IḶUAIAN 22:12 - Alkitab Singog In Mongondow Masa In Tanaa

¹² Aka bobiagon tatua sinakow in intau ibanea, dá intau inta nomiag tatua musti moguboḻi kon karugian i togi bobiagon tatua.

IḶUAIAN 22:12 ပူးပေါင်းရင်းမြစ်များ

KINOBAḺIAN 31:39

Inta minatoi dinomok in mahaḷuk ibanea diábí dodai onda diniaku mangoi kon inimu, táe akuoibí tontaní in monoḻiu kon tua. Inta sinakow kon wakutu in singgai ande doḷom umuran doman tuntutonmu sinbá toḻiuanku.

IḶUAIAN 22:11

Dá kon soaḷ natua sia musti mayá in tampat pooibadaan bo mongibot podoyon kon tangoi i Tuhan kon sia in diábí nonakow kon bobiagon inta ain pinoki ḷukad kon inia. Aka sia bo totuubí diá nonakow, dá kitogineadon in musti motanggung kon karugian tatua, bo intau inta noḷukad tatua in diábí moguboḻi kon karugian tatua.

IḶUAIAN 22:13

Aka bobiagon tatua dinomok in mahaḷuk ibanea, yo intau inta nomiag tatua mustibí mopoontong in tuḷannea mita mobaḻí bukti kon i toginea, bo sia in diábí moguboḻi kon karugian kon i togi bobiagon tatua.

IḶUAIAN 22:7

Aka oyúon in intau tobatú nokitagú in doitnea andeka barang koboḻi kon yobayatnea. Táe kon singgai noiduduimai barang tatua sinakowdon in intau kon baḷoinea. Aka intau inta nonakow tatua kino umaan, dá mustibí intau inta nonakow tatua moguboḻi kodua ná kobayong in doit tatua ande barang tua.