IḶUAIAN 24:4 - Alkitab Singog In Mongondow Masa In Tanaa

⁴ Nopaḷut mako kon tua komintandon pinais i Musa in parenta i Tuhan tatua. Nobangon monik doḷo-doḷom, pinosindognea in mezbah tobatú takin tugu mopuḷú bodoyowá kon sioḷ in buḷud tatua; Tugu tobatú nobaḻí doman toḻiu in suku Israel tobatú.

IḶUAIAN 24:4 ပူးပေါင်းရင်းမြစ်များ

KINOBAḺIAN 12:7

Ki Tuhan nokipogontong kon i Abram bo noguman kon inia, “Tanaa in butá inta ogoi-Ku kon buímu.” Bo ki Abram noposindog in tobatú mezbah kon tua sin posumbaan kon i Tuhan inta ain nokipogontong kon inia.

KINOBAḺIAN 28:18

Nobangon monik doḷo-doḷom, ki Yakub sinimindog, bo nogamá kon batu inta pinakénea pinonguḷunan bo pinosindognea nobaḻí tobatú tompoingat bodongka pinobutakneadon in ḷana zaitun kon tudu in batu tatua.

KINOBAḺIAN 28:22

Bo akuoi in mobogoi kon i Tuhan mopuḷú noporsen nongkon bayongan in yagi-yagi inta inogoi i Tuhan kon inakó. Batu tompoingat inta pinosindogku tanaa in mobaḻí tampat posumbaan kon i Tuhan.”

KINOBAḺIAN 31:45

Onda intua ki Yakub nogamá kon batu tobatú bo pinosindognea nobaḻí batu tompoingat.

DATU MITA IMITÁNEA 11:30

Bo noḷongkut in ki Ahia kon jubahnea, bo nomera-merak kon tua nobaḻí mopuḷú bodoyowá nopongkó.

DATU MITA IMITÁNEA 18:31

Nogamá in sia kon batu mopuḷú bodoyowá, batu tobatú mobaḻí toḻiu in suku doman tobatú inta buí i Yakub, intau mita inta ain sinangoi Israel i Tuhan.

EZRA 6:17

Kon pinonoguḷapatan tatua mosia in noposumba kon i Tuhan in sapi koḷakian 100, domba koḷakian 200 bo ki adí in domba 400. Bo inta pinaké kon kuruban pinongampungan kon dosa, pinosumba in mopuḷú bo doyowa in bembé koḷakian, bembé tobatú in kon batúan in suku Israel.

NEHEMIA 10:1

Intau inta dungkuḷ totok notekeng in ki Gubernur Nehemia ki adí i Hakhalya. Noiduduimai in ki Zedekia. Nopaḷut mako kon tua intau mita inta noiduduimai naa in notekeng doman:

IḶUAIAN 17:14

Guman i Tuhan kon i Musa, “Paisdon in soaḷ kinountungan tanaa sinbá tantú toropon. Poguman kon i Yosua kon Akuoi in moyompatbí kon intau in Amalek.”

IḶUAIAN 17:15

Bo ki Musa noposindog in mezbah tobatú bo sinangoiannea “Ki Tuhan in Banderaku.”

IḶUAIAN 21:1

Bo ki Tuhan noguman kon i Musa, “Potaaudon kon intau Israel in atorang mita tanaa:

IḶUAIAN 24:7

Onda intua ginamánea in buk dodandian inta pinomaisan kon parenta mita i Tuhan, bo binacaneadon kon tayowon in bangusa tatua takin singog inta moropot. Mosia noguman, “Kami moibog dumudui kon i Tuhan bo mogaid kon bayongan parenta-Nea.”

IḶUAIAN 28:21

Kon batúan in permata musti popokurig in tangoi tobatú nongkon sigad i adí Yakub inta mopuḷú bo doyowa nobaḻí tompoingat kon suku mita Israel.

IḶUAIAN 34:27

Ki Tuhan noguman kon i Musa, “Paisdon in tosingogon mita tatua, sin pinodoyon kon tosingogon tatua Akuoi momia kon dodandian takinmu bo takin bangusa Israel.”

YESAYA 19:19

Kon tungkuḷ intua kon yuak in butá in Mesir posindogonbí in mezbah tobatú kon i Tuhan, bo kon pinosigadannea in oigi batu tobatú inta sinondí kon i Tuhan.

IMAMAT 24:5

Pogamádon kon topong inta totok in mopia mopuḷú bodoyowá nokilo in kobayongnea bo pomiadon kon roti noḻimbung mopuḷú doman bodoyowá, pomia tumongo kilo komintan.

PINOGIAPAN 17:2

“Potabá in intau Israel mobogoi kon inimu in mopuḷú bodoyowá in tungkud, pomuḷoi in suku tumongobatú, inta musti poabat kon itoi in suku. Paisdon in tangoi mita in itoi mita kon tungkudnea,

LUKAS 22:30

Takin natua dá moiko in motaau doman mobarasanang takin-Ku kon wakutu in Akuoi in mobaḻí Datu. Bo moiko in ḻimitú kon ḻimonik in mopuḷú bodoyowá in tampat pomomarentaan sin momarenta kon mopuḷú bodoyowá nosuku in bangusa Israel.”

GALATIA 2:9

Bo naonda in nokoontong kon totabi inta inogoi i Allah kon i nakó, dá ki Yakobus, ki Petrus, bo ki Yohanes inta nobaḻídon itoi kon jamaat, nopirisayadon kon ki Allahbí in nobogoi oaidan tanaa kon inakó. Sahingga in nodati in mosia kon i naminda i Barnabas saḷaku tanda yoyobayatan. Bo nosatuju bidon in kami kon kami in mayá mopohabar in Habar Mopia kon yua-yuak in intau mita inta deeman Yahudi, bo mosia in mayá kon sigad in intau mita in Yahudi.

ULANGAN 31:9

Bo ki Musa nomais kon hukum i Tuhan Allah bo nobogoi kon imang mita in Lewi inta pinoki aidan monompia kon Poti Dodandian, bo kon itoi mita in Israel.

YOSUA 4:20

Kon tua ki Yosua nopoyoguntuḷ in batu mopuḷú bodoyowá inta ginamá nongkon Ongkag in Yordan.

YOSUA 4:5

bo noguman, “Bayádon kon yuak in Ongkag in Yordan, kon tayowon in Poti Dodandian i Tuhan Allahmu. Moiko tumpaḷa mogamá kon tumongo batu in batu nongkon tua – mopuḷú bodoyowá in kobayongnea podudui in kobayong in suku mita in bangusa Israel.

WAHYU 21:14

Dinding in kotá tatua in pinosindog kon tudu in batu mopuḷú bodoyowá. Bo batu mita tatua in sinoko paisan tangoi in rasul mopuḷú bodoyowá. Mosia tua in rasul mita i Adí in Domba tatua.