bo permata inta totok in momahaḷ diábí mokotongkai kon boḻinea.

IḶUAIAN 25:7

noyagi-yagimai in batu permata inta pokompit kon epod bo oḻingoi in dodob i Imang Moḷoben.

IḶUAIAN 28:20

Kon pipid noginggopat in batu pirus, yakut bo ratna cempaka. Batu permata mopuḷú bo doyowa tatua musti togoton in buḷawan.

IḶUAIAN 28:36

Pomiaaidon kon ḷambá nongkon buḷawan bo pais popokurig in tosingogon tanaa: ‘Tongábi ogoi kon i Tuhan’.

IḶUAIAN 28:8

Baan inta sinuji moaḷus nongkon touḷut inta notongkai musti popodagum kon ḷambung epod tatua sinbá motobatú.

IḶUAIAN 31:5

sin mogatá mokopoḷamag kon batu permata inta sinoinut notompia; sin mongurig kon kayu bo kon bayongan yagi-yagi oaidan.

IḶUAIAN 39:13

Kon pipid noginggopat in batu pirus, yakut, bo ratna cempaka. Batu permata mopuḷú bodoyowá tatua sinogot in buḷawan.

IḶUAIAN 39:6

Mosia nogatá kon batu delima bodongka pinopobonu monia kon bongkow buḷawan. Kinurig monia kinopira in tangoi adí mita i Yakub inta mopuḷú bodoyowá kon batu tatua.

DONDONG MOḶANTUD 8:6

Baḻídon in akuoi batoḷ in dodobmu, dikabí mokoyot kon i ineka koḻikudbí in akuoi; sin tabi tua in ná koropot in popatoi, bo ibog in awak mongawasa naonda bo popatoi. Dokotnea naonda bo dokot in tuḷú inta modokot moborambang totok.

YESAYA 49:16

Yerusalem, Akuoi in umuranbí mokotorop kon inimu; tangoimu in kinurig-Ku kon paḷad in ḻima-Ku.

YEHEZKIEL 28:13

Pogogutunanmu in kon Eden, taman i Allah. Pakeangmu iḷambáan in noyagi-yagimai in permata: batu delima bo intan, topas, batu pirus, batu yakut, ratna, cempaka, batu nilam, zamrud bo batu alkali nopura. Ḷambá buḷawanmu in mobayong doman. Pakakat mita tatua in pinomia kon inimu kon singgai iko binaḻí.

ZAKHARIA 9:16

Aka singgai tatua moiangoi, ki Tuhan in moposaḷamatbí kon umat-Nea, naonda bo gombala moposaḷamat in dombanea nongkon anib. Mosia in monindarbí kon butá i Tuhan, naonda bo permata mahkota inta mopouḻi-uḻinag.