IḶUAIAN 28:2 - Alkitab Singog In Mongondow Masa In Tanaa

² Pomiaaidon kon pakeang imang in ki Harun, sinbá sia in koontongan mokobangkaḷ.

IḶUAIAN 28:2 ပူးပေါင်းရင်းမြစ်များ

AYUB 40:10

Ḷambáaidon in awakmu in kaoyúonan bo tangoi moḷantud, pakédon in koagungan bo kololuhur.

MAZMUR 132:16

Imangnea mita in mopoontongbí in kasaḷamatan nongkon i-Nakó; umatnea in modondongbí bo monggiow pia in gina.

MAZMUR 132:9

Igumon mako in umat-Mu monggiow pia in gina, bo imang-Mu mita in umuran mobiag podudui in ibog-Mu.

MAZMUR 149:4

Ki Tuhan in moibog kon umat-Nea; pinountung-Nea in intau inta moompá in dodia.

MAZMUR 96:6

Sia in iḻibubí in koagungan bo kamuliaan, Baḷoi-Nea in nopuḻingbí in kawasa bo kogogaga.

IḶUAIAN 28:40

Ki adí mita i Harun in pomiaai domandon kon ḷambung, baan bo suruban sinbá mosia mokobangkaḷ in koontongan.

IḶUAIAN 29:28

Naadon in simpod in singog-Ku inta diá motaau baḷuian: Kon dodai in umat-Ku mamangoi moposumba in kuruban dodamean, dodob bo paa in biag tatua in nobaḻí silai in imang mita. Tuata in sosumba in umat-Ku kon i-Nakó.

IḶUAIAN 31:10

pakeang ibada inta pakéon i Harun bo i adínea mita, inta musti pakéon kon dodai in mosia mogaid kon oaidan monia mobaḻí imang,

IḶUAIAN 40:13

Ḷutudaidon in pakeang imang kon i Harun, bo butakaidon in ḷana upacara in sia sinbá sia tantúondon tongá mogundoi kon oaidan-Ku mobaḻí imang.

YESAYA 4:2

Moiangoibí in wakutunea pomiaan i Tuhan in bayongan pinomuḷa bo pangkoi in kayu mobiag moḷoben bo mogaga kon ḻipú tanaa. Kon singgai tatua intau in Israel inta mosaḷamat in mokorasabí kon pia bo ḷunganga in gina popisí in bungai in pinomuḷa.

YESAYA 52:1

Pobangondon, ei Yerusalem, pobangondon! Korigon in ginamu! Paké in ḷambung kahoromatanmu! Ei Yerusalem, kotá inta motusi, intau nonajis in diá bidon tumuot mongin bonawangmu.

YESAYA 61:10

Yerusalem in noguman, “Moḷunganga in ginaku popisí in ki Tuhan, ginaku in mosanang sin ki Allah. Naonda bo nonikaan ḷoḷaki bo bobay nopogiḷambá in inta mongogaga, natuata in pinopopaké i Tuhan kon inakó ḷambung kasaḷamatan bo kountungan.

YESAYA 61:3

sin mobogoi in pia in gina bo ḷunganga in gina kon intau inta morobonoḷ in gina bo nonogumatoi; sin momaḷui kon inta mokoajar kon gina monia mobaḻí dondong dodayow. Mosia in nádon pangkoi in kayu tobatú inta pinomuḷa tontaní i Tuhan. Mosia in mogaidbí kon onu inta mopia bo mobanar, dá ki Tuhan in poḷantudon.

YESAYA 64:6

Kami komintan in intaubí mita inta nonajis, nodapot in aid nami inta mopiapa in diá nodarit bo nokotor. Kami in moputúdon popisí in aid nami moraat naonda bo daun noingkag pinoḷayug in tompot.

IMAMAT 8:30

Nopaḷut mako kon tua ki Musa nogamá kon tongosilai in ḷana upacara bo tongosilai nongkon dugú inta kon tudu in mezbah, bo pinopo pisiknea kon i Harun bo kon i adínea mita takin pakeang monia. Tua in pinomia i Musa sin mopotondí kon i monia bo ḷambung monia ogoi kon i Tuhan.

YOHANES 1:14

Pirman ain nobaḻí intau, Sia in nogutun kon sigad naton, bo kita ain nokoontong kon kamuliaan-Nea. Kamuliaan inta sinarima-Nea saḷaku Adí tuḷong i Amá. Pinongin i-Nia tua kita mokoontong kon i Allah bo tabi-Nea kon i naton.

SURAT I PAULUS KON JAMAAT RUM 13:14

Pomayádon mako bá ki Tuhan Yesus Kristus in monantú kon onu in musti aidan monimu. Bo dika dumudui kon ibog in awak inta baradosa naa sin mopoorop in onu inta koibognea.

SURAT I PAULUS KON JAMAAT RUM 3:22

kon ki Allah in noibogbí noyopia bui takin intau, táe tua in nointotoibí kon pirisaya kon i Yesus Kristus. Tua inaidan i Allah kon bayongan intau inta mopirisaya kon i Kristus, sin Sia in diábí mopoyoposi kon intan:

GALATIA 3:27

Moiko komintan aindon binaptis pinodoyon kon tangoi i Kristus, dá sipat mita i Kristus oyúon bidon kon i monimu.

IBRANI 2:9

Táe inontongdon naton in ki Yesus in nongawasa! Sia in binaḻídon topí noḻin ompá notoyong nongkon malaekat mita, sinbá podoyon kon kopopia in gina i Allah Sia in motaau matoi kon kopontingan in bayongan intau. Inontong naton in tanaa, kon Sia ain inogoian in ḷoḻitúan inta momulia bo inta ihoromat sin Sia in notarimadon kon roriga dapot in minatoi.

IBRANI 7:26

Dá ki Yesusbí tua in Imang Moḷoben inta paraḷuon naton. Sia tua in nodaritbí kon bayongan in yagi-yagi, diábí in taḷá andeka dosa onukadon kon i-Nia. Sia in pinotondí nongkon intau mita inta dinosa, bo dinia pinoonik in tampat inta moḷantu-ḷantud nongkon ḷangit.

PETRUS 2 1:17

Kon tuabí in kami wakutu in Sia i horomat bo pinomulia i Allah Amá. Kon wakutu intua kinodongogandon in singog nongkon i Inta Totok Momulia, inta noguman kon i-Nia, “Naabí in ki Adí-Ku inta Kinotabi-Ku. Sia in kinosanang in gina-Ku!”

YOHANES 1 3:2

Utat mita inta kinotabiku! Tanaa mako kita ain nobaḻí ki adí i Allah, táe kaadaan naton kon singgai moiduduimai in diápa notarang.Tongá kinotaauan naton kon aka ki Kristus in mamangoi, kita naa in mobaḻí ná Sia, sin kita in mokoontong kon i-Nia kon bonu in kaadaan-Nea inta sabanarnea.

WAHYU 19:8

Pakeang moaḷus mobudó inta mopouḻi-uḻinag inogoidon kon i-Nia sin pakéon.” (Pakeang moaḷus tatua in oaidbí mita mopia inta pinomia in umat mita i Allah.)

WAHYU 5:10

Binaḻí-Mudon in mosia tobatú dodatuan inta nobaḻí imang mita, sinbá mosia in mogaid kon oaidan i Allah naton, bo momarenta kon dunia naa.”