IḶUAIAN 28:3 - Alkitab Singog In Mongondow Masa In Tanaa

³ Oinídon in bayongan mododagum inta ain inogoian-Ku in pandoi. Pokiaidaidon in mosia in pakeang i Harun sinbá motaaudon in sia tondíon-Ku tongá mogaid kon oaidan-Ku mobaḻí imang.

IḶUAIAN 28:3 ပူးပေါင်းရင်းမြစ်များ

IḶUAIAN 35:10

“Bayongan in mogogimok inta mopandoi kon sigad monimu musti mamangoi sin mogaid kon bayongan inta pinarenta i Tuhan, tuata mita:

IḶUAIAN 35:25

Bobay mita inta mopandoi mogaboḷ modia kon siningkoi moaḷus takin siningkoi wol nobidu, nokamumu bo nopura inta ain pinomia monia.

IḶUAIAN 35:30

Onda intua ki Musa in noguman kon intau in Israel, “Ki Tuhan ain nomiḻí kon i Bezaleel ki adí i Uri, ki ompu i Hur, nongkon suku in Yohuda

IḶUAIAN 35:31

bo sia in pinonotabiandon i Tuhan in kawasa-Nea. Ki Allah nobogoi in pongotahuan, pandoi bo komampuan kon bayongan yagi-yagi soaḷ seni,

IḶUAIAN 35:35

Mosia inogoian in pandoi kon bayongan yagi-yagi oaidan in intau mita mopandoi mongurig, mononomayá bo inta mongopandoi mogaboḷ kon kaeng moaḷus, wol nobidu, nokamumu bo nopura, bo kaeng mita ibanea. Mosia tua in mononomayá inta motaau totok bo motaau doman totok momia kon bayongan in oaidan.

IḶUAIAN 36:1

Ki Bezaleel, ki Aholiab, bo bayongan mogogimok inta nokouḻí kon pandoi bo koahlian nongkon i Tuhan, nonotaau kon bayongan inta toko pakéon kon Ḷoḷaigan i Tuhan. Mosia in musti momia kon bayongan yagi-yagi ná inta ain pinarenta i Tuhan.”

IḶUAIAN 36:2

Ki Musa nogoiní kon i Bezaleel, kon i Aholiab bo bayongan intau inta nokouḻí kon koahlian nongkon i Tuhan bo takin pia in gina mobantung, bo pinoki pomangkoiandon nogaid.

AMSAL 2:6

Ki Tuhanbí in mobogoi in hikmat; nongkon i-Niabí intau mokouḻí kon pongotahuan bo komomangaḻe.

YESAYA 11:2

Kawasa i Tuhan in mokapit kon inia, mopobaḻí kon inia mopia bo mobijaksana, mopandoi monimpod kon tosingogon bo mopoaid intua; monotaau kon ibog i Allah bo mopirisaya kon i-Nia.

EPESUS 1:17

Akuoi in mopoigum kon i Allah, inta ki Tuhan naton ki Yesus Kristus, ki Amá inta momulia totok, sinbá ogoian in Roho-Nea in moiko. Roho tatua in mopobaḻí kon i monimu mobijaksana bo poontong-Nea in ki Allah kon i monimu, sahingga in kotaauandon monimu in Sia.

ULANGAN 34:9

Ki Tuhan in nobogoi kon i Yosua ki adí i Nun in kabijaksanaan sin sia in piniḻídon i Musa monoḻiu kon inia. Bangusa Israel motoindudui kon i Yosua bo nopobayá in parenta mita inta inogoi i Tuhan kon i monia pinongin i Musa.

YAKOBUS 1:17

Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.