IḶUAIAN 21:4 - Alkitab Singog In Mongondow Masa In Tanaa

⁴ Aka ki tuangnea in nopotonibuḷoi kon inia takin bobay tobatú, bo nokouḻí kon adí in sia, dá ki buḷoi bo ki adínea tatua in nobaḻíbí ki adí i tuangnea, bo diábí motaau tumakin kon ata tatua kon dodai in sia iḷuatandon kon oaidannea.

IḶUAIAN 21:4 ပူးပေါင်းရင်းမြစ်များ

KINOBAḺIAN 16:2

Ki Sarai in noguman kon i Abram, “Akuoi naa in diádon ogoi Tuhan mononggadí. Tuamai, maníka iko in mosiugdon moyotakin in bobantungku tanaa, sin degá sia motaaupa mopononggadí in adí inta baḻíon ki adíku.” Dá dinuduian i Abram in singog i Sarai tatua.

KINOBAḺIAN 17:13

Pomuḷoi intau in musti toiton, bo tua in mobaḻí tanda kon awak inta moposimantag kon dodandian-Ku tua in mononoi.

IḶUAIAN 21:3

Aka sia bo diápa kobuḷoi kon dodai in nobaḻí atamu, dá ki buḷoinea in diábí motaau tumakin kon dodai in sia ḷumuai. Táe aka sia ain kobuḷoi kon dodai in sia nobaḻí atamu, dá ki buḷoinea in motaaubí tumakin kon inia.

IḶUAIAN 21:5

Táe aka ata tatua moguman kon sia in motabi kon i buḷoinea, kon i adínea mita bo kon i tuangnea, bo doí domandon ḷuaton kon oaidannea,