IḶUAIAN 20:8 - Alkitab Singog In Mongondow Masa In Tanaa

⁸ Toropdon in singgai in Sabat bo horomatbí in singgai tatua mobaḻí singgai inta motusi.

IḶUAIAN 20:8 ပူးပေါင်းရင်းမြစ်များ

KINOBAḺIAN 2:2

Kon singgai nogimpitu nodaitdon noḷapat i Allah in bayongan oaidan-Nea tatua, bo Sia in nogogaidon.

KINOBAḺIAN 2:3

Dá binarakatandon i Allah in singgai nogimpitu tatua bo binaḻí-Neadon singgai husus, sin kon singgai tatuata ki Allah nogogai naonda in noginḷapat mako kon oaidan-Nea.

NEHEMIA 13:15

Kon tungkuḷ intua inontongku in kon singgai in Sabat tongonumai in intau Yohuda nomugut kon anggur. Oyúon in intau ibanea in nodatog kon gandum, anggur, bungai in anggur, bungai in ara bo pakakat mita ibanea kon tudu in keledainea bo dinia pinobayá in Yerusalem. Diá inogoiku in mosia nopotaḷui kon Yerusalem.

NEHEMIA 9:14

Singgai in Sabat inta mokudus mustibí rameon monia, bo pinongin i Musa hukum-Mu inogoi-Mu.

IḶUAIAN 23:12

Kon todiminggu, onom nosinggai motaau pakéon monimu mogaid, táe kon singgai noginpitu musti in moiko mogogai, sinbá bobiagonmu, atamu mita bo intau mita ango-angoi inta nogaid kon i monimu mogogaipa doman.

IḶUAIAN 31:12

Ki Tuhan nomarenta kon i Musa

IḶUAIAN 35:1

Ki Musa in nosipun kon bayongan bangusa Israel bo noguman kon i monia, “Naadon in parenta i Tuhan kon i monimu:

YESAYA 56:2

Barakatan-Ku in intau inta moḷukad kon singgai in Sabat bo diá noponajis in singgai tatua. Intau inta diá nogaid kon inta moraat in pomiaan-Ku kopiaan.”

YESAYA 58:13

Ki Tuhan in noguman, “Horomatbí in singgai in Sabat saḷaku singgai kon i Tuhan. Dika mogaid kon kopontinganmu tontaní kon singgai tatua. Ramedon in singgai tatua nobaḻí singgai mokosanang kon gina; horomatbí in singgai i Tuhan takin diá maya-mayá mako; dika doman mogaid andeka mosingog kon diá in mangaḻenea.

YEREMIA 17:21

Pogumandon nanaa: ‘Aka moiko doí matoi, dikadon mogakut kon pakakat kon singgai in Sabat, andeka modia tumuot mongin bonawang mita in Yerusalem.

YEREMIA 17:22

Dika mogaid andeka modia kon pakakat onuka in ḷumuai kon baḷoimu kon singgai in Sabat. Potondídon in singgai tatua kon i-Nakó ná inta ain pinarenta-Ku kon mogoguyangmu.

YEREMIA 17:24

Duduiai in bayongan parenta-Ku. Dika mogakut kon pakakat onuka mongin bonawang in kotá tanaa kon singgai in Sabat. Potondídon, Singgai in Sabat kon i-Nakó, bo dikadon mogaid kon onuka kon singgai tatua.

YEHEZKIEL 20:20

Horomatbí in singgai in Sabat sinbá mobaḻí tomponuot dodandian kon sigad-Ku bo i monimu, sin moponorop kon i monimu kon Akuoibí in ki Tuhan Allahmu.’

IMAMAT 19:3

Bayongan intau musti mohoromat kon i amá bo kon i inánea bo mohoromat kon singgai in Sabat ná inta pinarenta-Ku. Akuoi in ki Tuhan Allahmu.

IMAMAT 19:30

Ḷukadai in singgai in Sabat bo horomatdon in tampat mita inta ain sinantú posumbaan kon i-Nakó. Akuoi in ki Tuhan.

IMAMAT 23:3

Onom nosinggai in wakutu pogaidan, singgai in Sabat, in singgai pogogaian inta sinantúdon kon i Tuhan. Kon singgai tatua moiko musti momia kon poyodungkuḷan sin poibadaan bo diábí in motaau mogaid.

IMAMAT 26:2

Porameaibí in singgai mita in Sabat bo singgai mita moḷoben ibanea bo horomatdon in tampat inta ain sinantú posumbaan kon i-Nakó. Akuoi in ki Tuhan.

PINOGIAPAN 15:32

Kon tungkuḷ in intau Israel kon padang gurun, ḷoḷaki tobatú kinoumaan motayakmai kon kayu pondungú kon singgai in Sabat.

ULANGAN 5:12

Porameaibí in singgai in Sabat bo horomatbí mobaḻí singgai inta motusi, sin Akuoi ki Tuhan Allahmu inta nobogoi in parenta kon inimu.