IḶUAIAN 2:25 - Alkitab Singog In Mongondow Masa In Tanaa

²⁵ Inontong-Nea kon intau Israel tua sinonggata, dá sinimpod-Neadon kon tuḷungan-Neadon in mosia.

IḶUAIAN 2:25 ပူးပေါင်းရင်းမြစ်များ

SAMUEL 2 16:12

Degá bo umuranbí indoian mako i Tuhan in roriga tanaa bo momarakat kon inakó nobaḻí toḻiu in odi-odi tatua.”

AYUB 33:27

Dá kon tayowon in intau moantó sia in moguman, ‘Inta moraat inanggapku mopia, moḷobenbí in dosaku, tongá ki Allah in diábí nohukum kon inakó.’

MAZMUR 1:6

Sin intau inta motoindudui in kapiton bo ḷukadan i Tuhan, táe intau moraat in mongindaḷan inta mokobodito.

MAZMUR 10:14

Táe inontong-Mubí; Sinaridian-Mu in susa bo roriga, bo umuran mosadia motuḷung. Intau inta moyangkó moposarakan in kobiagan kon ini-Mu, Iko in umuranbí motuḷung kon intau nobogá.

MAZMUR 31:8

Mopiabí in ginaku bo moḷunganga sin Iko in umuran motabi kon inakó. Iko in noindoi kon rorigaku bo nonondudutmai kon susahku.

MAZMUR 55:22

Tosingogonnea mita mopia in kodongogan modondouḷug, táe kon bonu in ginanea oyúon in yaat in gina. Potosingognea in moḷukó, táe monurak naonda bo tosilad inta moḷanit.

IḶUAIAN 1:8

Noiduduimai kon tua datu mobagu tobatú inta diá nonotaau kon i Yusup in nomarenta kon Mesir.

IḶUAIAN 18:8

Inouman i Musa kon i nunutonnea in bayongan inta inaidan i Tuhan kon i datu bo kon bangusa Mesir sin moposaḷamat kon bangusa Israel. Inoumannea doman in bayongan roriga inta kinoyitakan in bangusa Israel kon binayáan, bo naonda in ki Tuhan noposaḷamat kon i monia.

IḶUAIAN 3:9

Amui in bangusa Israel dinongog-Kudon, bo inontong-Ku doman naonda in pinononggata in bangusa Mesir kon i monia.

IḶUAIAN 4:31

Dá nopirisayadon in mosia, bo naonda in dinongog monia kon ki Tuhan ain noḷongow kon bangusa Israel bo noindoidon kon bayongan roriga monia, mosia in sinumungkud bo nosumba.

MATIUS 7:23

Kon dodai intua, Akuoi in moguman taran-tarangan kon i monia, ‘Diábí kinotaauan-Ku in moiko! Bayádon pokoyayú kon i-Nakó, sin moiko komintan in intau inta nogaid kon inta moraat!’ ”

LUKAS 1:25

Ki Elisabet nosingog nanaa, “Pangabisannea sinuḷungan i Tuhan in akuoi, ininggamáan-Nea in onu inta mokooyá kon inakó.”

OUMAN IN RASUL MITA 7:34

Inontong-Kudon bo umuran-Kudon sinaridimai in roriga in umat-Ku kon Mesir. Dinongog-Kudon in amui monia, dá moponag in Akuoi bo mopoḷuat kon i monia. Tanaa, koḻigai! Potabá-Kudon bui in iko mayá in Mesir.’

ULANGAN 26:7

Bo kami nokuani nopoigum in totuḷung kon ini-Mu, Tuhan, ki Allah in mogoguyang nami. Inindongogan-Mu in kuani nami bo noindoi kon roriga, susa takin kobobiag nami inta mokotabidon.

SAMUEL 1 1:11

Onda intua ki Hana nodandi, kainia, “O Tuhan Inta Totok in Mokawasa, indoiaipa kaasí in mogogundoi-Mu naa! Indoiaipa in rorigaku. Toropdon in mogogundoi-Mu bo dikapa koḻiongan! Aka ogoian-Mu in adí ḷoḷaki in mogogundoi-Mu naa, yo ogoikubí in sia kon ini-Mu kinoouputbí in kinobiagannea. Dandionku doman kon buoknea in diábí gonsi-gonsingan.”