IḶUAIAN 2:18 - Alkitab Singog In Mongondow Masa In Tanaa

¹⁸ Kon tungkuḷ in mosia nobui, ki amá monia in noḻibó, “Nongonu sin moiko totokbí in notoyong nobui in singgai naa?”

IḶUAIAN 2:18 ပူးပေါင်းရင်းမြစ်များ

IḶUAIAN 2:19

Tubag monia, “Oyúon intau in Mesir tobatú notuḷung kon inami nongkon dodia diá mopia in gombala mita ibanea. Nodapot in pinonangkobannea kon tubig in kami, bo nopoinum in bobiagon naton.”

IḶUAIAN 3:1

Kon dodai intua ki Musa noḷukadmai kon domba bo bembé mita i Yitro, ki nunutonnea, inta imang kon butá in Midian. Kon dodai in sia koyogot nodia kon bobiagon mita tatua minayá kon ḻimako in padang gurun, nodapotdon in sia kon Buḷud in Sinai, buḷud inta motusi.

IḶUAIAN 4:18

Nopaḷut mako kon tua ki Musa nobui kon baḷoi i Yitro, ki nunutonnea, bo noguman kon inia, “Ogoiaipa akuoi in wakutu mobui kon Mesir sin mayá moindoi kon i utatku mita bo moindoi doman mongo nongobiagpa in mosia.” Ki Yitro in noguman kon i Musa, “Bayádon takin pia-pia mako.”

PINOGIAPAN 10:29

Ki Musa noguman kon i bilanea, ki Hobab adí i Rehuel intau in Midian, “Kami in mayá kon tampat inta kai Tuhan in ogoi kon inami. Ki Tuhan ain nopodandi kon inta mopia kon intau Israel. Dá duduidon, diábí pomayá mako nami in iko.”

PINOGIAPAN 19:20

Intau inta nonajisdon bo diá nomia kon upacara ponusian kon awak, umuranpabí nonajis sin diápa binutakan in tubig upacara. Sia noponajis in Ḷoḷaigan i Tuhan, bo diádon pinoyoiap anggota in umat i Allah.

YOHANES 9:12

Dá iḻibó monia, “Kon onda intau tatua?” Sia in notubag, “Diábí kinotaauanku.”