IḶUAIAN 20:3 - Alkitab Singog In Mongondow Masa In Tanaa

³ Dika mosumba kon ilah mita ibanea. Tongá Akuoi in sumbáan.

IḶUAIAN 20:3 ပူးပေါင်းရင်းမြစ်များ

DATU MITA IMITÁNEA 11:4

Kon dodai in sia nogoguyangdon mosia in nokodondouḷugdon kon inia nosumba kon ilah mita ibanea. Ki Daud, ki amá i Salomo in tantúbí mosatia kon i Tuhan, Allahnea, táe ki Salomo in diá ná ki amánea.

MAZMUR 29:2

Dayowdon in tangoi i Tuhan inta momulia sumbadon in Sia takin mogiḷambung in ḷambung pooibada.

MAZMUR 73:25

Ki inebí in kapunyaanku kon soroga koḻikudbí in Iko? Tongábí Iko diábí in ibanea mako in koibogku in kon butá.

MAZMUR 81:10

Dikabí in oyúon in kon sigadmu in ilah ibanea, dikabí mosumba kon ilah ibanea.

MAZMUR 81:9

Indongogaidon in toingat-Ku, ei umat-Ku, Israel, aka kuma bo moiko moibog mokidongog kon i-Nakó!

IḶUAIAN 15:11

Ilahbí mita kon onda in mokoḻimonik kon ini-Mu, o Tuhan Inta Momulia bo motusi? Ki Ine in mokoaid kon inta mokoherang mita bo oaidan moḷoben ná inaidan i Tuhan?

IḶUAIAN 20:23

Dika mogaid kon i monimu in patong mita saḷaka ande buḷawan sin sumbáan monimu ponoḻindua kon i-Nakó.

IḶUAIAN 22:19

Intau inta mongibog kon mahaḷuk musti ḻimodon.

IḶUAIAN 23:24

Dika mosumba kon patong mita inta moḷoḷukad monia bo dika dumudui kon pososumba monia. Rimumudon in patong mita moḷoḷukad monia tua bo putoḷdon in oigi mita batu inta pinaké monia posumbaan.

IḶUAIAN 32:8

Mosia ain sinumabat kon parenta-Ku mita. Mosia nomiadon kon patong sapi nongkon buḷawan, bo sinumba monia poḷat inogoian monia in kuruban. Mosia ain noguman kon tuata in ilah monia inta nodia kon i monia iḷumuai nongkon Mesir.

IḶUAIAN 34:14

Dika mosumba kon ilah ibanea, sin Akuoi ki Tuhan, in Allah inta doí potongkaion in onukabí.

YESAYA 26:4

Umurandon popirisaya kon i Tuhan, sin ki Tuhan Allah tantú moḷukad kon i naton.

YESAYA 42:8

Akuoibí in ki Tuhan, tuata in tangoi-Ku; Koagungan-Ku in diábí ogoi-Ku kon i ineka; Tangoi-Ku inta ponango-nangoian in diábí ogoi-Ku kon patong.

YESAYA 43:10

Ei umat-Ku, moikobí in sakusi-Ku mita, moiko in piniḻí-Ku nobaḻí mogogundoi-Ku mita, sinbá monotaaudon kon i-Nakó bo mopirisaya kon i-Nakó, bo momangaḻedon kon Akuoibí naa in Allah. Akuoi in Allah inta totobatú tua. Diábí in ibanea mako in noiuna bo inta moiduduimai kon i-Nakó.

YESAYA 44:8

Bangusa-Ku, dika moondok andeka moitaḻikokog; sin nongkon dungkuḷmaipabí nodapot in tanaa Akuoi in nonoḻindapdon kon onu in mobaḻí? Moiko in sakusi-Ku mita. Moḷoḷukad ibanea in diábí bo diábí kinotaauan-Ku.”

YESAYA 46:9

Toropdon in inta nongobaḻí dungkuḷmai; Akudon kon Akuoi in Allah, bo diábí in ibanea mako, Akuoi in Allah, bo diábí in ná Akuoi.

YEREMIA 25:6

Nabi mita tatua nogimaḷow kon i monimu in mosumba bo moibada kon ilah mita ibanea. Mosia in nogimaḷow kon i monimu in mosumba kon berhala mita inta pinomia monimu tontaní, sin tua in nokopopisí kon i Tuhan tumorú. Aka moiko dinumudui kon parenta i Tuhan tua, diábí in Sia nohukum kon i monimu.

YEREMIA 35:15

Tantúbí in Akuoi mopotabá kon i monimu in bayongan mogogundoi-Ku nabi mita, bo mosia in nonongginadon kon i monimu kon bá monombaḷui kon oaidmu bo mogogai in mogaid kon inta moraat. Mosia in mobogoi in toingat kon i monimu sinbá diá mosumba kon ilah mita ibanea bo diá doman mogundoi kon i monia, sinbá moiko in umuran motaau mogutun kon butá tanaa inta ain inogoi-Ku kon inimu bo kon mogoguyangmu. Táe moiko in doíbí moindoimai bo doí mokidongog kon i-Nakó.

YEREMIA 7:9

Moiko in monakow, moḻimod, monuaḻing, mosakusi kon uboḷ, mobogoi in sosumba kon Baal, bo mosumba kon dewa mita inta diá kinotaauan monimu.

DANIEL 3:18

Táe aka kuma bo doí doman in Sia moposaḷamat, yo igumon mako ki Tuangku in monotaau kon kami in diábí mosumba kon dewa i Tuangku bo diábí doman mosumba kon patong buḷawan inta pinosindog i Tuangku tatua.”

HOSEA 13:4

Ki Tuhan in noguman, “Akuoibí in ki Tuhan Allahmu, inta nodia kon i monimu iḻumuai nongkon Mesir. Moiko in diábí ko Allah ibanea koḻikudbí in Akuoi. Tongábí Aku-Akuoi mita in mopoposaḷamatmu.

MATIUS 4:10

Dá ki Yesus in notubag, “Bayádon iko, Ibilis! Sin aindon pinais nanaa: Iko in musti mosumba kon i Tuhan, ki Allahmu, bo tongábí Sia in motaau poibadaanmu!”

KORINTUS 1 8:4

Yo soaḷ mokaan kon kaanon inta ain pinosumba kon berhala, sabanarnea in kinotaauanbí naton kon berhala tua in diábí onda. Sin kinotaauanbí doman naton kon tongábí tobatú in ki Allah; diábí in ibanea mako.

KORINTUS 1 8:6

Táe kita in nopirisayabí kon tongábí tobatú in ki Allah. Inta nomaḻí kon bayongan bonu in dunia naa. Bo tongábí mobiag kon kopontingan-Nea in kita. Ki Tuhan in tongábí doman tobatú, tuata in ki Yesus Kristus. Pinongin i-Nia tua bayongan in yagi-yagi binaḻí, bo lantaran doman Sia dá nobiag in kita.

EPESUS 5:5

Torop in singogku tanaa: intau inta mokotor in oaidnea, andeka inta mogaid kon inta diá patus aidan, andeka ibog inta moiḻiu (aid natua notongkaibí in aid mosumba kon berhala ibanea), dá intau mita natua in diábí baḻíon umat inta pinarentaan i Kristus bo i Allah.

ULANGAN 5:7

Dika mosumba kon ilah mita ibanea. Tongádon Akuoi in sumbáan.

ULANGAN 6:14

Dika mosumba kon ilah mita ibanea inta sinumba in bangusa mita ibanea inta nogutun kon diugmai monimu.

ULANGAN 6:5

Kotabibí in ki Tuhan Allahmu takin bayongan ginamu: Poniata intua kon bonu in kobiaganmu bo oaidmu.

PILIPI 3:19

Intau mita natua in moputúbí, sin tuhan monia in sianbí monia, bo aid monia inta moromú tua duíonbí monia; sin tongábí bonu in dunia naa in umuran raion monia.

KOLOSE 2:18

Donaaibí pomayá mako monimu in porugionmai in intau mita inta ki ubo-uboḷmai inumompá kon dodia bo inta mosumba kon malaekat mita. Intau tatua in moḷoḷatú takin raiannea mita inta modunia bo dumodia kon inta oontongon mita monia,

WAHYU 19:10

Dá sinumungkud in akuoi kon tayowonnea sin mosumba kon inia, táe sia in noguman kon inakó, “Donaai! Donaai mosumba kon inakó, sumbadon in ki Allah! Sin akuoi naa in tongábí doman bobantung ná iko nion bo notongkai doman i utatmu mita inta umuran kinumadai norigon kon onu inta pinoguman i Yesus!” Sin onu inta pinoguman i Yesus, tuatabí inta nopogonú kon gina in intau mita inta nopotaau in koyow i Allah.

WAHYU 22:9

táe sia in noguman kon inakó “Donaai momia naníon, táe sumbadon in ki Allah! Sin akuoi naa in atabí doman naonda bo iko, bo ná doman tai utatmu mita inta nabi bo bayongan intau inta dinumudui kon koyow mita inta kon bonu in buk tanaa!”

HAKIM MITA 6:10

Aindon pinoguman-Ku kon inimu kon Akuoibí in ki Tuhan Allahmu, bo moiko in diábí motaau mosumba kon dewa mita in bangusa in Amori inta butá monia in pinogutunan monimu masai naa. Táe moiko in doíbí dinumudui kon parenta-Ku.’ ”