IḶUAIAN 21:2 - Alkitab Singog In Mongondow Masa In Tanaa

² Aka moiko motaḷui kon ata tobatú inta nongkon bangusamu tontaní, dá mustibí in sia mogaid kon inimu onom notaong in koonggotnea. Kon taong nogimpitu musti ogoimudon in sia ḷumuai mobaḻí intau inta noiḷuatdon kon oaidannea bo diá bidon paraḷu in sia moguboḻi kon onu bo onu.

IḶUAIAN 21:2 ပူးပေါင်းရင်းမြစ်များ

KINOBAḺIAN 27:28

Igumon mako iko ogoian i Allah in topuot nongkon ḷangit, bo baḻíonnea in gobámu mita motoḷubú! Poigumon mako Sia in mobogoi kon inimu in gandum bo anggur inta mobarong totok!

KINOBAḺIAN 27:36

Ki Esau in noguman, “Naa induaneadon sia nonguboḷ kon inakó. Patus bo tangoinea ki Yakub. Sia ain nogamá kon hakku saḷaku adí guya-guyang, bo tanaa sia ain nogamá doman kon barakat inta ogoi kon inakó. Degá diádon in barakat ibanea kon i Papa inta ogoi kon inakó?”

DATU MITA 2 4:1

Kon singgai tobatú ki baḷú in nabi tobatú in minayá kon i Elisa bo noguman, “Amá, ki buḷoiku in minatoidon! Bo kinotaauanbí doman i Amá kon sia tua in intaubí inta motoindudui kon i Allah, táe koboḻi in sia kon intau ibanea. Tanaa in intau tatua in namangoi sin mogamá kon i adíku doyowa bo baḻíonnea ki ata monia, sin poguboḻi kon boḻi i buḷoiku inta ain minatoi tua.”

NEHEMIA 5:8

bo noguman, “Takin ḻimbatú in ropot kita in notobutdon kon i utat mita naton intau in Yahudi inta pakisa nopotaḷui in awaknea kon bangusa ibanea. Táe tanaa in moikodon in momakisa kon i monia mopotaḷui in awaknea kon i monimu, bokaka moiko doman in intau Yahudi!” Itoi mita tatua in diá nokotubag umpaka tongá totontagá.

IḶUAIAN 12:44

Táe ata inta sinaḷui monimu motaaubí tumakin mokaan kon tua, aka sia aindon sinoit.

IḶUAIAN 21:3

Aka sia bo diápa kobuḷoi kon dodai in nobaḻí atamu, dá ki buḷoinea in diábí motaau tumakin kon dodai in sia ḷumuai. Táe aka sia ain kobuḷoi kon dodai in sia nobaḻí atamu, dá ki buḷoinea in motaaubí tumakin kon inia.

IḶUAIAN 21:7

Aka bobay Ibrani tobatú pinotaḷui amánea binaḻí ata, yo bobay tatua in diábí ḷuatan kon oaidannea naonda in motompodon onom notaong, noyoposibí in ata ḷoḷaki.

IMAMAT 25:54

Táe aka sia diá kotobutan takin cara natua, dá sia takin ki adínea mita in mustibí poḷuatondon kon Taong Popobuian moiduduimai.

MATIUS 18:25

táe popisí in intau tatua diádon mokouboḻi kon boḻinea tatua, dá datu tatua in nomarenta sinbá potaḷuidon in ki buḷoi bo ki adínea takin bayongan kapunyaannea sin poguboḻi kon boḻinea.

KORINTUS 1 6:20

Sin moiko nion in sinaḷui bidon i Allah, bo nodait-Nea bidon inuboḻian. Tuamai umurandon paké kopiraan sahingga in ki Allah in pomuliaan.

ULANGAN 15:1

“Kon buit in pomuḷoi in taong noginpitu moiko musti momia kon pomopatan kon boḻi.

ULANGAN 15:18

Aka moiko mopoḷuat in ata tobatú, dika momanasaḷ, sin kon bonu in onom notaong sia ain notuḷung kon oaidanmu takin tongá tongobotak in gaji in bobantung tobatú. Aidaidon in parenta tatua, dá ki Tuhan Allahmu in momarakatbí kon bayongan inta aidanmu.”

ULANGAN 31:10

Sia in nomarenta kon i monia, “Kon buit in taong noginpitu, kon taong pomopatan kon boḻi kon Singgai Moḷoben in Pondok Daun,