IḶUAIAN 21:1 - Alkitab Singog In Mongondow Masa In Tanaa

¹ Bo ki Tuhan noguman kon i Musa, “Potaaudon kon intau Israel in atorang mita tanaa:

IḶUAIAN 21:1 ပူးပေါင်းရင်းမြစ်များ

DATU MITA IMITÁNEA 6:12

“Aka iko motoindudui kon bayongan in hukum bo parenta-Ku, aidan-Kubí kon inimu onu inta ain pinodandi-Ku kon i amámu ki Daud.

TAWARIKH 2 19:10

Aka yobayatmu mita nongkon kotá ibanea nodia mangoi kon inimu in pelekara pinoḻimodan, iḻimimpat kon hukum andeka iḻimimpat kon undang-undang, yo moiko in mustibí mobogoi in topotundú kon i monia. Sinbá diá in mosia moitaḷá kon i Tuhan, bo ki Tuhan in diá tumorú kon inimu andeka kon i monia. Aidai in parenta tanaa, dá moiko in diábí moitaḷá.

NEHEMIA 10:29

Kami komintan in dinumugangdon takin itoi mita nami bo nongibot kon mobiag podudui in hukum i Allah inta ain inogoi-Nea pinongin i Musa mogogundoi-Nea. Igumon mako ki Allah mongutuk kon inami aka diá intompodan nami in dodandian nami tanaa. Kami in mongibot kon dumuduibí kon bayongan in parenta, hukum bo atorang i Tuhan, Allah nami.

MAZMUR 147:19

Sia in nopotaau in koyow-Nea kon umat-Nea, atorang bo hukum-Nea kon umat inta piniḻí-Nea.

IḶUAIAN 19:7

Dá noponagdon in ki Musa bo nogoiní kon itoi mita sinbá moyosipun, bodongka inoumannea kon i monia in bayongan inta pinarenta i Tuhan kon inia.

YEHEZKIEL 20:11

Kon tua inogoi-Ku kon i monia in parenta-Ku mita bo sinundú-Ku in hukum-Ku mita inta musti duduian monia, sin intau inta dumudui kon tua in umuranbí mobiag.

YEHEZKIEL 20:25

Onda intua inogoi-Ku kon i monia in hukum mita inta diá mopia bo parenta mita inta diá mokobiag.

IMAMAT 18:5

Duduiaidon in atorang mita bo hukum mita inta ogoi-Ku kon i monimu. Aka aidan monimu in natua, mosaḷamat in kobobiagmu. Akuoi naa in ki Tuhan.”

IMAMAT 19:37

Duduiaidon in bayongan hukum bo parenta-Ku. Akuoi in ki Tuhan.”

IMAMAT 20:22

Ki Tuhan noguman, “Duduiaidon in bayongan hukum bo parenta-Ku, sinbá moiko diá poguntunon kon butá in Kanaan, kon tampat inta pinodiaan-Ku kon i monimu.

MALEAKHI 4:4

Toropdon in topotundú mita i Musa mogogundoi-Ku, torop in hukum bo parenta mita inta inogoi-Ku kon inia kon Buḷud in Sinai sinbá duduian in bayongan in umat in Israel.

PINOGIAPAN 35:24

Kon pelekara mita ná tatua kon poyodungkuḷan in umat musti mopoyotutui kon intau inta ain noiḷaut noiḻimod, bo intau inta moibog motuḻí kon kinopatoian in intau inta ain kinoḻimodan.

PINOGIAPAN 36:13

Tuata in atorang mita bo katatapan inta inogoi i Tuhan kon bangusa Israel pinongin i Musa, kon tungkuḷ in bangusa Israel kon rata in Moab kon bingkí in Ongkag in Yordan, kon diug in kotá in Yerikho.

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

ULANGAN 15:12

“Aka intau ḷoḷaki ande bobay nongkon bangusamu moposarakan in awaknea mobaḻí atamu, sia in musti mogaid kon inimu kon bonu in onom notaong. Kon taong noginpitu sia in mustibí poḷuaton.

ULANGAN 4:14

Ki Tuhan nopotabá kon inakó motundú kon inimu in bayongan hukum inta musti duduian kon butá inta bain tuotan bo pogutunan monimu tua.”

ULANGAN 4:45

Tua inaidannea naonda in mosia iḻumuai nongkon Mesir bo naonda in kon ḷopá kon dotá in pomukaan kon Ongkag in Yordan, noyogintayow in kotá in Bet-Peor. Butá tatua pernabí nobaḻí butá in Sihon, datu intau in Amori, inta tungkuḷ intua nomarenta kon kotá in Hesybon. Ki Musa bo bangusa Israel nonaḷow kon inia kon dodai in mosia iḻumuai nongkon Mesir.

ULANGAN 4:5

Bayongan in hukum tatua sinundúku kon inimu ná inta pinarenta i Tuhan Allahku. Duduiaidon intua komintan kon butá inta bain tuotan bo ḻitúan monimu tua.

ULANGAN 4:8

Bo bangusabí moḷoben táonda in oyúon hukum mita inta námai tua in kooadil ná hukum mita inta sinundúku kon i monimu singgai naa?

ULANGAN 5:1

Ki Musa in nosipun kon bayongan bangusa Israel, bo noguman kon i monia, “Utat mita, indongogai in hukum mita inta pinotaauku kon inimu singgai in naa. Balajardon in hukum mita tatua, bo duduiai koposatia.

ULANGAN 5:31

Táe iko, Musa, pobuidon mangoi bo pogutundon takin-Ku kon naa; iko in pobogoian-Ku kon bayongan hukum bo parenta-Ku. Tundúdon kon i monia, sinbá duduian monia intua kon butá inta ogoi-Ku kon i monia.’

ULANGAN 6:1

“Ki Tuhan Allahmu in nopotabá kon inakó motundú kon bayongan hukum tanaa kon inimu sinbá aidan monimu kon butá inta diádon moonggot bo bayáan monimu pogutunan.

ULANGAN 6:20

Kon singgai moiduduimai adímu mita in moḻibóbí kon inimu, ‘Nongonu sin ki Tuhan Allah naton nopotabábí kon i naton dumudui kon bayongan parenta tatua?’

TESALONIKA 1 4:1

Pangabisannea uḻe utat mita, naa in poigumon nami takin tonggina kon i monimu inta pinodoyon kon kawasa i Tuhan Yesus, sinundúdon bo ain inontong monimu kon inami naonda in kobobiag podudui kon inta mokosanang kon gina i Allah. Moiko in nobiag bidon natua, táe tanaa pinodoyon kon kawasa i Yesus, kami in mopoigum totok kon i monimu bo mokiramuji sinbá totu-totuudon in moiko mogaid kon tua komintan!