IḶUAIAN 27:17 - Alkitab Singog In Mongondow Masa In Tanaa

¹⁷ Bayonganan oigi inta kon ḻibumai in palas tatua musti poyo-poyotondoḷon momaké in tontoyaud saḷaka; kokaudnea musti pomiaan nongkon saḷaka bo aipnea nongkon porunggu.

IḶUAIAN 27:17 ပူးပေါင်းရင်းမြစ်များ

IḶUAIAN 27:16

Kon ḷoḻingkopnea mustibí oyúon in toḻipoi inta kobanatnea siow nometer, pomiaan nongkon kaeng moaḷus inta sinuji takin kaeng wol nobidu, nokamumu bo nopura, bo iḷambáan in siningkoi norupa-rupamai in batangannea. Kaeng toḻipoi in ḷoḻingkop tatua musti pobambé kon oigi opat bo aipnea in opat doman.

IḶUAIAN 27:18

Ḻeag kon ḻibumai in tampat pooibadaan tatua kobanatnea in 44 nometer, kooḷadnea in 22 nometer bo koḷantudnea in doyowa nometer bo doyowa nopuḷú nosenti. Ḻeag tatua in musti pomiaan nongkon kaeng moaḷus inta aipnea nongkon porunggu.

IḶUAIAN 38:28

Bo ki agat in saḷaka tatua inta 30 nokilo in pinomia i Bezaleel tondoḷ bo kokaud mita in oiginea mita, bo taḷob in ubung in oigi mita tatua.

IḶUAIAN 38:30

Porunggu tatua pinaké pinogaid kon aip in ḷoḻingkop in Ḷoḷaigan i Tuhan, mezbah takin kawa porunggu inta ain sinontoḷatak, bayongan touḷut in mezbah,