IḶUAIAN 27:8 - Alkitab Singog In Mongondow Masa In Tanaa

⁸ Pomiadon in mezbah tatua nongkon dopí bo tongguangai kon dotá in bonunea, podudui in tomayá inta poontong-Ku kon inimu kon buḷud tanaa.”

IḶUAIAN 27:8 ပူးပေါင်းရင်းမြစ်များ

TAWARIKH 1 28:11

Nopaḷut mako kon tua ki Daud in noposarakadon kon i Salomo in tomayá mogaid kon Baḷoi Tuhan, gudangnea mita, bayongan in gopotnea, bo yuang Inta Totok in Motusi, tampat pongongampungan kon dosa.

TAWARIKH 1 28:19

Bo ki Datu Daud in noguman, “Bayongan intua in kon bonu bidon in tomayá inta ain pinais podudui in topotundú inta inogoi i Tuhan tontaní sin aidan.”

IḶUAIAN 25:40

Ḷukadai sinbá sioḷ in totuduan togá tatua pomiaan podudui kon onu inta ain pinoontong kon inimu kon tudu in buḷud tanaa.”

IḶUAIAN 25:9

Ḷoḷaigan bo touḷutnea musti pomiaan monia podudui in tomayá inta bain tundúon-Ku kon inimu.”

MATIUS 15:9

Diábí in mangaḻenea posumbaan monia kon i-Nakó, sin onu in sinundú monia tua atorangbí in intau.’ ”

OUMAN IN RASUL MITA 7:44

Ḷoḷaigan tampat i Allah angoian pokipodungkuḷan kon intau in kon mogoguyang naton kon padang gurun. Ḷoḷaigan tatua in pinomia i Musa podudui in parenta i Allah bo pinodudui in gambar inta pinoontong i Allah muna kon inia.

IBRANI 8:5

Oaidan inta inaidan monia tua saḷaku imang sabanarnea in tongábí gambaran bo oḻinow in onu inta kon soroga. Tua ain bidon pinotaau i Allah kon i Musa koḻipod, kon wakutu in sia noposindog in Ḷoḷaigan i Tuhan. Nanaa in guman i Allah kon i Musa, “Pokotorop! Tua komintan in mustibí pomiaanmu podudui in gambar inta pinoontong-Ku kon inimu kon tudu in buḷud.”