IḶUAIAN 21:6 - Alkitab Singog In Mongondow Masa In Tanaa

⁶ dá ki tuangnea in mustidon modia kon inia kon tampat pooibadaan. Kon tua ata tatua pokisindogan bo umandoḷ kon ngara ande kon oigi in ḷoḻingkop tampat pooibadaan, bo ki tuangnea in musti momubú kon bongoḷannea, bo sia in mobaḻídon atanea modapot in sia matoi.

IḶUAIAN 21:6 ပူးပေါင်းရင်းမြစ်များ

DATU MITA IMITÁNEA 12:7

Mosia in notubag, “Aka ki Tuang totu-totuu moibog mogaid kon kopontingan in rayat, dá duduiaidon in oigum monia tua, dá mosia in moibogbí umuran mobantung kon i tuang datu.”

MAZMUR 82:1

Mazmur i Asap. Ki Allah in nodia kon sidang ilahi kon soroga, bo Sia in nobogoi kon simpod in singog:

IḶUAIAN 12:12

Kon doḷom tatua moḻibudon in Akuoi kon bayongan butá in Mesir, bo momatoi kon bayongan adí ḷoḷaki inta guya-guyang, pinomayá intau, ande biag. Akuoi in mohukumdon kon bayongan inta sumbaanmai monia kon Mesir, sin Akuoibí in ki Tuhan.

IḶUAIAN 21:22

Aka tongonumai intau noropatoi, bo tobatú kon sigad monia tua noiruki kon tobatú bobay inta sidia nodapot in bobay tatua kinoukaian, táe diábí nodia kon inia dapot in minatoi, dá intau inta nokoruki tatua musti moguboḻi kon bobogoi podudui kon inta sinuntut i buḷoinea ḷoḷaki bo inta pinaḷut i hakim.

IḶUAIAN 21:5

Táe aka ata tatua moguman kon sia in motabi kon i buḷoinea, kon i adínea mita bo kon i tuangnea, bo doí domandon ḷuaton kon oaidannea,

IḶUAIAN 21:7

Aka bobay Ibrani tobatú pinotaḷui amánea binaḻí ata, yo bobay tatua in diábí ḷuatan kon oaidannea naonda in motompodon onom notaong, noyoposibí in ata ḷoḷaki.

IḶUAIAN 22:28

Dika mogodi-godimai kon i Allah bo kon itoi in bangusamu.

YESAYA 1:26

Moiko in bui-Ku ogoian in hakim mita bo monononggina ná dungkuḷmai. Dá Yerusalem in tangoiondon kotá inta moadil bo motoindudui.”

IMAMAT 25:23

Butámu tua in diábí motaau in potaḷuimu, sin butá tatua in deemanbí iko in kitogi, táe ki Allahbí in kitogi. Moiko in tongábí ná intau ango-angoi inta inogoian in wakutu momaké kon butá tatua.

IMAMAT 25:40

Sia musti mogutun kon inimu mobaḻí intau inta sinondanan bo mogaid kon oaidanmu modapot kon Taong Popobuian.

ZEPANYA 3:3

Intau mita moḷoben kon kotá mita tatua in naonda bo singa inta moroganggor. Hakim-nea mita in naonda bo serigala mita inta ginogoi; mosia in totok turá nodapot in tuḷan yo diábí in sinaḷáan kaanon mopoikoḷomai.

ULANGAN 1:16

Kon dodai intua naa in pinoki aidku kon i monia: Indoiai kopia in yogogintaḷaan mita inta nomuká kon sigad in bangusamu. Koadilon in monantú, pinomayá pelekara inta noikabit kon intau tobangusamu andeka inta noikabit kon intau ango-angoi inta nogutun kon sigad monimu.

ULANGAN 15:16

Táe aka ata tatua doí mayá sin sia in motabi kon inimu bo tombonu in baḷoimu bo mosanangbí in ginanea in mogutun moyotakinmu,

ULANGAN 15:17

diádon in sia kon ngara in baḷoimu bo bubúaidon in bongoḷannea, dá sia in mobaḻídon atamu kon dodai in sia mobiagpa. Natua doman in musti popoaidmu kon i atamu inta bobay.

ULANGAN 16:18

“Kon pomuḷoi in kotá inta inogoi i Tuhan Allahmu kon inimu, moiko in musti moduí kon hakim mita bo petugas mita ibanea sin mohakim kon rayat takin moadil.

SAMUEL 1 1:22

Táe kon tanaa ki Hana in diá sinumakin. Gumannea kon i buḷoinea, “Bain naonda in guaton kon teté, ki Samuel in atodonku kon Baḷoi Tuhan, bo sia in mogutundon kon tua kinoouputbí in kinobiagannea.”

SAMUEL 1 27:12

Táe ki Akhis in nopirisayabí kon i Daud bo norai kon bonu in ginanea, “Sia tua in totokbí in kinodoí in bangusanea tontaní, dá pakisadon in sia nobaḻí bobantungku kinoouputbí in kinobiagannea.”

SAMUEL 1 28:2

Tubag i Daud, “Notantú bidon, bain indoiandon tontaní i Tuang Datu onu in motaau aidan in bobantung naa kon i Tuang Datu nion.” Bo ki Akhis in noguman, “Mopia! Iko in baḻíonku moḷoḷukadku inta motantú.”