IḶUAIAN 24:16 - Alkitab Singog In Mongondow Masa In Tanaa

^16-17 Sindar kinoangoian i Tuhan noiangoidon kon tudu in buḷud tatua bo inontong intau Israel intua naonda bo tuḷú inta dinumokot kon tudu in buḷud. Onom nosinggai koonggotnea goḷom tatua nongoḷob kon buḷud tatua, bo kon singgai noginpitu nongkon goḷom tatua ki Tuhan nogoiní kon i Musa.

IḶUAIAN 24:16 ပူးပေါင်းရင်းမြစ်များ

MAZMUR 99:7

Nongkon oigi goḷom nosingog in Sia kon i monia, mosia in notoḷutui kon bayongan in hukum bo parenta-Nea.

IḶUAIAN 16:10

Koyogotpa in ki Harun nosingog kon i monia komintan, mosia nobobui kon padang gurun bo daḻídon inontong in sindar i Tuhan kon bonu in goḷom.

IḶUAIAN 19:11

Toumá mosia in musti nosadiadon. Kon singgai tatua Akuoi in moponagdon kon tudu in Buḷud Sinai, kon tampat inta motaau poindoian in intau mita kon i-Nakó.

IḶUAIAN 20:10

táe singgai inta nogimpitu in singgaibí pogogaian inta sinondí posumbaan kon i-Nakó. Kon singgai tatua diábí tobatúmai intau in motaau mogaid, pinomayá moiko, ande ki adímu mita, ande atamu mita, bobiagonmu mita ande intau ango-angoi inta nogutun kon butámu.

YESAYA 4:5

Bo kon tudu in Buḷud in Sion bo bayongan in intau noyosipun kon tua ki Tuhan in momaḻí kon goḷom kon dodai in singgai, poyok bo sindar in bayag kon dodai in doḷom. Ki Allah tontaní pongin kawasa-Nea mogoḻiung bo moḷukad kon bayongan in kotá.

YEHEZKIEL 1:28

bo nopoyagi-yagimai in batangannea naonda bo aḻibobag. Tuata in bayag motarang inta mopoontong kon kinoangoian i Tuhan. Nokoontongmai kon tua, noitongkob in akuoi kon butá. Bo kinodongoganku in singog inta

IMAMAT 9:23

Onda intua ki Musa bo ki Harun sinumuot kon bonu in Ḷoḷaigan i Tuhan. Nopaḷut mako kon tua mosia iḻumuai bo nomarakat kon umat. Bo bayongan umat Israel nokoontong kon sindar kinoangoian i Tuhan.

IMAMAT 9:6

Bo ki Musa in noguman, “Ki Tuhan nopotabá nokiaid in naa kon i monimu sinbá moiko mokoontong kon sindar koangoian i Tuhan.”

PINOGIAPAN 14:10

Bayongan umat nonontot kon mogarab in batu kon i monia dapot in matoi. Táe daḻídon intau mita tatua nokoontong kon sindar i Tuhan nomuká kon ḻimonik in Ḷoḷaigan-Nea.

PINOGIAPAN 16:42

Koyogot in mosia noyosipun sin moḷawang kon i Musa bo kon i Harun, mosia nobobui kon Ḷoḷaigan i Tuhan, bo nokoontong kon goḷom inta noikoḷob kon Ḷoḷaigan tatua, bo kinoontongandon in sindar kinoangoian i Tuhan.

KORINTUS 2 4:6

Sin ki Allah in nogumandon nanaa, “Nongkon sindip momukádon in bayag.” Bo ki Allah doman tatua inta nopomuká in bayag-Nea kon bonu in gina naton, sinbá mobayag domandon in raian naton bo monotaau kon kototarang in bayag i Allah inta nonindar kon pogot i Kristus.

WAHYU 1:10

Kon Singgai i Tuhan, akuoi in kinawasaan in Roho i Allah, bodongka nokodongog in akuoi kon singog moropot – naonda bo singog in torompet – nosingog kon tumikumai.