IḶUAIAN 27:2 - Alkitab Singog In Mongondow Masa In Tanaa

² Kon sikunea mita kon ḻimonik musti pomiaan kon tungoi mita inta poyotobatúon in mezbah. Musti komintan oḻitan in porunggu.

IḶUAIAN 27:2 ပူးပေါင်းရင်းမြစ်များ

DATU MITA IMITÁNEA 1:50

Dá noondokdon totok in ki Adonia kon i Salomo, nodapot in sia noḷagui minayá in Ḷoḷaigan i Tuhan bo nokadai kon popod mita in mezbah kon tua.

DATU MITA IMITÁNEA 2:28

Dinongogdon i Yoab in bayongan inta ain nobaḻí tatua. Inagían in ondok in sia sin sia in nomihak kon i Adonia. Táe, koḻipod sia in diábí nomihak kon i Absalom. Dá noḷagui in sia minayá in Ḷoḷaigan i Tuhan bo nokadai kon popod mita in mezbah.

DATU MITA IMITÁNEA 8:64

Singgai tatua doman ki Salomo nonoguḷapat kon dotá in yuak in palas inta kon tayowon in Baḷoi Tuhan tua. Onda intua kon palas tatua sia in noposumba in kuruban payongon, kuruban gandum bo ḷongó in mahaḷuk ogoi nobaḻí kuruban dodamean. Bayongan tua in pinosumbanea kon tua sin mezbah bitú diádon tugat pobonuan kon bayongan in sosumba tatua.

DATU MITA 2 16:14

Ki Ahas in nokoontong kon mezbah bitú inta pinotondí kon i Tuhan noiukat kon sigad in Baḷoi Tuhan bo mezbahnea inta nobagu. Tuamai in mezbah bitú tatua in pinampingnea nongkon muna in Baḷoi Tuhan pinobayá in dotá in utuan in mezbahnea inta nobagu tatua.

TAWARIKH 2 4:1

Ki Datu Salomo nokiaid in mezbah tobatú nongkon bitú inta kobanat bo kooḷadnea in tumososiow nometer, bo koḷantudnea in 450 nosenti.

MAZMUR 118:27

Ki Tuhan in ki Allah, Sia in mopia in gina kon inaton. Bayádon in muna moyotakin kokada-kadai in tanga, bo ḻibudon in mezbah i Tuhan.

IḶUAIAN 27:3

Pomiaaidon kon rumping mita, sikop, palo mita, porok bo doḷuong. Komintan touḷut tatua musti pomiaan nongkon porunggu.

IḶUAIAN 29:12

Pogamádon kon dugú in sapi topiḻik tatua bo paké in gongguyamúmu mopoḻepo kon tungoi mita in mezbah tatua. Ki agat in dugú tatua musti pobutakmu kon ḻimonag in mezbah.

IḶUAIAN 38:30

Porunggu tatua pinaké pinogaid kon aip in ḷoḻingkop in Ḷoḷaigan i Tuhan, mezbah takin kawa porunggu inta ain sinontoḷatak, bayongan touḷut in mezbah,

YEHEZKIEL 43:15

Yuang intoḷunea tanaa in tampat pototubáan kon kuruban; koḷantudnea in doyowa nometer. Kon sikunea opat oyúon in noiḷontú naonda bo tungoi.

IMAMAT 16:18

ki Harun musti ḷumuai bo mayá kon mezbah in kuruban tubáan sin mondarit kon mezbah tatua. Sia in musti mogamá kon dugú in sapi topiḻik bo dugú in bembé bo poḻeponea kon tungoi mita inta kon siku in mezbah.

IMAMAT 4:18

Tongosilai doman in dugú tatua musti poḻepo kon tungoi mita inta kon siku in mezbah pototubáan kon dupa kon bonu in Ḷoḷaigan, bo kiagatnea in musti popobutak kon datoḷan in mezbah tampat in kuruban tubáan inta kon tayowon ngara in Ḷoḷaigan.

IMAMAT 4:25

Imang musti mopoḷodok in gongguyamúnea kon bonu in dugú in mahaḷuk tatua bodongka poḻeponea kon tungoi mita kon siku in mezbah bo ki agatnea pobutak kon datoḷan in mezbah.

IMAMAT 4:7

Tongosilai nongkon dugú tatua musti poḻepo kon tungoi mita inta kon siku mita in mezbah in dupa mobondu kon bonu in Ḷoḷaigan, bo kiagatnea kon tua in musti popobutak kon taḷog in mezbah in kuruban tubáan inta kon tayowon in ḷoḻingkop in Ḷoḷaigan.

IMAMAT 8:15

Onda in tua iratá i Musa bo dugúnea ibanea in gamáannea. Gongguyamúnea tontaní in pinoḷodoknea kon dugú tatua bodongka poḻeponea kon tungoi mita inta kon siku mita in mezbah, sinbá mezbah tatua tongádon ogoi kon i Allah. Dugú ki agatnea in popobutak kon datoḷan in mezbah. Natuata in mopobaḻí motusi kon mezbah tatua bo tongádon ogoi kon i Tuhan.

ZAKHARIA 9:15

Umat-Nea in notantú bidon kon ḷukadan-Nea, dá bayongan in musung modait taḷowon monia. Naonda bo kokow in intau inta noḷoḷangu in oinumon, natuata in kokow monia kon in parang. Naonda bo dugú in kuruban inta pinoburé kon tudu in mezbah, natuata in dugú in musung moibutak.

PINOGIAPAN 3:31

Mosia pinoki ḷukadan in Poti Dodandian, meja, sioḷ in totuduan in togá, mezbah mita, pakakat mita inta pakéon in imang kon Yuang Motusi, bo toḷipoi inta nopotondí in Yuang Motusi. Mosiadon tua in kitogi totaau kon bayongan oaidan inta noyotogot in pakakat mita tatua.

IBRANI 6:18

Doyowa nopasaḷ tatua in diábí mobaḷu-baḷui: Totuuonbí i Allah in dandi bo ibot-Nea tatua. Sia in diábí monguboḷ. Manangka intua kita inta umuran umoḻiung kon i-Nia, umuran-Nea inogoian in ropot bá umuran kumadai kon onu inta i harap mako kon tayowon naton.