IḶUAIAN 24:1 - Alkitab Singog In Mongondow Masa In Tanaa

¹ Noiduduimai kon tua ki Tuhan noguman kon i Musa, “Potakodon sin mamangoi tumayow kon i-Nakó, poyotakin iko i Harun, i Nadab bo i Abihu, bo pitu nopuḷú itoi in bangusa, bo dokó posumba kon i-Nakó nongkon moyayú.

IḶUAIAN 24:1 ပူးပေါင်းရင်းမြစ်များ

TAWARIKH 1 6:3

Ki Amram in kogadí kon adí ḷoḷaki doyowa, inta ki Harun bo ki Musa, bo adí bobay tobatú inta ki Miryam. Ki Harun in kogadí kon ḷoḷaki opat: ki Nadab, ki Abihu, ki Eleazar bo ki Itamar.

IḶUAIAN 1:5

Bayongan in buí i Yakub koantónea in pitu nopuḷú. Ki Yusup noiunadon nogutun kon Mesir.

IḶUAIAN 19:20

Ki Tuhan noponag kon tudu in Buḷud Sinai, bo nogoiní kon i Musa sin mamangoi kon tudu in buḷud tatua. Dá notakod in ki Musa,

IḶUAIAN 19:24

Tubag i Tuhan, “Posiḻigdon, bo buidon angoi in naa takin ki Harun. Táe imang mita bo rayat mita in diábí motaau in ḻimimpat kon tomboinig sin mamangoi kon i-Nakó. Aka mosia ḻimimpat, yo hukumon-Ku in mosia.”

IḶUAIAN 20:21

Táe intau mita tatua umuranbí sinimindog iyumayú, bo tongádon ki Musa in dinimiug kon goḷom norondí kon tampat inta inangoian i Allah.

IḶUAIAN 24:15

Ki Musa in notakod kon Buḷud in Sinai, bo kinokoḷobandon in sia in goḷom mobunod.

IḶUAIAN 24:2

Tongábí iko tontaní in motaau mamangoi mokopodiug kon i-Nakó. Ibanea in diábí motaau mamangoi mokopodiug, dapot bo rayat diábí in motaau motakod kon buḷud tanaa.”

IḶUAIAN 24:9

Onda intua ki Musa, ki Harun, ki Nadab, ki Abihu bo itoi pitu nopuḷú tatua notakod kon buḷud,

IḶUAIAN 28:1

“Oinídon in ki Harun ki guya-guyangmu takin ki adí mita ki Nadab, ki Abihu, ki Eleazer bo ki Itamar, potondídon in mosia sinbá motaau mobantung kon i-Nakó mobaḻí imang.

IḶUAIAN 3:5

Bo ki Allah noguman, “Dika mokopodiug. Bukádon aip in sioḷmu, sin iko in sinimindog mako kon butá inta motusi.

IḶUAIAN 34:2

Posadiadon ikoḷom doḷo-doḷom sin motakod kon Buḷud in Sinai bo tumayow kon i-Nakó kon tudu in buḷud tatua.

IḶUAIAN 6:23

Ki Korah kogadí kon adí ḷoḷaki toḷu: ki Asir, ki Elkana bo ki Abiasap. Mosia tua in mogoguyang nai Korah.

YEHEZKIEL 8:11

Pitu nopuḷú in itoi in bangusa in Israel in kon tua, noitakin doman in ki Yaazanya ki adí i Sapan. Kon batúannea nokadai kon pototubáan kon dupa inta mosipun kon poyok.

PINOGIAPAN 11:16

Bo ki Tuhan noguman kon i Musa, “Sipundon nongkon sigad in bangusa mita Israel in guhanga mita in ḻipú pitu nopuḷú in kobayongnea inta ináku nobaḻí itoi in bangusa. Dia in mosia kon tayowon-Ku, bo pokisindogaidon in mosia kon diugmu.

LUKAS 10:1

Noiduduimai kon tua, ki Yesus nomiḻí kon dumodudui-Nea ibanea pitu nopuḷú in kobayongnea bodongka nopotabá kon i monia. Mosia pinotabá tumododoyawa sin umuna kon i-Nia mayá in kotá bo tampat mita inta bayáan-Nea.

LUKAS 10:17

Onda intua, dumodudui i Yesus inta pitu nopuḷú nobuidon mangoi takin pia in gina bo noguman, “Tuhan umpaka dimukud mita moraat moondok kon inami sin mokodongog kon tangoi-Mu!”

ULANGAN 1:15

Tuamai kon sigad in itoi mita inta piniḻí monimu, tongonumai in intau inta mobijaksana bo inta kopongalaman ginamáku bo binaḻíkudon tongguḷu kon i monimu. Oyúon in binaḻí itoi kon intau toribu, ibanea doman in binaḻí itoi kon intau mogatut, ibanea in itoi kon intau ḻima nopuḷú bo ibanea in itoi kon intau mopuḷú. Akuoi in noduí doman kon itoi mita ibanea sin moindoi bo monompia kon sukumu mita.