IḶUAIAN 20:2 - Alkitab Singog In Mongondow Masa In Tanaa

² “Akuoi naa in ki Tuhan Allahmu inta nopoḷuai kon i monimu nongkon Mesir tampat inta pinononggataan kon i monimu.

IḶUAIAN 20:2 ပူးပေါင်းရင်းမြစ်များ

DATU MITA IMITÁNEA 18:39

Kon dodai in rayat mita nokoontong kon tua mita noitungkudon in mosia kon butá poḷat noguman, “Ki Tuhan tua in Allah! Totuu kon ki Tuhan tua in Allah!”

DATU MITA 2 17:7

Samaria in noḷabú sin intau in Israel binaradosa kon i Tuhan, Allah monia, inta ain noposaḷamat kon i monia nongkon datu in Mesir bo nodia kon i monia iḻumuai nongkon butá tatua. Mosia in nosumba kon ilah mita ibanea

TAWARIKH 2 28:5

Popisí in ki Datu Ahas binaradosa, dá ki Tuhan Allahnea nopomayádon kon inia sinaḷow i datu in Siria inta nogakut doman kon nobayong totok in intau in Yohuda nobaḻí intau inta dinakop pinobayá in Damsyik. Pinomayá doman mako i Tuhan in sia sinaḷow i Datu Pekah ki adí i Remalya nongkon Israel, inta kon bonu in tosinggai noḻimod kon 120.000 in tontara in Yohuda inta mongobarani. Ki Tuhan, Allah in mogoguyang monia nopomayádon intua komintan nobaḻí, sin rayat in Yohuda diádon nopandungmai kon i Tuhan.

MAZMUR 50:7

“Indongogaidon, ei umat-Ku, Akuoi in mosingog, Israel, Akuoi in moibog gumuman kon i monimu; Akuoi naa in ki Allah, Allahmu.

MAZMUR 81:10

Dikabí in oyúon in kon sigadmu in ilah ibanea, dikabí mosumba kon ilah ibanea.

MAZMUR 81:11

Akuoibí in ki Tuhan Allahmu, inta nodia kon i monimu iḻumuai nongkon Mesir. Kon dodai in moiko ginogoi moiko inogoian-Ku in kaanon.

MAZMUR 81:7

“Ininggamáan-Kudon in onu inta pinotaanmu, bo noḷuat doman kon karansi inta sinombuḻiganmu.

IḶUAIAN 13:14

Aka kon singgai moiduduimai ki adímu moḻibó onu in mangaḻe in tua komintan, yo nanaa in pototubag monimu, ‘Takin kawasa inta moḷoben, ki Tuhan nodia kon i naton iḻumuai nongkon butá in Mesir, tampat pinononggataan kon i naton.

IḶUAIAN 13:3

Ki Musa noguman kon bangusa Israel, “Kon singgai naa ki Tuhan nopoḷuatdon kon i monimu takin kawasa-Nea inta moḷoben, nodapot in moiko nokoḷuaidon nongkon Mesir, tampat pinononggataan kon i monimu. Tuamai, tanobdon in singgai tanaa. Donaaidon mokaan kon roti inta iragian.

IḶUAIAN 15:13

Iko in nodia kon bangusa inta ain pinosaḷamat-Mu naa, sin onu in pinodandi-Mu tua doman in aidan-Mu. Ropot-Mu moḷoben pinogoḻingoi-Mu kon i monia, bo poḷat dinia-Mu pinobayá in butá-Mu inta motusi naa.

IḶUAIAN 15:16

Sin mosia totokdon inagían ondok mokoontong kon ropot i Tuhan. Kon dodai in umat-Mu noitaḻib, musung modait dumoit; nosaḷamatdon in bangusa inta pinoḷuat-Mu.

IḶUAIAN 15:26

Guman i Tuhan, “Totu-totuudon dudui kon i-Nakó, bo aidaidon in onu inta ontongon-Ku mopia; duduiaidon in bayongan parenta-Ku. Aka aidan monimu intua, yo moiko in diábí hukumon-Ku poumáan in takit ná inta pinouma-Ku kon intau mita in Mesir. Akuoibí in ki Tuhan inta nonompia kon i monimu.”

IḶUAIAN 20:1

Bo ki Allah in nosingogdon, naa in tosingogon-Nea mita,

IḶUAIAN 29:46

Kotaauandon monia kon Akuoibí in ki Tuhan Allah monia inta nodia kon i monia iḻumuai nongkon Mesir, sinbá Akuoi in motaaudon mogutun kon yua-yuak monia. Akuoibí naa in ki Tuhan Allah monia.”

IḶUAIAN 6:6

Moiko in baḻíon-Ku umat-Ku, bo Akuoi in mobaḻí ki Allahmu. Dá kotaauandon monimu kon Akuoi naa in ki Tuhan, Allahmu, inta nopoḷuat kon i monimu nongkon pinononggataan kon Mesir.

YESAYA 43:3

Sin Akuoibí, in ki Tuhan, Allahmu, ki Allah mokudus in Israel, mopoposaḷamatmu. Mesir in ogoi-Ku nobaḻí tontobutmu, Sudan bo Syeba in nobaḻí toḻiumu.

YEREMIA 16:14

Ki Tuhan in noguman, “Moiangoibí in wakutunea intau in diá bidon mongibot podoyon kon i-Nakó, Allah inta nobiag, inta nodia kon umat in Israel iḻumuai nongkon Mesir,

YEREMIA 2:6

Akuoi in diádon pinandungmai; Akuoi, inta ain nokapit kon i monia kon daḷan, bo nodia kon i monia iḻumuai nongkon Mesir sinumaḻib kon rawang in bungaion, tampat inta diá in mobobiag inta nobayong in pobeukan, bo inta noingkag bo mokoanib doman – tampat inta diá inutunan bo diá bayáanmai!

YEREMIA 31:1

Ki Tuhan in noguman, “Moiangoibí in wakutunea Akuoi mobaḻí Allah in bayongan suku in Israel, bo mosia in mobaḻí umat-Ku.

YEREMIA 31:33

Naa in dodandian mobagu inta bain pomiaan-Ku takin umat in Israel: Hukum-Ku mita in tagúon-Ku kon bonu in gina monia, bo paison-Ku kon gina monia. Akuoi in mobaḻí Allah monia, bo mosia in mobaḻí umat-Ku.

YEHEZKIEL 20:19

Akuoibí in ki Tuhan Allahmu. Duduiaidon in hukum mita bo parenta-Ku mita.

YEHEZKIEL 20:5

Poyaputdon in onu inta pinoguman-Ku tanaa. Akuoi in nomiḻídon kon Israel bo nongibotdon kon i monia. Kon Mesir, Akuoi in nokipogontong kon i monia poḷat noguman, ‘Akuoi naa in ki Tuhan Allahmu.’

YEHEZKIEL 20:7

Pinoki ḷumbú-Ku kon i monia in patong mita mokorongó inta kinoibog monia tua, bo inimaḷowan-Ku in mosia in moponajis in awak monia pongin mosumba kon berhala mita kon Mesir, sin Akuoibí naa in ki Tuhan Allah monia.

HOSEA 12:10

Táe Akuoi, ki Tuhan Allahmu, inta nodia kon i monimu iḻumuai nongkon Mesir, buibí mopoutun kon i monimu kon ḷoḷaigan mita ná dungkuḷmai kon tungkuḷ in Akuoi namangoi kon inimu kon padang gurun.

HOSEA 13:4

Ki Tuhan in noguman, “Akuoibí in ki Tuhan Allahmu, inta nodia kon i monimu iḻumuai nongkon Mesir. Moiko in diábí ko Allah ibanea koḻikudbí in Akuoi. Tongábí Aku-Akuoi mita in mopoposaḷamatmu.

IMAMAT 11:45

Akuoi naa in ki Tuhan inta nodia kon i monimu iḻumuai nongkon Mesir, sinbá Akuoi mobaḻí ki Allahmu. Moiko musti motusi, sin Akuoi naa in motusi.

IMAMAT 19:36

Paké in meter, simbangan ande ukuran inta mobanar. Akuoi ki Tuhan Allahmu, bo Akuoi aindon nodia kon i monimu iḻumuai nongkon Mesir.

IMAMAT 23:43

sinbá buímu monotaau kon ki Tuhan nopotabá kon bangusa Israel mogutun kon bonu in pondok mita, kon wakutu in Akuoi nodia kon i monia iḻumuai nongkon Mesir. Sia tuata in ki Tuhan Allahmu.

IMAMAT 25:38

Tuata in parenta i Tuhan Allahmu inta ain nodia kon i monimu iḻumuai nongkon Mesir sin mobogoi kon butá in Kanaan kon inimu, sinbá Sia mobaḻí Allahmu.

IMAMAT 25:42

Intau Israel tua in mogogundoibí mita i Tuhan; Siabí in nodia kon i monia iḻumuai nongkon Mesir, dá tuamai mosia in diábí motaau potaḷui mobaḻí ata.

IMAMAT 25:55

Intau Israel tobatú in diábí motaau umuran mobaḻí ata kon bonu in kinobiagannea sin bangusa Israel tua in bobantungbí mita i Tuhan. Ki Tuhanbí inta ain nodia kon i monia iḻumuai nongkon Mesir. Siabí tua in ki Tuhan, Allah monia.

IMAMAT 26:1

Ki Tuhan noguman, “Dika momia kon toḻindua in Tuhan ande moposindog in patong ande oigi batu inta kinurig sin sumbáan. Akuoi in ki Tuhan Allahmu.

IMAMAT 26:13

Akuoi, ki Tuhan Allahmu, inta nodia kon i monimu iḻumuai nongkon butá in Mesir sinbá moiko in diádon mobaḻí ata bui. Kawasa inta mondorot kon i monimu pinutoḷan-Kudon, bo moiko in binaḻí-Kudon intau inta noiḷuat kon roriga.”

AMOS 2:10

Moiko in dinia-Kudon iḻumuai nongkon Mesir, bo dinia-Ku nongin rawang in bungaion opat nopuḷú notaong in koonggotnea. Butá in intau in Amori ain inogoi-Ku kon inimu nobaḻí butámu tontaní.

SURAT I PAULUS KON JAMAAT RUM 10:12

Tua in pakéonbí kon bayongan intau, sin diábí in yoposinea kon intau in Yahudi bo bangusa mita ibanea. Sin ki Allah inta tobatú tua in Tuhanbí in bayongan in intau. Sia in mobogoibí in barakat mobayong kon bayongan in intau inta mokituḷung kon i-Nia.

SURAT I PAULUS KON JAMAAT RUM 3:29

Andeka degá ki Allah tua in tongábí ki Allah intau in Yahudi? Deemanbí Sia tua in ki Allah in bayongan intau? Totuu, Sia tua in ki Allahbí doman in bayongan intau!

ULANGAN 15:15

Toropdon kon moiko in koḻipod in atabí doman kon Mesir bo pinoḷuatdon i Tuhan Allahmu; tuamai in ogoiku in parenta tanaa kon inimu.

ULANGAN 20:1

“Aka moiko mayá moparang moḷawang kon musungmu mita, dika moondok in mokoontong kon kereta in parang bo kabaḷo monia inta mobayong takin tontara monia inta noiḻiu in kobayongnea nongkon i monimu. Ki Tuhan Allahmu inta nopoḷuai kon i monimu nongkon Mesir, in motuḷungbí doman kon i monimu.

ULANGAN 5:15

Toropdon kon moiko in koḻipod in sinonggata doman kon Mesir, bo pinoḷuat i Tuhan Allahmu takin ropot inta moḷoben. Tuamai moiko parentaan-Ku sinbá morame kon singgai in Sabat.

ULANGAN 5:6

‘Akuoi in ki Tuhan Allahmu inta nodia kon i monimu iḻumuai nongkon Mesir, tampat inta pinononggataan kon i monimu.

ULANGAN 7:8

Táe ki Tuhan nomiḻí kon i monimu sin motabi in Sia kon i monimu bo mogintompod kon dandi inta pinomia-Nea takin mogoguyangmu. Tuamai in noposaḷamat in Sia kon i monimu takin kawasa inta moḷoben bo nopoḷuat kon i monimu nongkon kawasa i datu in Mesir.

HAKIM MITA 2:1

Malaekat i Tuhan nongkon Gilgal minayá in Bokhim bo noguman kon intau mita in Israel, “Akuoi ain nopoḷuai kon i monimu nongkon Mesir, bo nodia kon i monimu sinumuot kon butá inta pinodandi-Ku kon mogoguyang monimu. Ain doman pinoguman-Ku, ‘Dodandian-Ku takin i monimu in diábí bontowon-Ku.

HAKIM MITA 6:10

Aindon pinoguman-Ku kon inimu kon Akuoibí in ki Tuhan Allahmu, bo moiko in diábí motaau mosumba kon dewa mita in bangusa in Amori inta butá monia in pinogutunan monimu masai naa. Táe moiko in doíbí dinumudui kon parenta-Ku.’ ”