IḶUAIAN 2:7 - Alkitab Singog In Mongondow Masa In Tanaa

⁷ Bo ki guya-guyang in adí mointok tatua noḻibó kon i adí bobay i datu, “Moibog degá in ki Tuangku potayakanku kon guyanga bobay tobatú intau Ibrani inta motaau mopoteté kon inia tua?”

IḶUAIAN 2:7 ပူးပေါင်းရင်းမြစ်များ

IḶUAIAN 15:20

Bo ki Miryam, nabi bobay tobatú, ki guya-guyang i Harun, nogamá kon rebananea, bo bayongan bobay dinumudui notobog kon rebana sindaḷan notayok.

IḶUAIAN 2:4

Ki guya-guyang bobay in adí mointok tatua in sinimindog noḻin yayú mako kon tua sin moindoi kon onu in mobaḻí kon adí tatua.

IḶUAIAN 2:6

Kon dodai in adí bobay i datu nomukat kon karansi tatua, inontongnea oyúon in adí mointok kon bonunea, bo adí mointok tatua koyogot doman in mongombaḷ. Ki adí bobay i datu inagían in tabi kon adí tatua bo noguman, “Ki adíbí intau Ibrani in naa.”

IḶUAIAN 2:8

“Mopia,” tubag in adí bobay i datu. Dá minayádon in mongodeaga tatua nogoiní kon i iná in adí tatua tontaní.

PINOGIAPAN 12:1

Ki Musa notonibuḷoi in bobay intau in Kus tobatú, bo soaḷ tatua binaḻí dodoyonan i Miryam bo i Harun noningkuḻe kon i Musa.

PINOGIAPAN 26:59

Ki Amram notonibuḷoi i Yokhebed, adí i Lewi. Ki Yokhebed tua noilahir kon Mesir. Ki Amram bo ki Yokhebed kogadí kon ḷoḷaki doyowa: ki Harun bo ki Musa, takin bobay tobatú ki Miryam in tangoinea.