IḶUAIAN 21:16 - Alkitab Singog In Mongondow Masa In Tanaa

¹⁶ Ki ine in monangag kon intau tobatú, musti hukumon matoi, pinomayá intau tatua ain pinotaḷuinea ande kon baḷoineapa.

IḶUAIAN 21:16 ပူးပေါင်းရင်းမြစ်များ

KINOBAḺIAN 37:28

bo naonda in tongonumai intau in Midian mododagang noitaḻib, ki Yusup pinoḷuaidon i guya-guyangnea mita nongkon bonu in parigí tatua bo pinotaḷui kon intau Ismael tatua, boḻinea in doyowa nopuḷú in doit saḷaka. Onda intua ki Yusup diniadon in podagang mita tatua minayá in Mesir.

KINOBAḺIAN 40:15

Sin, sabanarnea koḻipod akuoi sinakow nongkon butá intau Ibrani bo kon naa, kon Mesir, akuoi in diábí kon dodai in onda in nogaid kon inta moraat nodapot in akuoi pinotuot kon bonu in ponjara tanaa.”

IḶUAIAN 20:15

Dika monakow.

IḶUAIAN 21:15

Ki ine in momongkug kon i amá ande kon i inánea musti hukumon matoi.

ULANGAN 24:7

Intau inta nodakop kon intau tobangusanea bo binaḻínea ata ande pinotaḷuinea, yo mustibí hukumon matoi. Aid monimu natua in monginggamábí kon inta moraat tatua.

TIMOTIUS 1 1:10

pinopomakusud doman kon i monia inta mokotor in oaid, kon i monia inta mongibog kon tumpaḷa ḷoḷaki, kon i monia inta banselang, kon i monia inta mongouboḷ bo kon i monia inta umuran mongonguman kon diá totuu, bo oaid mita inta diá kinoibog in totundú inta mobanar.

WAHYU 18:12

Diádon in motaḷui kon buḷawan, saḷaka, permata bo mutiara monia; kaeng moaḷus inta momahaḷ, kaeng nopars, kaeng sutra, bo kaeng inta nopura nogurang; bo norupa-rupamai in bahan inta nongkon kayu inta moḷawádon mouḻí, norupa-rupamaidon in bahan inta nongkon gading, norupa-rupamai domandon in bahan inta pinomia nongkon kayu momahaḷ, inta nongkon tambaga, nongkon uatoi, bo nongkon batu permata.