IḶUAIAN 20:11 - Alkitab Singog In Mongondow Masa In Tanaa

¹¹ Onom nosinggai, Akuoi, ki Tuhan, nomaḻí kon butá, ḷangit, dagat bo bayongan inta kon bonunea, táe kon singgai inta nogimpitu Akuoi in nogogai. Tuamai Akuoi, ki Tuhan, momarakat kon singgai in Sabat bo baḻíon-Ku singgai-Ku intua.

IḶUAIAN 20:11 ပူးပေါင်းရင်းမြစ်များ

KINOBAḺIAN 1:28

Onda intua binarakatan-Neadon in mosia poḷat noguman, “Pononggadí bo pononggompudon kobarongon, sinbá buímu in ḻimitú bo mongawasa kon tua mita. Moiko in ogoian-Ku in oaidan monompia kon toyá mita, ḷagapan mita, bo bayongan mahaḷuk ibanea inta kaḻig.

KINOBAḺIAN 1:31

Ki Allah in inimindoi kon bayongan inta ain pinomia-Nea tatua, bo nopia totok in gina-Nea. Doḷom noitaḻib bo namangoidon in doḷo-doḷom. Tuata in singgai inggonomnea.

IḶUAIAN 31:17

Singgai tatua in ponanoban tobatú inta motantú kon sigad in bangusa Israel bo kon i-Nakó, sin Akuoi, Tuhan, nomaḻídon kon ḷangit bo butá onom nosinggai koonggotnea, bo kon singgai noginpitu nogogaidon in Akuoi nogaid bo poḷat nomarakat.”

IḶUAIAN 8:22

Táe taḻiban-Kubí butá in Gosyen, tampat pinogutunan in umat-Ku. Kon tua in diábí popoangoian-Ku in ḷangow, sinbá kotaauan monimu kon Akuoi, ki Tuhan, in nomia kon tua.

IḶUAIAN 9:29

Guman i Musa kon i datu, “Naonda in ḷuaiku kon kotá tanaa, akuoi in buidon motonggó kon ḻima sin mosambayang kon i Tuhan. Gotup in mogogaidon bo uyan eis in mooḷá domandon, sinbá kotaauandon i Tuangku kon dunia naa in ki Tuhanbí in kitogi.

YESAYA 42:10

Podondong in dondong mobagu kon i Tuhan, dayowdon in Sia ei sinangkub in dunia! Ponggonugurdon, ei dagat bo bayongan in tombonunea, ḻipú mita inta moyayú bo bayongan in intau inta nogutun kon tua!

YESAYA 48:13

Ḻima-Ku nopoukat in dodoyonan butá bo nosongká kon toḷungayá. Aka oiníon-Ku in tangoinea, mosia in ḷagibí mamangoi.

OUMAN IN RASUL MITA 14:15

“Ei, nongonu sin moiko in mogaidbí kon nanaa? Kami naa in intaubí doman ná moiko! Kami in kon naa tongábí namangoi mopoyaput in Habar Mopia kon i monimu sinbá taḷaanmaidon monimu in soaḷ mita inta diá baraguna tanion bo mopirisayadon kon i Allah inta aindon nobiag nongkon kinopatoian-Nea, ki Allah inta nomia kon ḷangit bo butá, dagat bo bayongan inta kon bonunea.

OUMAN IN RASUL MITA 20:7

Doḷom diminggu kami in noyosipun sin mongaan moyotakin in bayongan ginaḷum mita kon tua. Ki Paulus nososiritaanpa mako in bayongan intau inta mopirisaya kon tua, sin tomayánea in mayádon bui in sia in mopoikoḷomai kon singgai. Mosia in nongonguman nodapot noonggot kon doḷom.

OUMAN IN RASUL MITA 4:24

Naonda in yobayat mita monia tatua nokodongog kon ouman monia tatua, mosia in nosambayang kon i Tuhan noyotakin, kai monia, “O Tuhan, Ikobí in nomia kon ḷangit bo butá, dagat bo bayongan tombonunea.

ULANGAN 5:15

Toropdon kon moiko in koḻipod in sinonggata doman kon Mesir, bo pinoḷuat i Tuhan Allahmu takin ropot inta moḷoben. Tuamai moiko parentaan-Ku sinbá morame kon singgai in Sabat.

IBRANI 4:4

Sin soaḷ singgai impitunea naa ain pinais kon Buk Motusi nanaa: “Kon singgai impitunea ki Allah nogogai in nogaid kon bayongan oaidan-Nea.”

WAHYU 10:6

Sia in nongibot pinodoyon kon tangoi i Allah inta diá mato-matoi bo inta ain nomia kon ḷangit bo butá, dagat bo bayongan in tombonunea. Malaekat tatua in noguman, “Wakutunea in diá bidon sorongon bui!