IḶUAIAN 25:9 - Alkitab Singog In Mongondow Masa In Tanaa

⁹ Ḷoḷaigan bo touḷutnea musti pomiaan monia podudui in tomayá inta bain tundúon-Ku kon inimu.”

IḶUAIAN 25:9 ပူးပေါင်းရင်းမြစ်များ

IḶUAIAN 25:40

Ḷukadai sinbá sioḷ in totuduan togá tatua pomiaan podudui kon onu inta ain pinoontong kon inimu kon tudu in buḷud tanaa.”

IḶUAIAN 26:30

Posindogdon in Ḷoḷaigan tatua podudui in tomayá inta pinoontong-Ku kon inimu kon tudu in buḷud tanaa.

IḶUAIAN 39:32

Kinotontumiannea noḷapatdon in bayongan oaidan momia kon Ḷoḷaigan i Tuhan. Intau Israel ain nogaid kon bayongan yagi-yagi ná inta pinarenta i Tuhan kon i Musa.

IḶUAIAN 39:42

Intau mita in Israel ain nogaid kon tua mita notongkai ná inta pinoki aid i Tuhan kon i Musa.

IḶUAIAN 39:43

Pinirikisa i Musa intua komintan bo inindoianneamai yo inaidan monia intua notongkai totok ná inta ain pinoki aid i Tuhan. Bo binarakatandon i Musa in mosia.

PINOGIAPAN 4:12

Bayongan pakakat inta pinaké kon bonu in Yuang Motusi musti gamáan monia bo bakuton in kaeng nobidu tobatú. Bo musti koḷoban monia in kuḻit moaḷus tobatú, bo ukaton monia kon tudu in pononombuḻigan.

PINOGIAPAN 8:4

Tampat in togá tatua, nodapot kon omonikanea bo bungang mita inta pinoḷambá pinomia nongkon buḷawan inta sinontaḷ, pinodudui kon contoh inta pinoontong i Tuhan kon i Musa.

OUMAN IN RASUL MITA 7:44

Ḷoḷaigan tampat i Allah angoian pokipodungkuḷan kon intau in kon mogoguyang naton kon padang gurun. Ḷoḷaigan tatua in pinomia i Musa podudui in parenta i Allah bo pinodudui in gambar inta pinoontong i Allah muna kon inia.

IBRANI 8:2

Sia nopobayá in oaidan-Nea saḷaku Imang Moḷoben kon Tampat inta totok in Motusi kon bonu in Ḷoḷaigan i Tuhan. Ḷoḷaigan inta pinosindog i Tuhan tontaní, deemanbí intau in noposindog.

IBRANI 8:5

Oaidan inta inaidan monia tua saḷaku imang sabanarnea in tongábí gambaran bo oḻinow in onu inta kon soroga. Tua ain bidon pinotaau i Allah kon i Musa koḻipod, kon wakutu in sia noposindog in Ḷoḷaigan i Tuhan. Nanaa in guman i Allah kon i Musa, “Pokotorop! Tua komintan in mustibí pomiaanmu podudui in gambar inta pinoontong-Ku kon inimu kon tudu in buḷud.”

IBRANI 9:2

Kon ḷoḷaigan tatua in inaidan domandon in tobatú yuang inta sinangoian “Yuang Motusi.” Kon tua oyúon in tampat pototuduan kon togá, bo oyúon doman meja bo roti inta pinosumba kon i Allah.

IBRANI 9:9

Naa nobaḻí lambang kon sempo in tanaa; mangaḻenea kon sosumba mita bo kuruban mita mahaḷuk inta pinosumba kon i Allah, diábí mokosompurna kon gina intau inta nodia kon sosumba.