IḶUAIAN 28:1 - Alkitab Singog In Mongondow Masa In Tanaa

¹ “Oinídon in ki Harun ki guya-guyangmu takin ki adí mita ki Nadab, ki Abihu, ki Eleazer bo ki Itamar, potondídon in mosia sinbá motaau mobantung kon i-Nakó mobaḻí imang.

IḶUAIAN 28:1 ပူးပေါင်းရင်းမြစ်များ

TAWARIKH 1 23:13

Ki Amram in ki amá i Harun bo i Musa. (Ki Harun bo buínea mononoi in sinantúdon monompia kon pakakat mita in ibada, motubá kon dupa kon i Tuhan, mogundoi kon i Tuhan bo momarakat kon rayat podoyon kon tangoi Tuhan.

TAWARIKH 1 6:10

ki Azarya (sia in nogundoi kon bonu in Baḷoi Tuhan inta pinosindog i Datu Salomo kon Yerusalem),

TAWARIKH 1 6:34

ki Elkana, ki Yeroham, ki Eliel, ki Toah,

TAWARIKH 2 11:14

Intau in Lewi mita tatua nonaḷámai kon rawang in bonok bo butá monia bo nomamping kon Yohuda bo Yerusalem, sin ki Yerobeam bo datu mita inta nomaḷui kon inia in diá nobogoi kon i monia nogaid nobaḻí imang i Tuhan.

MAZMUR 115:10

Ei imang mita, pongamangdon kon i Tuhan, Siabí in motuḷung bo mogoḻiung kon inimu

MAZMUR 99:6

Ki Musa bo ki Harun noitakin doman in imang-Nea mita, ki Samuel in intau tobatú inta nosambayang kon i-Nia. Mosia in nokuani kon i Tuhan, bo sinubagan-Nea.

IḶUAIAN 24:1

Noiduduimai kon tua ki Tuhan noguman kon i Musa, “Potakodon sin mamangoi tumayow kon i-Nakó, poyotakin iko i Harun, i Nadab bo i Abihu, bo pitu nopuḷú itoi in bangusa, bo dokó posumba kon i-Nakó nongkon moyayú.

IḶUAIAN 24:9

Onda intua ki Musa, ki Harun, ki Nadab, ki Abihu bo itoi pitu nopuḷú tatua notakod kon buḷud,

IḶUAIAN 28:41

Popoḷutudon in pakeang tatua kon i Harun ki utatmu bo kon i adínea mita. Toguḷuai in mosia in ḷana zaitun; tuata in pomiaan monimu sinbá mosia motaaudon mogaid kon oaidan-Ku mobaḻí imang.

IḶUAIAN 29:1

“Nanaa in pododuí kon i Harun bo kon i adínea mita sinbá mosia motaaudon mogaid kon oaidan-Ku mobaḻí imang. Pogamádon kon sapi koḷakian tobatú inta batáneapa bo domba koḷakian doyowa inta totok in moḷunat.

IḶUAIAN 29:44

Baḻíon-Ku in Ḷoḷaigan bo mezbah tatua motusi. Ki Harun bo ki adínea mita in potondíon-Ku nongkon intau ibanea sinbá mosia motaau mogaid kon oaidan-Ku mobaḻí imang.

IḶUAIAN 29:9

bo baan kon i monia, bo bogot in uḷu popotogot domandon kon uḷu monia. Natuata in pododuí kon i Harun bo kon i adínea mita. Mosia bo buí monia in musti mobantung kon i-Nakó mobaḻí imang inta mononoi.

IḶUAIAN 30:30

Toguḷuai in ḷana in ki Harun bo ki adínea mita sinbá mosia in duíondon imang inta mogaid kon oaidan-Ku.

IḶUAIAN 31:10

pakeang ibada inta pakéon i Harun bo i adínea mita, inta musti pakéon kon dodai in mosia mogaid kon oaidan monia mobaḻí imang,

IḶUAIAN 35:19

pakeang ibada in imang mita kon dodai in mosia mogaid kon oaidan monia kon bonu in Yuang Motusi bo pakeang inta tongá pakéon i Imang Harun, bo i adínea mita.”

IḶUAIAN 6:23

Ki Korah kogadí kon adí ḷoḷaki toḷu: ki Asir, ki Elkana bo ki Abiasap. Mosia tua in mogoguyang nai Korah.

IMAMAT 10:1

Kon singgai tobatú ki adí mita i Harun ki Nadab bo ki Abihu, tumpaḷa nogamá kon tampat in tuḷú bo nomonu kon baga. Bo nopoukat in dupa kon bonu in tuḷú tatua bo noposumba kon i Tuhan. Táe tuḷú tatua kinodoíbí i Tuhan sin ki Tuhan in diábí nopotabá kon i monia noposumba intua.

IMAMAT 10:12

Ki Musa noguman kon i Harun bo kon i adínea mita inta ki Eleazer bo ki Itamar, “Pogamádon kon gandum inta ki agat in kaanon inta pinosumba kon i Tuhan. Nongkon topong tatua pogaidaidon kon roti inta diá ragian, bo kaandon intua kon sí in mezbah, sin kuruban tatua totok in motusi.

IMAMAT 7:35

Nongkon kaanon inta pinosumba kon i Tuhan, tuata in inogoinea kon i Harun bo kon i adínea mita kon singgai kon tungkuḷ in mosia baḻíondon imang.

IMAMAT 8:1

Ki Tuhan noguman kon i Musa,

IMAMAT 8:2

“Oinídon in ki Harun bo ki adínea mita bo diadon in pakeang imang, ḷana upacara, sapi koḷakian tobatú inta batánea sin baḻíon kuruban potobut kon dosa, domba koḷakian doyowa, bo tokompé in roti inta diá iragian.

PINOGIAPAN 18:7

Táe tongábí iko bo adímu mita in motaau mopobayá in oaidan in imang, kon bayongan oaidan inta noyotogot in mezbah bo onu inta kon Yuang Motusi. Tuata in kon bonu in totaaumu, sin Akuoi ain nomaḻí kon inimu imang. Bayongan intau inta diá inogoian in hak tatua yo hukumon matoi aka dimiug kon barang mita inta motusi tatua.”

PINOGIAPAN 26:61

Ki Nadab bo ki Abihu minatoi kon dodai in mosia noposumba in tuḷú inta kinodoí i Allah.

LUKAS 1:8

Kon singgai tobatú, wakutu in kolompó i Abia naa nokouḻí kon tonsilai tumuot kon Baḷoi Tuhan, dá ki Zakharia in minayá bo nogaid kon oaidan in imang kon tayowon i Allah.

ULANGAN 10:6

Onda intua intau Israel nobuat nongkon parigí mita in intau Yaakan, bo minayá in Mosera. Kon tua in kinopatoian bo pinoḷobongan kon i Harun. Ki Eleazar adínea in nomaḷui kon inia nobaḻí imang.

ULANGAN 18:5

Nongkon bayongan in suku Israel, ki Tuhan Allahmu ain nomiḻí kon suku in Lewi nobaḻí imang modapot kon adí bo ompu.

SAMUEL 1 2:28

Nongkon bayongan suku in Israel ain piniḻí-Ku in motoḷuadínea nobaḻí imang-Ku, sin mopobayá in oaidan kon mezbah, motubá kon dupa, bo mogiḷambung in ḷambung epod aka moyosingog takin-Ku. Bo kon i monia takin buí monia aindon inogoian-Ku in hak mogamá kon tongosilai nongkon kuruban sosumba inta sinubá kon mezbah.